يا شباب كنت ناوى اشترى لاب فى حدود 5 الالف وممكن يزيدوا لغايت 5500 اقصى حاجة
وانا استخدماتى هيكون نت وتصفح ومالتى ماديا وطبعا جاميز انا مش غاوى فى الجيم بس اكيد لو فية امكانية اجيب جاميز يبقى تمام
فانا كدا محصور بين DELL N 5520 CORE i 7
corei7/6g/1tera/ati7670mddr5 1g
بس انا خايف منة وخصوصا 5510 كان فية مشاكل كتير فهل الشركة تدراكت الامر ولا اية النظام
وفية برضو لينوفو y570 ودا تقريبا ب 5600
وامكانياتة
core i7 /8g/hard 750g/nvidia gt 555m 2 gb
فية ناس كتير بتشكر فى لينوفو
بس الصراحة مقلق منة وخصوصا معروف شركات الاب تشوييبا وديل وسونى واتش بي وطبعا ابل
فهل التوكيل هيبقى محترم ولا اجيب اية بالمبلغ اللى قولتة فى الاول
الديل أفضل وما شاء الله ما بيسخنش وإمكانياته أكثر من رائعة
اللينوفو خاماته أفضل وكرت الشاشة أفضل بنسبة 10 بالماشة
الديل بروسيسور أقوى ورامات أفضل وبلوتووث الجيل الرابع وخاماته جيدة
انصحك مش تجييب ديل inspiron 5110 انا كنت جايب جهاز ديل core i7 من شهر مارس والاب قعد معايا شهر وبعد كدا رح الضمان ومكنش بينطق خالص وجالى من الضمان بعد اسبوع مش عارف جى بالسرعة دى ازاى وانا بجرب الجهاز فى الشركة لقيته شغال تمام عملتله ريستارت لقيته مش بينطق تانى راح الضمان وقعد اسبوعين والحمد لله اللاب اشتغل لمدة شهر تقريبا وعطل تانى بنفس العيب وعملت مشكلة مع الشركة واللاب راح الضمان وقالى ادامك شهر وهنشوف ان كنا هنبعت واحد جديد ...........بعد الشهر انا رفضت اخد اللاب وطلبت فلوسى بس للاسف اتخصم نها 275 جنيه
خلاصة الموضوع مش تجيب ديل......انا نازل بكرة ان شاء الله اسوف جهاز توشيبا بس مش عارف نوع معين
بص ياباشا هو بروسيسور الديل جيل تالت الينوفو بروسيسور جيل تانى بس الاتنين نفس التردد ونفس الكاش
الديل باص الرامات 1600 بس 6 جيجا اللينوفو 8 جيجا بس هتلاقى الباص 1333 ومش هتحس بفرق
الهارد فى الديل 1 تيرا فى اللينوفو 750 جيجا
اللينوفو من فئة البيزنس الديل من الفئة الاقتصادية
الينوفو اعلى فى كارت الشاشة من الديل وخصوصا ان كارت الشاشة الى فى الديل لية مشاكل كتير ومن الفئة المتوسطة وكارت الشاشة الى فى الديل ddr3
السى دى روم الى فى اللينوفو مالتى لاير يعنى يقرى السيديهات ال8 جيجا الى فى الديل لا
الديل فى تلت مخارج usb3 اللينوفو مخرج واحد بس
الينوفو فية مخرج e sata مش موجود فى الديل
كاميرا اللينوفو 2 ميجا الديل واحد ميجا
خامات اللينوفو اعلى من الديل
وطبعا حرارة اللينوفو معروفة تكاد تكون معدومة
رداً على مشاركة تامر
1 - مش معنى نفس التردد يبقى ليهم نفس القوة معالج الديل أقوى بنسبة عشرة بالمائة أو أكثر بالإضافة إنه يصدر حرارة أقل
2 - باص الرامات 1600 في الديل حتحس بيه في فرق فظيع خاصةً في تصطيب الألعاب من على أي برامج إسطوانات وهمية زي البور أيزو وده عن تجربة شخصية أنا جيمر وبصطب كتير من الألعاب ليا ولصحابي وحتحس بيه برضه في ألعاب العالم المفتوح زي سكايرم وغيرها
3 اللينوفو من فئة المالتيميديا وخاماته أفضل من خامات الديل
4 أنا معايا الديل 7520 وهو مالتي لاير بس مش أعرف إلي في 5520 مالتي لاير ولا لأ
5 - الكاميرا مش حتفرق كتير لأنك كده كده مش حتستعملها غير في برامج المحادثات وكاميرا الديل أكثر من كافية
6 - وده عن تجربة شخصية عند لعب كرايسس 2 على لينوفو y570 درجة الحرارة ماكس كانت 78 وعند تجربتها على 7520 كانت درجة الحرارة ماكس 67 الله أعلم في 5520 إيه
7 - كرت شاشة اللينوفو أفضل قليلاً من كرت شاشة الديل
8 - صوت اللينوفو أنقى من الديل(علشان سماعات جي بي إل) لكن الديل صوته أعلى بكثير وتعريف كرت الشاشة في تظبيطات تظبطلك الصوت على عكس اللينوفو إلي يتحكم بكرت الصوت ريلتك
9 - الديل 4 يو إس ي 3 وده يغنيك أي أي منفذ E sata إلي إنت غالباً لن تستخدمه في شيء
المفضلات