برجاء المساعد فى مشكلة بالهارد قبل أن أفقد الداتا الموجودة بة

**رجب 1** · 30-08-2012, 04:15

السلام عليكم ورحمة الله وبركاتة

أخوتى وأحبتى فى الله

عندى 2 هارد واحد علية الويندوزودة الحمد لله شغال كويس

والتانى هارد ويسترن 2 تيرا متقسم 2 بارتيشن واحد 50 جيجا وباقى المساحة فى ابرتيشن التانى

البارتيشن الـ 50 جيجا مبيفتحش خالص ولا قابل حتى الفرمتة

أما ابارتيشن الأخر اللى علية كل الملفات فبيفتح بالعافية ببطء شديد جدا ومابقاش قابل أنى أحمل علية مثلا داتا جديدة من برنامج التورنت تشتغل عادى على البارتيشن بتاع الويندوز اللى هوة على هارد تاى خالص

أما دة لا تعمل وكمان النسخ منة منتهى البطء ولو ملفات كبيرة ما بتكملش نسخ

ومخلى الويندوز منتهى البطء والتهنيج متكرر

وكمان فية فولدرات موجودة ومش أنا اللى جايبها دى مش عارف جات أزاى لا بتتحذف وواخدة مساحة على الفاضى وكل شوية تجينى رسائل تحزيرية من الويندوز بجوار الساعة

والصورة دة توضح كلامى أكتر

https://www.gophoto.it/view.php?i=ht...2/QUc91741.jpg

كيف لى حذف الفولدرات المبينة فى الصورة

وأزاى أحل المشاكل دى وأرجع الهارد زى الأول بدون فقد بيانات لأنى خايف المشكلة دى لو طولت أن الهارد ما يفتحش الا لو عاملتلة فورمات أو يتقسم من أول وجديد

أنتظر منكم المساعدة من بعد الله

وجزاكم الله كل خير

**رجب 1** · 31-08-2012, 05:25

ودى صورة للهارد ببرنامج HD Tune Pro

**رجب 1** · 02-09-2012, 03:05

يا جماعة الخير حد يرد لله

**mahmoud20070** · 02-09-2012, 04:48

هو شوف اول حاجخ غير كبلات الهارد لانه ميديك رقم كبير جدا جدا جدا عن اخطاء فى الكبل يعنى اما يكون الكبل ردئ او اما انه الهارد بيتفصل فجأه يعنى انت مبتقفلوش بالطريقه المعتاده بتاعت shutdown لا ممكن تكون بتشد الفيشه علطول مثلا او الكهربا بتقطع كتير المهم ان الهارد بيفصل فجأه او لما جايز يكون الباده بتاعت الهارد فيها مشكله فافضل وابسط جرب تغيير كبلات الهارد بحاجه كويسه ونضيفه

بالنسبه للمشكله التانيه هو انت بتسمع صوت تكته على الهارد ساعات لان على الاغلب انت عندك باد سيكتور حسب ما فهمت عن معنى Pending sector

فهل انت بتسمع صوت تكته وياريت لو تعمل سكان للهارد وتقولنا نتائج بالاخص نتائج الباد سيكتور واعمله لكل الهارد عندك

**Mr. Nova** · 03-09-2012, 18:38

زي ما تفضل الأخ محمود أول شئ هو تغيير الكابل، هي ليست بالمشكلة الخطيرة لكن يفضل تغييره..

المشكلة الرئيسية معنديش أفكار لحلول ليها بدون فقد البيانات، أول حاجة لو الهرد مازال في الضمان فيفضل تدخله الضمان..

لو الهرد خارج الضمان فأنا شايف انه من الأفضل عمل Low Level Format وتصفير الهرد تماماً وده هيحل مشكلة الـcurrent pending sector وينقله إلى reallocated sector count
وباد سيكتور واحد ليس بالأمر الخطير، أنا عندي 12 current pending sector بقالهم أكتر من سنة ومعملتش تصفير للهرد وسايبهم ومبيسببوش مشاكل، لكن لو بدأوا يسببوا مشاكل زي عند حضرتك يبقى الحل Low Level Format