السلام عليكم ورحمة الله وبركاتة


اعضاء موقع عرب هاردوير اللى فعلا بقى الاول على ساحة المواقع العربية
بمجهود الاعضاء اللى فية واصحاب الموقع
انا دية اول مشاركة ليا واسف انها تكون مشكلة وطلب متأسف جدا
بس النصيب وانشاء الله اكون معاكم دائما

انا عندى استفسارين اولهم يخص لعبة

WWE SMACKDOWN VS RAW 2010 - 2011



انا قبل كدة كنت فى مصيف وكان معانا بلاى ستيشن تو كان قريبى جايبة المهم انا كنت بلعب العاب المصارعة على الكمبيوتر اللى هى wwe impact مملة مملة مملة مملة مملة فعلا والله حاجة قرف بس كنت بلعب وبعشم نفسى انها حلوة وبقنع نفسى انها جميل علشان نفسى العب اى لعبة مصارعة بس هى والله وحشة جدا بجد المهم جيت لما كنا فى المصيف ابن خالتى قالى اية دة انا جايبلك مصارعة 2011 و 2010 ووووو وهظبطك المهم قولتلوا ياعم مصارعة دية قرف قالى اييية وبتاع دية روعة يبنى وبتاع قوتلوا والله ما حلوة انا عندى وبتاع قالى لا اللى هنا غير اللى فى الكمبيوتر هتشوف بصوا انا لعبت حاجة خرافية شوف لما تكون قاعد فى امبابة ومرة واحدة تروح دبى هههههههه والله بجد فرق رهيب حاجة جميلة موت قعدت العب كل شوية وبتاع ودخلت دماغى لدجرة اقسم بالله العظيم قررت اشترى بلاى ستيشن 2 علشانها وبس مع انى عارف انة خلاص راحت علية بس قولت علشانها هى عجبانى اوى قولت هلاقية ب 400 جنية سألت لقيتة ب 1050 جنية طبعا حرام موت والله انى ارمى مبلغ فى الارض كدة سألتة قولتلوا هى دية ليها فى الكمبيوت روكدة قالى اة برنامج وبتشتغل تمام اوى صحبى بيلعبها عند على الجهاز طيرت من الفرحة بجد انى حتى هلعب 2010 اة 2011 اى حاجة فيهم الاتنين حلوين المهم دورت فى النت كتير اوى اوى اوى طبعا انتوا عارفين المنتديات الخرة المجانية دية وتحاول تعمل صيت شوية يقولوا فى نسخة من 2010 للكمبيوتر وحاطين صور لاثبات التسطيب وفعلا صورة حقيقية وتسطيب صح بس الروابط ببايظة واحد تانى يقول منزلتش للكمبيوتر بس ممكن تلعبها بالمحاكى بس هتهنج جامد واحد تانى يقول انا عندى على الكمبيوتر ومش بتهنج بل شغالة احلى من البلاى ستيشن والله سمعت اراء كتيييييييييييييييييييييييييييييييير اوى وتعبت مش عارف راسى من رجليا انتوا من الاخر اللى هتريحونى والله محتاج رأيى كل واحد يعرف حاجة عن الموضوع دة اسف طبعا على الرغى الكتير دة بس لانى تعبت والله

اســـألـــتـــى وطلـــبـــاتى

1 - هل لعبة wwe smackdown vs raw 2011 ليها نسخة كمبيوتر ؟
2 - هل لعبة wwe smackdown vs raw 2010 ليها نسخة كمبيوتر ؟
لو 2011 ملهاش هل ممكن تشتغل بمحاكى ؟
لو اشتغلت بمحاكى هل هتهنج ؟
لو هتهنج فى امل ان فى برنامج او حاجة متخلهاش تهنج خاللللللللللص وتبقى زى التو او كأنى بلعب اى لعبة براحتى خالص ؟
نفس الاسئلة تنطبع على 2010 تمام كدة

بعد اذنكم انا عايزة ناس فاهمة طبعا كله فاهم بس ناس عندها خبرة اوى اوى ومرت عليها الحجات الدية والنبى وواحد من المشرفين يدينى اجابة كافية اوى اوى اوى تريحنى يارب ولو اللعبة مفيش منها امل انها تشتغل بدون تهنيج يقول انا محتاج الصراحة حتى لو هتزعلنى بس الصراحة كويسة تمام لو الاجبابات ايجابية ياريت تدينى رابط تحميل اى من اللعبتين تورنت كاملة على ضمانتكم ورابط محاكى نضيف او اى برنامج اللى هتقول علية وكل المستلزمات المطلوبة والنبى وسؤال كمان واخير

لية شركة thq المصنعة للعبة مشش بتنزل نسخة pc اية السبب كل العاب العالم بتنزل الا هى هل يوجد سب وما هو
؟ وهل فى امل انها تنزل ؟ منتظر الاجابة ويارب يجعلة فى ميزان حسناتكم يارب يارب منتظر على احر من الجمر

ثــانيا

الواحد نفسى يلعب على حاجة من غير تجديد جهاز كل شوية فانا قررت


اشترى بلاى ستيشن 3 او اكس بوكس 360

عايز استفسر عن حاجة ومن غير تريقة

انا اشتريت البلاى ستيشن 3 مثلا وجبتة وبيكون عندى تليفزيون عادى كبير مش lcd تليفزيون عادى هوصل الوصلات والعب عادى دة اولا ولا لازم lcd

ثانيا انا مثلا لعبة زى فيفا 13 او 12 نازلة للبلاى ستيشن 3 مش انا بخش اى موقع مثال عرب هاردوير واحمل النسخة الخاصة بالبلاىستيشن واوصلها من الكمبيوتر للبلاى ستيشن والعبها على طول صح ولا اية

ثالثال بيقولوا فى انواع للاكس بوكس والبلاى ستيشن طيب دة يبفرق اية وهكذا مش هو نفس الجهاز وكدة

ارجو الرد وقولولى انهى جهاز احسن وفهمونى نظامهم اية الله يكرمكم
شكرا

اسف على الاطالة