أولا لازم تحضر الكورس اللى أنت هتذاكره فى أى مركز تدريب و ده مهم جدا و متقولش أنا هذاكر من الفيديوهات لأنها بتحتاج مجهود كبير جدا بالإضافه إلى إن فى حاجات مش هتلاقيها فى الفيديوهات و فيه مشاكل هتقابلك علشان تدور على حلولها على النت هتحتاج وقت و مجهود و فى الأخر هتلاقى عندك أسئله من غير إجابه لكن الكورس هيمكنك إنك تجمع أسئلتك و تسأل الانستركتور فيها بالإضافه إن الانستركتور بيديك خلاصه تجربته فيقولك اللاب الفلانى ممكن يعمل معاك مشكله فى كذا و كذا فيوفر عليك المجهود.
ثانيا لو هتأخذ كورس لازم تسأل هل الانستركتور كويس ولا لا مش مهم يكون المركز مشهور المهم الانستركتور يكون شاطر.
ثالثا بعد متخلص الكورس و تنفذ العملى بتاعه ابدأ اتفرج على الفيديوهات علشان تركز بيها معلوماتك و لو فيه حاجه ناقصه تعرفها وفى نفس الوقت تكون مرجع ليك
رابعا لو حبيت تقرأ الكتاب خليه أخر حاجه خالص وإن كنت أنصحك تركز على الفيديوهات و المحاضرات اللى أنت كاتبها فى الكورس و تنفيذ الكثير من اللابات لأن الكتاب هيستنفذ و قتك ومهوش ضرورى فى البدايه
خامسا حاول تنفيذ أكبر عدد من اللابات أثناء الكورس و سجل الاستفسارات و المشاكل التى تقابلك أثناء تنفيذ اللابات و اسأل فيها و اعلم أن فتره وجودك فى الكورس هى فتره ذهبيه لتجد الاجابه على كثير من الأسئله قد ترهق كثيرا فى البحث عن حلول لها فيما بعد.
سادسا سيبك من الموكات و السلايدس و السى بى تى ناجتس و التران سيجنال أنا بالنسبه لى لم أستفد منهم
سابعا بالنسبه للامتحانات حاول ألا تضيع وقتك فى فهم الأسئله إن كنت تستطيع حفظها و تابع الامتحانات على www.examcollection.com و اختر الامتحان النشط بمصر و تأكد أن الاجابات مرتبه و ليست عشوائيه
أنا كتبت لك خلاصه تجربتى بكل أمانه و أتمنى لك التوفيق
المفضلات