مشكله غريبه ؟!!

[mahmoud20070]

شكلها والله اعلم درجات حراره فعلا على اعتبار ان الباور بتاعك مش تجارى لانى انا معرفش النوع اللى ذكرته بس مشرفينا محدش علق على الباور فاكيد هو مش تجارى

فلذلك بالنسبه لدرجات الحراره البرسيسور فعلا مرتفع جدا ده على اعتبار ان الدرجات ديه فى حاله الخمول يعنى مبتشغلش حاجه ولو كانت بتشغل فرجاء اقفل الجهاز وافتح واستنى عشر دقائق او اقل كما قال لك اخونا علاء الاردنى ولا حاجه من غير متعمل فيه اى حاجه ولا حتى تحرك موس وبعدين صور لنا درجه الحراره بعد مرور الوقت اللى ذكرته

فلو كانت ديه درجات الحراره للمعالج فى الخمول يبقى اذن اعمل كما قال لك مشرفينا وهى اجراءت مهمه حتى ولو تساهم فى حل مشكلتلك لكن ستساهم فى حلول اخرى فى المستقبل

اشترى معجون كده حلو وغالى من اللى بيبتاع فى انبوبه تشبه الحقنه مثل cooler master او silver artic وهكذا من الانواع المعروفه وبعدين فك مروحه البرسيسور ونضفها كويس اوى من الاتربه وكذلك المشتت بعد كده شيل المعجون القديم من البرسيسور ومن اسفل المشتت باستخدام شئ مثل الكحول وهو بيبتاع فى الصيدليات او ممكن باى زجاجه برفان بس تحتوى على الكحول فقط لا مواد اخرى

بعد ذلك كميه صغيره فى منتصف المعالج من العجون القديم ولا تقم بفعل اى شئ اخر يعنى متزودش المعجون او تحاول تفرشه بايدك كل ده غلط لا حط نقطه فى منتصف المعالج فقط

وبعدين ركب المشتت فوق المعالج وباحكام وتاكد من ذلك

وبالمره بقه بنفس المعجون فك كارت الشاشه عنك وفك عنه المروحه وشيل المعجون القديم من كل حته فيه وضع المعجون الجديد طبعا بردك بعض تنظيفه

وبعدين جرب وهى مشكلتك تنحصر فى شئ من اتنين على الاغلب اما الباور ومزود الطاقه واما درجات الحراره فلذلك جرب هذه الحلول

واخبرنا بالنتائج

[وحيد1]

طيب انا فكيت المروحه لاقيت فى مسمرين مش راكبين صح فى مكانهم مسكورين !!!
بس كنت بشغل الالعاب عادى المشكله دى ظهرت من 3 ايام فقط وكان قبل كده عادى فى الالعاب بلعب بالساعات وكانت درجه البروسيور65 او 70 درجه
ايه اللى جد بقى فى الموضوع ده غير ان حاليا لما بشغل اى لعبه الشاشه بتطفى الاول وبعد كده الجهاز بيعلق ليه
اللى اعرفه لو المروحه بايظه اى البروسيور حرارته عاليه يعمل ريستارت ولا ايه؟؟!!
طيب بالنسبه لكرت الشاشه فى مشكله منه ؟
!!
وبالنسبه للباور انا شاريه من سنه وده تانى كرت اشغله على الباور ده من غير اى مشاكل نهائى........
وده صوره للباور

وده صوره تانيه بعد 10 دقايق مشغل النت فقط

[Ahmed Abdelwahab]

قم بتجربة باور سبلاي أخر بقوة 600 وات ان أمكن لأن المشكلة كما تبدو في المزود وليست الحرارة

[وحيد1]

صعب اجرب باور تانى فى الوقت الحالى بسب الميزانيه دى غير معنديش اى حد اعرفه من اصدقائى يمتلك باور اعلى من 250 وات
وايه سبب تاكيدك ان البور فى مشكله ؟؟
مع ان قبل كده فى المشاركات اللى فاتت كانت درجه حراره البروسيور ؟؟!!!!

[وحيد1]

[Ahmed Abdelwahab]

خط 12+ لايعطي قيمة كبيرة للواط بالاضافة لأن المزود قديم ولأن ماركته غير معروفة فقوته ضعفت كثيرا عن السابق وأصبح لا يستطيع امداد الحاسب بالطاقة اللازمة
وللتأكيد انزع البطاقة الرسومية وقم بتشغيل البطاقة المدمجة وشغل أي لعبة ولو علي أقل اعدادات

[وحيد1]

جارى التجربه
لكن فى الرود اللى فاتت كانت ان البروسيور حراره عاليه وحاليا بقى الباور
ليه اتغير الكلام (محتار)

[GTX]

ممكن موديل الكرت كاملاً و هل قمت بتركيب وصلاتنان الباور 6pin الخاصة بالكرت؟

[وحيد1]

جيجا بيت 5850
ومركب ال وصلتين ال6 بن فى مكانهم

[DreAmO]

بعيد عن درجات الحراره والتأكد من سلامة الهاردوير

اعتقد والله اعلم ان مشكلتك دي سببها الجهاز بيفقد تعريف الكارت مؤقت

وهي مشكلة شهيره في بعض كروت انفيديا .. وقليله جدا في كروت ATI ..

المشكلة المقصوده على الرابط التالي

https://arabhardware.net/forum/showthread.php?t=261362

ومش معروفلها سبب ولا حل لحد دلوقت .. وانا شخصياً بتحصل معايا صدف في بعض الالعاب

[وحيد1]

خط 12+ لايعطي قيمة كبيرة للواط بالاضافة لأن المزود قديم ولأن ماركته غير معروفة فقوته ضعفت كثيرا عن السابق وأصبح لا يستطيع امداد الحاسب بالطاقة اللازمة
وللتأكيد انزع البطاقة الرسومية وقم بتشغيل البطاقة المدمجة وشغل أي لعبة ولو علي أقل اعدادات

فكيت الكرت الشاشه وعرفت الداخلى وشغلت اللعب اشتغلت بدون مشاكل لكن طبعا بطئى جدا المهم ان الجهاز مفصلش زى الاول وشغلت برنامجFurMark للاخر
برده مفصلش الجهاز وكمل للاخر
هل دلوقتى المشكله فى الباور اصبح عجوز على الكرت؟؟!!!!
وهلى فى حل مؤقت للمشكله دى لان الميزانيه ل تسمح بشراء واحد جديد

[وحيد1]

بعيد عن درجات الحراره والتأكد من سلامة الهاردوير

اعتقد والله اعلم ان مشكلتك دي سببها الجهاز بيفقد تعريف الكارت مؤقت

وهي مشكلة شهيره في بعض كروت انفيديا .. وقليله جدا في كروت ATI ..

المشكلة المقصوده على الرابط التالي

https://arabhardware.net/forum/showthread.php?t=261362

ومش معروفلها سبب ولا حل لحد دلوقت .. وانا شخصياً بتحصل معايا صدف في بعض الالعاب

انت قريت مشكلتى كويس ؟؟!
انا بقول فى الالعاب فقط الشاشه بتطفى بعد كده الجهاز يهنج كله المشكله اللى انت حاططها غير بتاعتى خالص
رجاء اقرءا الموضوع كويس ( انا فيها اللى مكفينى حاليا)

[وحيد1]

الا يوجد رد حاليا

[GTX]

احتمالية ان اباور لا يقدم الطاقة اللازمة واردة
اذا كان الكرت عندك overclocked جرب تنزل السرعة الى الوضع الافتراضي دة حيقلل من الطاقة البيستخدمها الكرت

[mahmoud20070]

جارى التجربه
لكن فى الرود اللى فاتت كانت ان البروسيور حراره عاليه وحاليا بقى الباور
ليه اتغير الكلام (محتار)

لا اخى الكريم انا بردك ذكرتلك كما قالك اخونا احمد عبد الوهاب ان قد يكون المشكله اما من درجات الحراره او الباور وهو واضح بعد تجربتك الاخيره بتشغيل الكارت الداخلى وعدم ظهور المشكله ان المشكله هى من الباور لكن طبعا هذا لا يمنع ان تتصرف فى موضوع درجه الحراره لانها فعلا عاليه

بالنسبه للباور اذا كنت لا تستطيع شراء واحد حاليا ولكن تريد التاكد ان المشكله منه اعتقد يمكنك اخذ المازربورد تبعك وهى مركب بها كارت الشاشه الخارجى وطبعا الرامات والبرسيسور والذهاب بها لاى محل صيانه ثم طلب ذلك منه بان يركب جهازك بباور سبلاى قوى من عنده ووقتها ستدفع مبلغ بسيط فقط بسبب الفحص لكن ستتاكد فعليا ان كان العيب من الباور سبلاى اما من اى شئ اخر

بالمناسبه حاول ان تاخذ الهارد ايضا اثناء تجربه جهاز عند اى مركز صيانه وده لسببين الاول عشان ميضطرش لسه يسطب ويندوز وكده وثانيا عشان كمان تتاكد ان العيب مش من هاردك وان شاء الله تحل مشكلتك

ونصيحه اذا تاكد ان العيب من الباورسبلاى لا تقم بشراء اى نوع مهما كان غالى الا الانواع المعروفه فقط مثل coolermaster و Antec و corsier و هكذا ولذلك الافضل ان تسال هنا عن مزود جيد لجهاز قبل شراءه فى المستقبل