اولا بالنسبة لموضوع الهاردات :
1) طبعا البادسيكتور لا ينتقل من هارد الى أخر لانه ليس فيرس او هكر دة عطل الهاردوير الخاص بالهارد و ليس عطل سوفت ينتقل .
2) الفرق ان البلاك هو الافضل و الاسرع و مخصص للتنزيل الويندوز و استخدامه كهارد اساسى اما البلو فهو اقل من البلاك فى السرعة و لكن قليلا و برضوا مخصص للعمل كهارد اساسى لكن الجرين هو الاقل فى السرعة و لا ينصح بأن يستخدم كهارد اساسى لانه مخصص للتخزين و ليس العمل كهارد اساسى و تنزيل الويندوز عليه لانه بطئ اما RED فهو مخصص لانظمة NAS و هى انظمة التشغيل الملحقة بالشبكات .
3) لو اشتريت هارد 6GB/S و ركبته على بوردة تدعم Sata 2 فقط عادى هيشتغل و مش هيحصل حاجة للهارد بس مش هيعمل بكامل قوته .
بالنسبة لسؤال CPU و لوحة الام
1) الموضوع يا أخى انه زمان يعنى فى بوردة G41 كدة كانت نواة المعالج الرسومى المدمج مدمجة فى البوردة لكن فى جيل ساندى بريدج و ايفى بريدج بقيت نواة المعالج الرسومى المدمج مدمجة فى المعالج و ليس البوردة و البوردة مبقاش بها اى نواة معالج مدمج بقى فيها فقط منفذ العرض مثل D-SUB او DVI او HDMI .
2) المشتت الافتراضى سيكون اكثر من كافى مع المعالج لان معالج I5 3570 لا يدعم كسر السرعة و يستحسن وضع معجون حرارى .
3) منفذ الساتا 3 ملوش دعوة بالماوس ولا الكيبورد خالص دة خاص بالهاردات و منفذ USB 3 هو الخاص بالفلاشات و هاردات External و ليس الساتا 3 و منفذ الساتا 3 بتظهر سرعته اكثر فى الهاردات SSD اكثر من الهاردات الميكانيكية HDD .
بالسنبة لسؤال كرت الشاشة
كسر السرعة مصنعيا معناه ان الكرت جى من الشركة المصنعة مكسور سرعته يعنى مش حضرتك اللى هتكسر سرعتة هوه بيبقى جى مكسور السرعة عن طريق شركات زى GIGABYTE او MSI او Sapphire و غيرهم و الكسر مش زى التربو لان التربو بيخلى تردد المعالج يعلى عن الحاجة لكن الكسر بيبقى تردد الكرت عالى على طول مش عند الحاجة .
بالنسبة للرامات
فرامات Corsair ممتازة و من رأيى افضل من Kingston و هى تحتوى على مشتت بس مش بيفرق اوى فى الرامات .
بالنسبة لموضوع DVI TO HDMI بصراحة مجربتوش و للتأكد اكثر اكتب موضوع فى قسم الشاشات و اسأل هناك .
و بالنسبة لتجميعتك فهى ممتازة بس فيها عيب واحد و هو شراء هارد GReen فهو هارد بطئ و غير مخصص للعمل كهارد اساسى فأنصحك انك تغيره الى Seagate Barracuda ST1000DM003 1TB 7200 SATA 6Gb/s بسعر 460 ج فهو افضل بكثير من الجرين و كمان ياريت تذكر دقة شاشتك ؟؟ و الباور كافى للتجميعة .
المفضلات