الكارت 7750 HD والباور Hec 450W ومشكلة فى الباور

[تراى باى]

السلام عليكم ورحمة الله وبركاته
اللهم صل على محمد وعلى آل محمد

بفضل الله جبت كرت شاشة 7750 اسوس ومعاه باور هيك 450 وات

المهم الباور لما وصلته بالجهاز ووصلته بالهارد وكل المكونات اللى بتتغذى بالباور آجى أفتح الجهاز من زرار الباور من الكيسة الجهاز مش بيفتح كذا مرة
روحت لواحد صديقى شغال فى صيانة الأجهزة وكده عمل تيست عالباور يعنى بيدخل جفت كهربائى كده فى فتحات كابل الباور الكبير اللى بيركب فى البورده
عمل كده للباورات اللى عنده ووصلهم بالكيسة الباورات التانية مروحتها لفت وشغالة أما الباور بتاعى المروحه مش لفت ومافيش أى استجابة

وبيقول الباور كده بايظ وارجعه الضمان واخد واحد جديد

انا فكيت كرتونة الباور طبعا والكياس عشان اطلع واخد المسامير وكده وبرده لزقة الكرتونة من بره مش بفتحها زى كيس الشيبسى من فوق لا بامزعها علاطول ومتفرقة كده بس الكياس كلها موجوده وكل حاجه ولسه شارى الباور النهارده

يعنى المطلوب منى أروح للمحل اللى جبته منه من مول سوق العصر أقوله الباور مش شغال وااديلوا الكرتونة والكياس وكل حاجه

وهو حايدينى واحد جديد علاطول فى نفس الحال ولا حاستنى كذا يوم عما يوديه الضمان ويشوف حصله حاجه ولا لا؟

[Haythamovic]

خد الباور ورجعه للمحل وقله انه بايظ وهو ممكن يغيره انا مش متأكد لاني مرجعتش حاجة قبل كده

[azzelden]

لو الباور بايظ هايديك غيره على طول بس المهم مايفوتش وقت اكتر من يوم

[تراى باى]

لا المشكلة يوم الحد حاروح أغيره ماينفعش الجمعة ولا السبت لأنى لسه مسافر القاهره والمشوار بعيد
لو ادتهولوا يوم الحد حايوافق عادى ولا حايقولى ايه

[azzelden]

ان شاء الله يوافق بس كنت اتصلت بالمحل علشان تبلغهم لان اى محل بيدى تجربه على القطع فى حدود يوم او يومين على الاكثر يعنى تثبت حالة

[MISS.NOUR]

اتصل بيهم حالا وقولهم اللى حصل وقولهم انك هتجلهم يوم الاحد او اى يوم انت فاضى فيه المهم انك لازم تقولهم اللى حصل من دلوقتى

[تراى باى]

ليس معى رقم تليفونهم
إن شاء الله يوم الحد أو الاتنين أتوكل على الله وأطلب منه سبحاانه وتعالى أن يلين قلب البائع ويعطينى باور جديد
سبحانه قادر على كل شئ