الأمتحان فعلا بـ 1000 جنية
متقلقش من الموضوع ده أنا ممتحن عندهم يوم 25 /12 السنة اللي فاتت
وعلى فكرة أنا بكره السنتر ده كره العمى
لأني أخذت الكورس فيه من سنتين والأنستركتور اللي كان بيدينا كان زبااااااااااااااااااااالة بمعني الكلمة لأنه قال لنا أنا أخر أربعة شباتر ملغيين
وكنت كل ما أقوله الجزئية الفلانية مالهندس الفلاني شارحها على منتدى عرب هاردوير يقولي لأ ملغية فعلشان كده كرهت السنتر ده كره العمى
المهم الأمتحان فعلا 1000 جنية فمتقلقش
وعلى فكرة أنا لما حجزت الأمتحان أجلته مرتين يعني أكنك حاجز طبيعي جدا
ولما بتروح السنتر هتدفع الـ 1000 جنية وهيدولك وصل بالـ 1000 جنية
وهيقولك أنهم هيحجزولك خلال يومين بالكثير وهدتيلهم إيميلك وبمجرد ما هيسجلولك هتتبعتلك رسالة تأكيد الحجز من موقع الـ VUE
فتوكل على الله وإحجز
بس خلي بالك
أثناء الأمتحان هيعطوك ورقة وقلم تستخدمهم
أبقى أتأكد من القلم قبل ما يبدأ الأمتحان علشان القلم اللي أعطهولي كان بايظ وقعدت أكثر من عشردقائق بنادي عليهم علشان يغيروا القلم
وجه بكل برود وقال لي فيه أيه مفيهاش حاجة الوقت طووووووووووووووووويل لحظه هجبلك واحد جديد وجابه بعدها بدقيقتين يعني قعدت ربع ساعة من زمن الأمتحان مبعملش حاجة خالص فأبقى خد بالك من النقطة دي
المفضلات