مساعدة في مشروع شبكة انترنت لاسلكي

[alexandrien]

بسم الله الرحمن الرحيم

الأخوة والأخوات الأفاضل مشرفي وأعضاء المنتدى الكبير
منذ فترة طويلة وأنا في مخيلتي أن أقوم بعمل مشروع لإنشاء شبكة انترنت لاسلكي حتى أقوم بتوزيعه على الحي الذي أسكن فيه
وقد فكرت كثيراً في هذا الغرض ووجدت أنه يوجد موزع وحيد في الحي وهو يقوم بتوزيع الانترنت سلكياً .
وأنا أرغب بعمل هذا المشروع لكن ليتم توصيل الانترنت لأهالي الحي بشكل لاسلكي وذلك تفادياً لمشاكل التسليك والأسلاك .
وبحثت كثيراً في الانترنت ولم أجد من يتحدث في هذا الشأن ولا هذا المشروع ، وجدت كثيرون يسألون عنه ولم يجدوا ردوداً ، لذلك قررت أن آخذ برأي أخوتي في هذا المشروع قبل البدء فيه وأن يدلو كل بدلوه في وجهة نظره من إيجابيات وسلبيات لهذا المشروع ودعونا نناقش هذا المشروع أولاً بشكل تجاري ثم نتطرق له بشكل فني من مسلتزمات وأدوات المشروع.
فدعونا نبدأ من المنطلق التجاري للمشروع من حيث الإيجابيات والسلبيات والمعوقات التي قد تواجه ذلك المشروع ؟
فعلى بركة الله نبدأ كما أتمنى أن نجد الدعم من إدارة المنتدى لمثل هذه الأفكار التي قد تساعد شباب كثير يحمل العلم ولا يجد فرصة العمل التي يطبقه فيها.

[mhshahen]

بس يامان انا عامل شبكه زى اللى عمال تتكلم عليها دى بالظبط مغطيه حوالى نص قطر 6 كيلو لو دى اللى فى بالك فانا شغال بالاتى
1 - اكسس بوينت 642 تى بى لينك
2- انتنه 15 دى بى رمادى روبتك
3- امب ريبوتك 3 وات
4- طبعا الروتر دا اساسى اسبيد تاتش
دا البرج الرئيسى
فيه برجين فرعين على بعد 5 كيلو من الجانبين اليمين والشمال
محتويات البرج الفرعى اكسس تى بى لينك 601 او 501 وانتنه 10 دى بى ان دور
وطبعا عاملهم ريبيتر كدا اعتبر انا مغطى 6 كيلو نص قطر 1000% وكان ممكن اغطيهم بدون استخدام الابراج الفرعيه بس علشان الحمل بتاع العملا ميزدش على الاكسس ويهنج على طول
اما بالنسبه للعملا فالاغلب شغالين بكروت تى بى لينك جميله جدا جدا ورخيصه جدا 95 ج بالكونكتر والبعض باكسسات تى بى لينك 501 او 601 (مفيش اى فرق فلى الاثنين الا ان 501 سرعه الان بتاعه 54 ميجا اما 601 سرعته 108 ميجا)
الحمايه انت اكيد سمعت عن سيرفر المايكروتك جميل جدا للويرلس وانا اشتغلت بيه هو ميزته انه سهل وخفيف ولكن حاليا شغال ب ايزا كويس الى حد ما
بعد دا كله انا شغال على خط 4 ميجا بعد الدمج باجهزه دمج من تى بى لينك من خطين 2 ميجا
كمان ياعم معايا والحمد لله 120 مشترك تقريبا على الشبكه
والحمد لله شغاله تمام وزى الفل
لو محتاج اى حاجه تانيه معاك برضوا هنا
العفو ياباشا واى خدمه
بس ياعمى انت اول بتوصل الروتر بالنت وتتاكد انه مطلع نت بعد كده تركب الاكسس بوينت على الروتر بكبل لان عادى وتظبت الاعدادت بتاع الاكسس لحد مايبث النت لاسلكى بعد كده فى البرج الاساسى بتركب الامب واغلب الاحيان بيكون الامب قطعتين الاولى بيوصل بها الكهربا ودى اللى بتكون بع الاكسس مباشره وبعدين القطعه دى بتدى التانيه بواسطه كابل مخصص لذلك بيكون جاى مع الامب وبعد كده القطعه التانيه بتدى الانتنه بواسطه كابل برضه جاى مع الامب وبكده تكون وصلت الاجهزه مع مراعاه ان الامب معلهوش سوفت وير يعنى مش محتاج تظبيت اعدادات طبعا دا كله بيكون راكب على البرج اللى المفروض ثابت على قاعده كويسه لضمان الثبات الجيد والبرج يكون قائم 90 درجه
بكدا يكون البرج دا خلص
البرج الفرعى بتركب الاكسس ومعاه الانتنه ال10 دى بى الان دور عادى خالص وبتشيل الانتنه اللى جايه معاه وبرضه ترفعها على البرج الثابت كويس وبتظبت الاعدادت تمام وبيشتغل على طول
طريقه اعدادات الاكسسات 501 و 542 موجوده على موضوع مثبت فى المنتدى هنا
واى خدمه

[I-IEMA]

آدى شكل من اشكال شبكات الوايرليس العضو mhshahen تفضل مشكورا و شاركنا بيه ،

قبل ما انا أو غيرى يبدأ فى طرق أخرى عاوز الاول اسألك سؤال :
انت جربت الاول شبكة سلكية عادية ؟

فكرة الشبكة اللاسلكية مكلفة ، عليك و فيما بعد على اللى هايوصل
بالنسبة لبعض المناطق بتبقى فكرة رائعة ، لكن اغلب المناطق السلوك اسهل فيها و ارخص ليك و للعميل

فقولنا الاول عن انطباعك عن الشبكة السلكية ، قبل ما نتكلم فى اللاسلكى .

[alexandrien]

أولاً طبعاً أحب أشكر للأخ mhshahen اهتمامك بموضوعي
ثانيا انا ما كنتش ان حد يرد الرد التفصيلي ده وفعلا شرح وتفاصيل مهمه الله ييبارك فيك وربنا يزيدك ويهيء لك من أمرك رشدا
ان شاء الله هانيجي في مشاركة ما ونوصل لتفاصيل كل مرحله من المراحل الى ان نصل الى تكلفة المشروع الى نضع له ميزانية ودراسة جدوى

[alexandrien]

آدى شكل من اشكال شبكات الوايرليس العضو mhshahen تفضل مشكورا و شاركنا بيه ،

قبل ما انا أو غيرى يبدأ فى طرق أخرى عاوز الاول اسألك سؤال :
انت جربت الاول شبكة سلكية عادية ؟

فكرة الشبكة اللاسلكية مكلفة ، عليك و فيما بعد على اللى هايوصل
بالنسبة لبعض المناطق بتبقى فكرة رائعة ، لكن اغلب المناطق السلوك اسهل فيها و ارخص ليك و للعميل

فقولنا الاول عن انطباعك عن الشبكة السلكية ، قبل ما نتكلم فى اللاسلكى .

الأخ المحترم I-IEMA
أولا مشاركتك أثرت الموضوع
ورداً على سؤالك ( انت جربت الاول شبكة سلكية عادية ؟ )
انا جربتها كمشترك طبعا ووجدت أنها صحيح سهلة ن حيث التوصيل لكن بتستهلك أسلاك وممكن المشترك يشترك لمدة شهر ويلغي اشتراكه بعد كده فبيفضل السلك وكده بتكون خسارة وهدر في السلك
حاجه تانيه النت على طول بيقطع ممكن السلك يتقطع لأي سبب
السويتشات بتكون في أماكن معرضة للمطر والتراب مما يؤدي الى تلفها بسهوله وتحتاج الى صيانة بشكل متكرر
وعموما احنا في الموضوع ده ممكن نتعرض لايجابيات وسلبيات كل نوع من انواع التوصيل سواء السلكي او اللاسلكي
ولنبدأ بالايجابيات للتوصيل السلكي ثم السلبيات وهكذا...

[I-IEMA]

تعليقا على كلامك ،
كل حاجة ليها ايجابياتها و سلبياتها

- أول و اهم سلبيات اللاسلكى هى سعر الاكسس
أقل سعر اكسس حاليا هى 150 جنيه ، و كدا المشترك هايستكتر التكلفة .

ملحوظة هااامة :
لا تعتمد فى التوصيل اللاسلكى ان المستقبل ممكن يستقبل منك ع اللاب عادى
لااااااااازم هايجيب اكسس لو هايوصل نت !

[zykw]

اشكركم على هذا الشرح المفصل:-
بس انا عندى سؤال محيرنى:
ازاى اوزيع مثلا لعشرين مشترك وكل واحد ببسورد مختلف
لان ممكن القي غيرو موجود على الشبكه ممكن التوضوح؟؟

[ahmed_taha]

بخصوص الشبكات الاسلكية
فى حدود مسافة كليو يبقى بيكو 2hp ب 700 جنية
بخصوص التحكم يبقى سيرفر المايكروتيك فى حدود 500 جنية وشكرااا

[zykw]

يعنى بسيرفر المايكروتيك اقدر اتحكم ف الشبكه
ومافيش حد يقدر يدخل نت من على الشبكه غير بمعرفتى؟؟؟

[zykw]

شكراااا احمد

[ahmed_taha]

يعنى بسيرفر المايكروتيك اقدر اتحكم ف الشبكه
ومافيش حد يقدر يدخل نت من على الشبكه غير بمعرفتى؟؟؟

الروتر البورد المايكروتيك750gl
دعوة لكل واحد عنده شبكة سواء سلكية او ويرلس - لو عايز يريح نفسه من برامج النت كت
وبرامج الهاكرز- وفيروسات الشبكات - تقسيم السرعة على المستخدمين - فصل الداونلود عن التصفح
يوزر نايم وباسوورد لكل مستخدم –قفل الدنولود وتشغيل التصفح فقط
تقدر تفصل على اي حد النت وتنزله اعلان يفيد بقطع النت وضرورة دفع الإشتراك
تقدر تمنع المواقع الإباحية او اي موقع معين- تقدر تتحكم عن بعد سواء معاك استاتيك
النسخه لا تهيس لانها اصليه - توافق تام بين السوفت وير والهاردوير لانه شركه واحده.يحتوى على نسخه اورجينال اصليه
لا يوجد به مروحه بتعطل ولا رامه بتهنج ولا هارد بيتحرق -يحتوى على 5 لان 10-100-1000
قدرته للعمل بالايام بدون راحه.-قابليته لدمج الخطوط حتى 4 خطوط ونتائجه معروفه.
8-حجم صغير جدا لا يأخذ مكان. فى حجم السويتش ال 5 بورت.
ممكن تشغيله كسيرفر) بكل امكانيات التحكم فى المشتركين (اسم دخول-تحديد سرعه-غلق وفتح-

هو دة سيرفر المايكروتيك هو عبارة عن تحكم

[ahmed_taha]

شكراااا احمد

شكرااا لله وانا فى خدمتك

[zykw]

ممكن تفسير صغير
انا ساكن ف قريه وعايز اعمل مشروع انترنت لاسلكى بس اغطى القريه كلها عايز اعرف الاجهزه المطلوبه اى
وتكليف المشروع ده اد اى ياريت المساعده

[ahmed_taha]

يعنى بسيرفر المايكروتيك اقدر اتحكم ف الشبكه
ومافيش حد يقدر يدخل نت من على الشبكه غير بمعرفتى؟؟؟

سيرفر المايكروتك هو تحكم فى كل شى السرعات وبسواردات وكل شى وبس

[ahmed_taha]

ممكن تفسير صغير
انا ساكن ف قريه وعايز اعمل مشروع انترنت لاسلكى بس اغطى القريه كلها عايز اعرف الاجهزه المطلوبه اى
وتكليف المشروع ده اد اى ياريت المساعده

لابد تقولنا مكانك فين من خلال جوجل ايرث علشان نعرف المساحات انت عايز تغطيها والميزانية معاك كام بالظبط وانا ممكن اساعدك