الفرق بين CUCM وCUCME و SRST و CUCME In SRST Mode

[moh_sob]

بسم الله الرحمن الرحيم,,
ال CUCM دا سيرفر لينكس نازل عليه Application بتاع سيسكو اللي بيخليه يقوم بدور السنترال في شبكه VOIP والتليفونات بتسجل معاه عشان تقدر تعمل Calls وبيبقي هو المسؤل عن ال Signaling او التحكم في اي Call
السيرفر دا ممكن يكون موجود في Main Site وعشان تطلع تكلم تليفونات في شبكه PSTN بتحتاج في يكون عندك راوتر سيسكو IOS Router عليه كروت VIC فيها بورتات FXO مثلا اللي بتبقي متوصله علي خط التليفون العادي
الCUCM دا غالي جدا وفيه امكانيات كتير, فلو مكان صغير ومش عاوز اوبشن كتير ممكن يجيب راوتر سيسكو Voice Enabled ويعمله CUCME بحيث يبقي هو دا السيرفر اللي التليفونات هتسجل معاه وممكن يبقي عليه كروت VIC .ودا بيشيل تليفونات اقل وبامكانيات اقل.
لو عندنا Remote Site فيه شويه تليفونات وعاوزين نربطه بالسايت دا كل اللي بنعمله ان بنخلي التليفونات تسجل مع السيرفر اللي في Site الرئيسي وسواء التليفونات دي واصله علي راوتر سيسكو ولا اي خط نت مش هتفرق.
طيب لو فيه خطوط تليفون في ال Remote site هنوصلها ازاي علي السيرفر للي في الMain Site؟
لا ياخفيف مش هنسحب كابل لحد الMain Site الكلام دا تعمله في وصله النت اللي انت سارقها عندك في البيت
بنحط Cisco IOS Router في ال Remote Site ودايعتبر Voice Gateway وفيه كروت VIC وعليها خطوط التليفون وال CUCM بيسجل الVoice gateway دي عنده وبيبعتلها المكالمات الي رايحه PSTN علي حسب ال Dial Plan اللي انت عاملها وعلي حسب نوع ال Gateway او البروتوكول اللي شغاله بيه,, والتليفونات بتبقي مسجله عادي زي ماهي مع ال CUCM في ال Main Site
طيب لو حصل WAN Failure ايه اللي هيحصل,, التليفونات هتقف خالص ومش هترسل ولا تستقبل اي حاجه,, والحل ؟
عندنا حلين :
SRST ان احنا بنظبط Voice Gateway اللي في ال Remote Site اللي هي الراوتر اللي عندنا بحيث يقوم بدور الCUCM مؤقتا وبامكانيات او Feature محدوده
CUCME In SRST Mode ودا حاجه وسط بين CUCME و SRST فيه امكانيات اكتر وبيدعم عدد تليفونات اكتر ومينفعش يشتغل لوحده زي CUCME ولكنه Voice Gateway عادي وبنظبط الرواتر انه في حاله فقد الاتصال بالCUCM يشتغل Backup ويتحكم هو في المكالمات وتفضل التليفونات شغاله

ارجو اكون افدتكم واللي عنده سؤال يبعته لهندسه العاشر ولو مردش يكلمني اديله رقم موبايله..

[moh_sob]

السلام عليكم,,
انواع ال Voice Gateway واستخداماتها,,,
عشان توصل خط تليفون وال IP phones تعرف تستخدمه قولنا بنحتاج Voice Gateway اللي هو عباره عن رواتر سيسكو Cisco IOS Router Voice Enabled ولاحظ ان مش كل الراوترات ينفع تشتغل Voice Gateway ونركب في الراوتر كارت "Voice Interface Card "VIC والكارت بيبقي فيه بورتات FXO عشان توصل خط تليفون عادي او بورتات عشان توصل خط T1 .
انواع ال Voice Gateway بتبقي علي حسب البروتوكول اللي شغاله بيه وعندنا 3 انواع:
SIP GW ,H323 GW, MGCP GW وكل نوع له مواصفات مختلفه عن النوع التاني, وفكره شغلهم ان الCUCM بيبقي مسجل عنده ان فيه Voice Gateway وبتبقي انت عامل في الDial Plan ان لو حد طلب 9 يبقي هو عاوز يطلب رقم تليفون External بيقوم الCUCM عامل Call routing الي الVoice gateway المطلوبه,,والعكس لو ال Voice Gateway استقبل Call جايه من ال PSTN بيقوم باعتها الي ال CUCM وهو يوزعها حسب الضبط اللي انت عامله.
ممكن ال Voice Gateway يبقي عليها بورت FXS ودا لو انت عندك جهاز تليفون انالوج او جهاز فاكس وعاوز تستخدمه ضمن شبكه ال VOIP اللي عندنا,,
االفرق الرئيسي بين انواع GW دي ان ال MGCP is Master/Slave يعني بتسجلها الاول علي ال CUCM وهو اللي بيبعتلها الConfiguration وهو اللي بيبقي مسئول عن الCall Routing يعني لو حد رفع سماعه التليفون وضغط 9 المكالمه مبتروحش علي طول للGW ولكن بتروح لل CUCM وهو يبعتها للGW ولما تروح ال GW بتقوم الGW تسال الCUCM انا جالي رقم كذا اعمل فيه ايه واطلعه من اي بورت وهكذا,,لو عاوزين نغير في ضبط بورت بنعمله من الCUCM ,هكذا,,
لكن النوعين التانيين SIP,H323 دول يعتبرو Pear-To-Pear يعني احنا بنسجلهم مع ال CUCM عشان هو يبقي عارف انهم موجودين ويبعتلهم المكالمات علي حسب ال Dial Plan ولكن الGW بيبقي عليها الضبط بتاعها اللي احنا بنعمله Manually وبيبقي عليها Dial Pears بتاعتها وهي اللي بتحدد المكالمه تطلع من اي بورت بدون اي تدخل من الCUCM..
ال Dial Pears حاجه اشبه بال Static Route يعني بتقول للرواتر لما يجيلك رقم شكله كدا طلعه من البورت دا وممكن من الDial Pears نغير في شكل الرقم يعني لو حد طالب رقم دولي نضيفله صفرين ولو فيه 9 قبل الرقم نشيلها وهكذا,,
ارجو ان اكون افدتكم النهارده وبليز محدش يحط ردود في الموضوع دا عشان اعرف اكمله ولو حد عنده اي استفسارات يبعتها لهندسه العاشر ,,

[moh_sob]

بسم الله الرحمن الرحيم,,
الرسم اللي عندنا في الصوره بيوضح شبكه VOIP بسيطه فيها 3Sites
HQ دا فيه الCall Manager وفيه مجموعه سيرفرات بتقدم خدمات معينه لشبكه الVOIP زي مثلا الVoice Mail Server دي هنبقي نتكلم عليها بعدين,,
والHQ دا واصل علي شبكه الWAN و ال PSTN عبر Voice Gateway اللي هو الCisco IOS Router اللي عندنا في الرسم
لو لاحظتم هتلاقو عندنا اكتر من سيرفر شغالين CUCM ودا لان واحد فيهم Master والباقي شغالين Backup له.
وعندنا BR1 ودا شغال فيه CUCME اللي هو راوتر عادي حتي لو لاحظتم هتلاقوه طالع علي طول علي الWAN علي طول لانه نفس الراوتر بيبقي شغال عليه كل حاجه ودي برده حسب امكانيات الراوتر والذاكره بتاعته,, زي ماقولنا قبل كدا ال CUCME بيشتغل منفصل او بدون سيطره من ال CUCM في ال HQ وبيبقي له ضبطه لوحده و Dial Plan بتاعته مستقله ولكن ممكن يبعت مكالمات VOIP لسيرفر ال CUCM عبر الWAN عادي ويستقبل منه مكالمات عادي خالص.
BR2 دا فيه شويه تليفونات عادي خالص واصله علي رواتر سيسكو عادي خالص بيطلع WAN بأي نوع اتصال والتليفونات بتسجل مع الCUCM في الHQ عادي خالص كل الموضوع انه خلي الراوتر يبقي Voice Gateway وشغل علي الراوتر خدمه ال SRST عشان لو حصل WAN failure التليفونات تسجل مع الراوتر وهو يتحكم فيها مؤقتا.
الراوتر الي عليه رمز V معناه ان دا Enabled Voice Router وشغال Voice Gateway ودي بنحتاجها لو هنركب في الراوتر كروت VIC عشان نطلع PSTN او لو هنشغله في Remote Site زي اللي عندنا SRST لكن لو مثلا عندنا Main site والسايت دا مش طالع للPSTN ممكن نحط راوتر عادي او حتي منحطش راوتر خالص وبتبقي الشبكه عباره عن الCUCM والسيرفرات والسويتشات...
الشبكه دي كدا علي بعضها تعتبر Cluster بمعني ان فيها CUCM Data Base واحده مشغله الشبكه.
هشرحلكم بعدين مجموعه مصطلحات المفروض اي حد عاوز يفهم VOIP يعرفها.

"""بليز محدش يحط ردود لحد مخلص الموضوع"""

[moh_sob]

السلام عليكم,,,
فيه شويه مصطلحات كدا في الفويس هحاول اذكرها واضيفلها كل فتره اللي اعرفه جديد,,
1- Call Manager CM دا السيرفر الرئيسي اللي عليه ال Application اللي عليه الConfiguration اللي بيتحكم في ال Calls و ال Features بتاع الشبكه عموما,, وممكن يكون معاه سيرفرات تانيه بتعمل حاجه معينه زي Voice Mail Server ,, ال Product بتاع سيسكو اسمه Cisco Unified Communication Manager CUCM واخر Version منه CUCM v8 والسيرفر دا في امكانه يشغل لحد 30000 تليفون يعني ممكن يربط فروع شركه في كذا دوله .

2- Private Branch Exchange PBX دا سيرفر بيقوم برده بدور السنترال ولكنه اصغر بكتير من الCall Manager وغالبا بيبقي عليه كل السيرفيس والضبط بتاع الشبكه وممكن يشغل من اول 10 تليفونات لحد 1000 او 2000 في بعض الانواع .. عشان كدا دا يعتبر مناسب للشركات الصغيره ,, وفيه انواع منه ممكن تنزل الApplication مجانا وتشغله علي اي سيرفر وتوصل عليه التليفونات عادي,,

3- Signaling Protocol عمليه الSignaling المقصود بها التحكم في الIP Phone و Call والبروتوكولات اللي بتعمل كدا سمها Signaling Protocol وعندنا 3 انواع بتستخدمهم سيسكو اللي هم:
H323 ودا Standard وفيه تليفونات H323 بس مش منتشره اوي
SIP ودا من اشهر الانواع وشغال مع Brands كتير اوي سواء CM او PBX
SCCP ودا بتاع سيسكو Cisco Proprietary وطبعا كل تليفونات سيسكو Cisco IP Phones بدعمه وبتديله Featutres كتير.

4- Real Time Transport Protocol RTP ودا البروتوكول المسئول عن نقل Media Stream وشغال في Layer 4 وغالبا الصوت بيتنقل UDP لان مينفعش يحصل Delay اثناء نقل الصوت بمعني ان لو باكت وقعت مش هينفع يبعت تاني للمصدر يقوله ابعتها تاني.

5- Voice Gateway كلمه gateway عموما المقصود بها النقطه اللي عندها بتخرج من الشبكه بتاعتك الي شبكه او سيستم تاني,, وبتالي ال Voice GW هتبقي النقطه اللي بنخرج عندها من شبكتنا الي ال WAN او الي PSTN وغالبا بتكون Cisco IOS Router وفيه الكروت المطلوبه علي حسب عاوزين نوصله علي ايه,, وانواع ال GW بتبقي علي حسب نو البروتوكول اللي شغاله بيه والبروتوكول دا اللي بيحدد شكل الضبط والامكانيات بتاع الGW وشكل الاتصال بالCM ازاي,, وعندنا 3 انواع مشهورين:
H323 , SIP , MGCP

6- Dial Plan البتاعه دي المقصود بها التصميم اللي انت حاطه لل Call Routing بمعني تقسيمه ارقام التليفون وعدد ال Digits ولو حد عاوز يطلب رقم External يطلبه ازاي ولو حد عاوز يطلب دولي
ولما بيكون عندنا اكتر من Site بنستخدم Access Code لكل سايت ,, والارقام المسموح الاتصال بها لكل رقم وهكذا,,

7- Extension دا رقم التليفون عموما
8- Directory Number DN برده بمعني رقم التليفون ودا المصطلح الدارج اكتر علي ال CUCM
9-,,,
للموضوع بقيه