شركات ومحلات ( شوية حرامية )

**MiCano** · 17-11-2012, 22:59

انهارده يا جماعه كان يوم مش عادى .. فيه ناس قاصدونى انى اجى معاهم علشان يشتروا لاب واستقروا فى الاخر على DEll 5520 i5 وقولت بالمره علشان بردو اشوف الدنيا ماشيه ازاى .. المهم الحوار دا كان كله فى المنصوره لقيت الغش وانعدام الضمير موجود فى كل حته اللى يقولى اللاب جديد وهو اصلا ريفيبشد Collect and Return واللى يكون شرق اسيا وحاجات وبلاوى كتير لدرجه انى فيه واحد اتعصب وعاملى فيها القذافى وبقا يهلوس لما فأسته !! دلخت محل من المحلات قولت له عاوز لاب 5520 قوالى موجود المهم قولت له قبل ما يجيبه الاستيكر بتاع الضمان موجود على الكرتونه .. قالى لأ بعد ايه .. لما كروتنى وعاملى فاتوره وانا لسه مش عاينت اللاب شوفت ازاى يا عم الناس دى اساتذة فى انهم يعمموا اى حد بس على مين بقا !!! المهم روحت محلات تانيه لقيت نفس النظام من غير استيكر وبردو Collect and return او شرق اسيا او اوروبا .. المهم واحد منهم قالى هجيبلك لاب جديد عليه الاستيكر بتاع BDL مع ان كان فيه واحد i7 كان عليه الاستيكر قولت بقا اشمعنه ال i5 ابن الغساله ولا ايه !! وفى الاخر روحت محل جاما .. صاحبه راجل محترم بجد وتاخد منه الحاجه عن ثقه بس للاسف الناس اللى معايا مش كانوا صابرين واشتروا اللاب بس بدون استيكى ضمان لكن انا دخلت على موقع الديل واتأكدت انه مش ريفيربيشد .. عموما الكلام دا انا قولته علشان قبل ما تروح تشترى حاجه لازم تجمع معلومات كافيه عن الحاجه دى مهما كانت علشان محدش يعممك فيها وتلبس فى الاخر !! وشكــــــــــراً