عن تجربة Fujitsu ولا Toshiba في لاب توب للاعمال المكتبية والتصفح ؟

[amrmousa2007]

ازيكم يا رجالة عرب هاردوير

انا انهاردة قاصدكم في خدمة

والدي طلب مني اشوف له لاب توب كويس هأشتريه في شهر 1
عشان كده حبيت اوصفلكم ايه استخدام اللاب والسعر والمواصفات المطلوبة .....الخ

اولا استخدام والدي هو الكتابة على الورد والبوربوينت يعني الاوفيس كله والتصفح وبعض البرامج الهندسية الخفيفة

ثانيا السعر في حدود 3000-3500

ثالثا المواصفات اٌفضل يكون I3 او I5 طبعا sandybridge
رامات 4
هارد 320 كفاية اوي وزيادة كمات
كارت الشاشة اظن بلاش خارجي كفاية intel
الكيبورد اساسي تكون كاملة وواسعة عشان تكون مريحة في الكتابة

رابعا بالنسبة للماركة انا محتار بين Fujitsu و Toshiba
انا جربت التوشيبا Satellite l505-13t في التقرير بتاعي ده █▓▒░تقرير مفصل عن لاب توب Toshiba Satellite l505-13t◄█▓▒░

والصراحة لاب تحفة بيتحمل وملهوش اعطال تذكر الا عيب الشاحن اللي بيبوظ بسرعة مع الاستخدام الثقيييييييل
ووالدي مجرب Hp Probook 4520s (core2due/2/320/intel)sوالحقيقة ما اشتكاش منه خالص وعجباه اوي الكيبورد بتاعته عشان واسعة

بس انا رفضت الديل لتجربة سيئة والاتش بي لسخونته
ونفسي اجرب الفيوجيتسو عشان الماني ومقتنع جدا بالتوشيبا

عشان كده عايزكم ترشحولي لاب كويس بالمواصفات السابقة وتقولولي رأيكم في الفيوجيتسو الالماني ( وهل هو الماني فعلا ولا اشتغالة )
ورأيكم في اختياري للاب ده Fujitsu Lifebook A Series AH532 (i5/4/500/Nvidia)s بسعر 3355ج في اللينك ده من ********
مستني رايكم يا شباب
وشكرا

[amrmousa2007]

خير يا شباب
انا مستني ردودكم بقالي كتيييييييييييييييييييييييييييييييييير !!!!! :confused:

[md3000]

Fujitsu Lifebook A Series AH532 رائع و الماني فعلا و اداءه و خاماته جيدة
انا مجرب الموديلين الاقدم منه AH531 و A530 و مكنش فيهم اي مشاكل
بس انا مجربتش AH532 بس شوفت ليه مراجعة جيدة على النت و نصحت عضو معانا في المنتدي بيه و اشتراه و قال اللاب ما شاء الله عليه مفيش فيه اي مشاكل

[rayfire]

هو علي الظهر مكتوب صنع في المانيا..... لكن هو ميفرقش أي حاجة كخامات عن أي لاب تاني بخامات متواضعة!! ودي حاجة غريبة
ومادام انت مش عايز كارت خارجي يبقي أعتقد تخليك في اللينوفو الـ Z580 الرمادي وخاماته معدنية رائعة وقريب من لون وخامات البروبوك اللي انت حاطت صورته
مواصفاته هنا www.eg@prices.com/product.php?id=16976 وسعره يترواح من 3100 إلي 3200
واللاب انا شاريه لواحد صديقي وزنه خفيف وكيبورد كاملة ومفيش سخونة أو مشاكل مع إنه بيشتغل فترة طويلة