السلام عليكم و رحمة الله و بركاته
المشكلة باختصار اني اشتريت هارد ويسترن 500 ساتا جديد من مول البستان و الكلام ده معايا فاتورة بيه بتاريخ 23/12
شغلت الهارد سخن معايا فأفلته علي طول لأنه سخن في اول خمس ثواني فتحته فيه
شغلته عند واحد صاحبي معاه هارد 1 تيرا و شغال زي الفل بدلناه و شغلنا الهارد البوردة طلعت ريحة شياط
روحت بيه للراجل انهارده بتاريخ 25/12 قاللي التالي
ان البوردة محروقة و دي مش مسئوليته دي مسئولية التوكيل و جاب سبراي بتاع بوردات رشو علي البوردة و قاللي تخليه معاك لحد السبت تكون الريحة راحت منه و تجبهولي عشان ارجعه للوكيل اللي جايبه منه و لما يقبله هديك هارد جديد
دلوقتي ايه الاجراء الصح اللي اتخذه معاه:
1-اعمل زي ما قاللي و استني و امري لله
2-اروح اعمل فيه محضر و اكبر الموضوع
3-اخد حقي بإيدي لو هو بيسرح بيا
بعد اذنكم عايز النصيحة من الناس اللي دايسة في الموضوع ده لأن الحوار ده اول مرة يحصل معايا و مش عارف ايه الصح اللي المفروض يتم
المفضلات