ساعدوني علي اختيار طريقي في الشهادات المعتمدة

**ViRus-BoY** · 08-01-2013, 19:56

السلام عليكم

انا طالب بكلية الهندسة .. حاصلت علي اول شهاده هيا الــ ICDL سنة ( Dated 2009 )
و بعدها مفكرتش في الشهادات خالص
دلواقتي انا بذاكر CCNA و MCSE 2003 'انا عارف ان ملهاش امتحانات

بس انا محتار اكمل فيها ولا ادور علي كورسات MCSA 2012 علطوول علشان امتحنها

سؤال بقي بخصوص الإمتحانات كمان ... انا دلواقتي لنفرض اني خلصت ال MCSA 2012 ,و ربنا كرمني و امتحنت و خلصت .. هل ممكن اجد شغل PART Time بيها ولا اية الشهادة اللي هينفع تشغلني PART- Time بمرتب محترم ... علما اني بسأل اكمل و امتحن ولا لأ لأني لسة فاضل 4 سنين و نخلص و بعد كدا 3 جيش و ربنا يكرم فهل كدا برمي الفلوس في الأرض ... و اية الشهادات اللي هأحتاجها علشان اكمل طريقي

انا عايز اكمل في مجال السيكيوريتي و الهاكنج طبعا

و يريت حد يقوول لنا علي مرتبات الوظائف اللي تنفعني لأني بردوا ليا في الويب ديزاين ( فوتوشوب - و معايا HTML , CSS , , و شوية PHP و استطيع تصميم المواقع و الجرافكس و اللوجوز و حجات كدا علي قدنا ) بس مفيش حاجة معتمدة غير الـ ICDL و ازاي ممكن احصل علي وظيفة بجانب الدراسة بشرط ان الوظيفة دي تكووون مساعدة و تساعد في المجال بردو مكونش بضيع وقت وخلاص

يريت حد يرد عليا في الموضوع دا بإستفاضة شديدة

.. انا من مصر .. علشان المرتبات و كدا

و شكرا مقدما

**Michael Youssef** · 08-01-2013, 21:31

أخي الكريم انت هتغلط غلطة كبيرة اوي ، لا تفكر في الشهادات. لا أحد لسا علي بداية الطريق يجب ان يفكر في الشهادات. هل يفكر طالب الكلية في مناقشة رسالة الماجستير؟ بالطبع لا. بما أنك قررت ان مستقبلك في مجال امن الشبكات اذا ابدأ "بقلب الشبكات" و ليس انظمة التشغيل.
لا اعتقد ان هناك فرصة لشغل part-time في مصر خصوصا في هذا الجو المرعب و الاقتصاد المفزع.
ابدأ بكتاب مثل Guide To Networks fifth edition و Hands-On Networking Fundamentals
بعد ذلك يمكنك البدء في انظمة التشغيل و للسهولة ابدأ بالويندوز و عليك ب 2003 , 2008 و يمكنك في نفس الوقت تعلم مباديء اللينكس.
لا تفكر في الشهادات او العمل في الوقت الحالي و هذه هي افضل طريقة للوصول لهدفك

**ViRus-BoY** · 08-01-2013, 21:36

يعني لا ابحث عن شغل في الوقت الحالي ؟

انا كنت منزل جزء كبير من كورس ال msce 2003 اكملو ؟؟ بعد ما اخلص الCCNA .. امشي في اية تاني ؟؟ انا انا بشتغل e-learning هل لازم بعد كدا اخد كورسات برا ؟؟؟ يعني هل الفديوهات و الكورسات اللي علي النت مش هتكوون كافية ؟

و إن شاء الله هأحاول قراءة الكتاب دا في اسرع وقت ...يريت لو معاك لينك تحميل لييه .... لكن احتمال بعد كاام يوم اصل دلواقتي امتحانات و عين شمس مش بترحم و انا بصراحة مش عارف اركز خالص في المذاكرة بسبب المواضيع دي و القلق الدائم من المستقبل .. و الف شكر علي الرد السريع .

و في انتظار باقي نصائح الشباب

**Michael Youssef** · 08-01-2013, 21:49

انسي موضوع الدورات خالص ، احسن حاجة انك تذاكر و تدرب و تبحث لوحدك و تقابل مشاكل و تحلها و طبعا لازم تستخدم virtual machines و محتاج جهاز قوي جدا و رامات علي الاقل 8 جيجا و يستحسن 12 او 16.
سيب المستقبل في ايد الله ، و اعمل العليك و ذاكر اخي الكريم.
بلاش تكمل windows 2003 دلوقتي ابدا صح ، خلص الكتابين دول الاول و افهمهم كويس جدا و بعد كدا ابدأ في 2003 و اهم حاجة بقولك تاني التدريب و البحث عن حلول للمشاكل.
والله الموفق

**ViRus-BoY** · 08-01-2013, 22:10

الف شكر يا باشا علي نصائحك القيمة

**Michael Youssef** · 08-01-2013, 22:12

لا شكر علي واجب و بالتوفيق باذن الله

**ViRus-BoY** · 08-01-2013, 22:46

بالنسبة للجهاز تنصحني بأية PC ولا لاب

و لو لاب اية النوع الأفضل و سعر في متناول اليد

**Michael Youssef** · 09-01-2013, 00:11

أخي الكريم طبعا انصحك ب PC و يكون المعالج i7 و رامات يفضل 16 جيجا ، سوف تحتاج لممارسة التدريبات و السيناريوهات اول باول و 16 جيجا رام سوف تكون كافية جدا باذن الله.
الاب توب ليس عملي لل virual machine الا لو حاجة زي Alienware

**ViRus-BoY** · 09-01-2013, 14:13

يعني اجمع PC يكون قوي للألعاب و بكدا هيكوون قوي معايا .. و لا كارت الشاشة مش مهم ؟؟ .. يعني لما اجمع اكون حااط في دماغي اني بجمع علشان العاب صح ؟

**Michael Youssef** · 09-01-2013, 21:18

لالا انت مش محتاج كارت شاشة قوي ، و لكن لازم تجيب بوردة غالية و قوية جدا علشان تحس بقوة المعالج و الرامات ، و هات كارت شاشة رخيص. غير لو انت بتحب الجيمز طبعا مش هقدر اقولك لا

**poha66** · 10-01-2013, 20:28

طيب بالنسبة للى خلص دراسة وعايز يبدا وللاسف ماخدش كورسات يبدا بايه؟

**ViRus-BoY** · 12-01-2013, 20:41

اية رأيكم في التجميعة دي ؟؟

شغاله ولا في حاجة عايزة تتزود ؟؟

Intel® Core™ i7-3770 Ivy Bridge 3.4GHz 8MB Cache Desktop Processor
Gigabyte GA-B75M-D3H Socket 1155 Motherboard
Kingston ValueRAM ( 2 x 8GB) DDR3 1333MHz CL9 1.5v
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD
Thermaltake V3 BLACK EDITION mid tower + 450w PSU
ASUS DRW-24B1ST 24X DVD-RW DL drive