طلب - بخصوص جهاز pc -- لمصمم جرافيكس -- مطلوب اعلى مواصفات

**abousaif2** · 10-01-2013, 17:20

السلام عليكم ورحمة الله وبركاته

بدون ما اطول عليكم اخوانى

انا عاوز اجمع جهاز مكتبي pc بس تكون امكانياته عاليه جدا من كل النواحى من حيث المازر بورد وكارت الشاشة والرام الى اخره

المازربورد :
ياريت تكون جيجا بايت -- وتقبل مثلا بروسيسور اعلى فئة وليكن intel quad core i7 انتل كواد كور آي سيفن يعني يكون رباعي النواه وايضا المازربورد تقدر تدعم رامات لغاية 32 جيجا رام ويكون بنية المازربورد تقبل (32 - 64 بت مع بعض ) بحيث ممكن اسطب ويندوز مثلا 32 بت او او ويندوز 64 بت يعني المازربورد تقبل تسطيب اى نسخة سواء 32 بت او 64 بت

البروسيسور:
البروسيسور انتل كواد كور آي سيفن intel quad core i7 الكاتش بتاعه يكون عالي عشان يبقا سريع فى الشغل

الكاش:
بالنسبة للكاش الخاص بالبروسيسور ياريت اخوانى الخبراء والمحترفين انا بسالهم انا نفسي يكون الجهاز سريع جدا يعني لو الكاش يبقا 12 يكون تمام (عاوز رايكم ) طبعا

الرامات :
انا اتمني ان الرامات تكون كبيرة يعني اهم حاجة المازربورد تدعم رامات لغاية 32 جيجا رام وانا اركب اللى انا عاوزه سواء 8 او 12 او 16 جيجا براحتي يعني المهم تدعم لغاية 32 جيجا

كارت الشاشة :
بالنسبة لكارت الشاشة انا بفضل نفيديا فياريت افضل كارت شاشة للجرافيكس بس ياريت يكون 2 جيجا

دى المواصفات اللى تهمني انا كتبت اعلى مواصفات بالنسبالى

المطلوب هنا هو :

عاوز مازر بورد تدعم الكلام دا كلو من جيجا بايت

عاوز اسمها و سعرها و رابط المواصفات بتاعها عالموقع جيجا بايت و مكان البيع فى مصر

----------------------------

معلش لازم نحترم قوانين الادارة

- أقصى ميزانية محددة: مفتوحة
- استخدامك للجهاز: تصميم الجرافيكس -- فوتوشوب اليستريتور وماكس وكاد الى آخره
- حجم الشاشة و الدقة (Resolution) التي تستخدمها: 17 "
- القطع التي تنوي شراءها: مازربورد جيجا بايت تدعم المواصفات المذكورة بالاعلى - كارت شاشة 2 جيجا نيفيديا -- برورسيسور انتل كواد كور آي سيفن intel quad core i7 - رامات فوق 8 جيجا
- القطع التي ستعيد استخدامها من الجهاز القديم: لايوجد -- مش هستخدم القديم
- ميعاد شراء الجهاز: استفسار اولا
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل ) -- مـصـر

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 . -- تم التعديل

والف شكر

**MOSAHADIDI** · 10-01-2013, 18:07

وعليكم السلام....

ارجو منك الالتزام بقوانين القسم وتعبئة النموذج هذا ليستطيع الاعضاء التقنيون مساعدتك بافضل شكل....

نموذج الموضوع يكون كالتالى:

- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

**sherif_ahmed** · 11-01-2013, 07:35

شكراً علي التعديل
1- الأنتل كواد كور دي معمارية & والــ I7 معمارية الساندي بريدچ
2- إعلم بيئة الــ 32 بت آخرها في الإستفادة من الرامات لغاية 3.2 جيجا
3- يجب تحديد الميزانية + وقت الشراء
4- الكاش مش العامل الأساسي في قوة المعالج بس
وإليك هذا الإقتراح

Intel® Core™ i7-3770K Ivy Bridge 3.5GHz 8MB Cache ..... 2200 LE
Gigabyte GA-Z77X-UD5H Socket 1155 ..... 1650 LE
G.skill Ares Series 16GB (2 x 8GB) DDR3 1600 CL9 ..... 650 LE
Seagate Barracuda ST1000DM003 1TB ..... 490 LE
Intel 330 Series Maple Crest 60GB ..... 650 LE
Gigabyte GeForce GTX 660 Ti OC 2048MB GDDR5 Windforce ..... 2100 LE
XFX ProSeries 650W PSU 80 plus Bronze ..... 700 LE
Thermaltake Overseer RX-I Full Tower ..... 740 LE
هذه تجميعة تقبل كسر السرعة
في الوقت الحالي في إضطراب في الأسعار بسبب
إرتفاع سعر الدولار

**mquraa** · 15-01-2013, 23:17

- استخدامك للجهاز: تصميم الجرافيكس -- فوتوشوب اليستريتور وماكس وكاد الى آخره

اعتقد كروت الشاشة Quadro مخصصة لطلبك

**sherif_ahmed** · 16-01-2013, 06:01

المشاركة الأصلية كتبت بواسطة mquraa

- استخدامك للجهاز: تصميم الجرافيكس -- فوتوشوب اليستريتور وماكس وكاد الى آخره

اعتقد كروت الشاشة Quadro مخصصة لطلبك

هو كلامك صحيح أخي الكريم
بس هي غير متوفرة في مصر + إنها غالية و تحتاج ميزانية أكبر

**abousaif2** · 07-02-2013, 23:31

المشاركة الأصلية كتبت بواسطة sherifdish

شكراً علي التعديل
1- الأنتل كواد كور دي معمارية & والــ I7 معمارية الساندي بريدچ
2- إعلم بيئة الــ 32 بت آخرها في الإستفادة من الرامات لغاية 3.2 جيجا
3- يجب تحديد الميزانية + وقت الشراء
4- الكاش مش العامل الأساسي في قوة المعالج بس
وإليك هذا الإقتراح

Intel® Core™ i7-3770K Ivy Bridge 3.5GHz 8MB Cache ..... 2200 LE
Gigabyte GA-Z77X-UD5H Socket 1155 ..... 1650 LE
G.skill Ares Series 16GB (2 x 8GB) DDR3 1600 CL9 ..... 650 LE
Seagate Barracuda ST1000DM003 1TB ..... 490 LE
Intel 330 Series Maple Crest 60GB ..... 650 LE
Gigabyte GeForce GTX 660 Ti OC 2048MB GDDR5 Windforce ..... 2100 LE
XFX ProSeries 650W PSU 80 plus Bronze ..... 700 LE
Thermaltake Overseer RX-I Full Tower ..... 740 LE
هذه تجميعة تقبل كسر السرعة
في الوقت الحالي في إضطراب في الأسعار بسبب
إرتفاع سعر الدولار

متشكر جدا على المعلومات الجامدة دى بس فى حاجة انا مش فاهما
Intel 330 Series Maple Crest 60GB ..... 650 LE
هل دا هارد ديسك ssd ولا حاجة تانية

تانى حاجة عاوز اعرفها
حضرتك بتقول ان quad core معامارية و i7 معمارية مختلفة تمام
انا بلاحظ فى اجهزة ماك بروك برو مثلا بلاقى المعالج انتل كواد كور آي سيفن intel quad cor i7
فهل لى بالتوضيح بعد اذنك

وبالنسبة للمازر بورد هى فعلا جامدا جدا وسؤالى انا افضل واعلى بروسيسور مناسب لها فى مصر
وهل نظامها بيلت اوت built out ولا بيلت ان built in عشان لو حبيت اضيف مثلا كارت شاشة او اقدر ارقي للاعلى مستقبلا افتراضا
انا بصراحة عاوز المازر بورد تكون بيلت اوت built out

وبالنسبة للرام هل هى تدعم لغاية 32 جيجا زى ما مكتوب بموقع البوردة يعني هل اقدر اضيف اربع رام كل رام 8 جيجا مثلا
بدل 2 رام كل رام 8 جيجا بحيث يكون المجموع 32 مش 16 سؤال مش اكتر

ايضا بالنسبة لكارت الشاشة المكتوب هو من نوع نفيديا ولا تبع الشركة جيجا بايت
Gigabyte GeForce GTX 660 Ti OC 2048MB GDDR5 Windforce

ايضا بالنسبة للبور سابلاي باين عليه كويس وقوي بس استفسار .. بالنسبة للطاقة
هل الطاقة عندنا فى مصر كويسة للاجهزة دى ولا محتاجة كهربا اعلى مثلا احنا عندنا الكهربا 220 فولت المعروف عندنا فى مصر
فهل هى متوافقة للطاقة عندنا فى مصر

واخيرا يعني ايه كسر السرعة

ومتشكر جدا جدا

المشاركة الأصلية كتبت بواسطة mquraa

- استخدامك للجهاز: تصميم الجرافيكس -- فوتوشوب اليستريتور وماكس وكاد الى آخره

اعتقد كروت الشاشة Quadro مخصصة لطلبك

الف شكر على المساعدة

**sherif_ahmed** · 08-02-2013, 01:23

مرحباً بك من جديد أخي الكريم
وإليك الرد بنفس ترتيبك

نعم هارد ssd

يقصد بة أنه معالج رباعي النواة
وانا إختلط الأمر بمعمارية تانية رباعيةالنواة أيضاً

مش فاهم هذا الجزء

بخصوص الرامات نعم أخي

كرت الشاشة من نيفيديا والشركة المصنعة جيجا بايت

وبخصوص مزود الطاقة مناسب طبعاً

كسر السرعة بشكل مبسط هو
زيادة تردد المعالج عن التردد المصنعي لزيادة الأداء
إذا حبت تتعرف أكثر قم بزيارة هذا القسم هنــــأ