سؤال لأهل الخبره بخصوص AMD

**alama** · 25-01-2013, 03:38

ما الفرق بين السوكيت AM3 , AM3+ , FM وهل فى بورده ينفع تشتغل على كل المعالجات دى زى اللى فى اللنك ده https://arabic.english.gigabyte.com/...px?pid=4455#sp
ارجوا الافاده عشان انا عايز احدث الجهاز بس عالهادى يعنى انا عندى معالج Athelon II X2 245 وهسيبو واحدث البورده بحيث اجيب بورده ينفع بعد كده نحدث المعالج بمعالج اقوى واخدين بالك
شكرا

**Haythamovic** · 25-01-2013, 04:06

انا فاهمك كويس بس السوكيت ال FM لبروسيسورات ال APU اللي بيبقي بروسيسور وكارت شاشة مع بعض زي Liano
سوكيت AM3+ ده بيركب عليه بروسيسورات ال بلدوزر اللي هي FX وديه بتقبل كل البروسيسورات حتي اللي معاك لكن AM3 ده الاقدم ومينفعش يركب عليه ال FX
قولي معاك كام تمن للبوردة علشان ارشحلك واحدة؟؟

**alama** · 25-01-2013, 15:17

شكرا يادولى على ردك واهتمامك انا اخرى 650 عشان اجيب برده كويسه بس شريطه ان المعالج اللى معايا يبقى شغالى عليها لغايه مربنا يكرمنا ونغيره ومنضطرش نغير البورده تانى افيدنا يافنان وربنا يكرمك ياغالى

**mask_of_fear** · 25-01-2013, 15:38

اخوي نصيحه من اخ بما انو معالجك am3 فبلاش تغير البوردة لانها بدون فائده ابدا و اذا كنت تريد الفائده فاشتري معالج مثل phenom 2 x4 955 وريح راسك لانو رح يصير عندك معالج رباعي قوي و قابل للكسر ايضا

اما اذا اشتريت بوردة فلن تحس باي فرق اطلاقا في الاداء

**Haythamovic** · 25-01-2013, 15:59

انا شايف ان بردو احسنلك انك تجيب البروسيسور اللي قالك عليه Mask_of_fear وتعرف تجيب بعد كده كارت شاشة كويس

**alama** · 25-01-2013, 21:17

شكرا لاهتمامكم ياشباب لكن المشكله ان البورده بتاعتى على قدها اوى K9N6PGM2-V MS-7309 يعنى حتى لو جبت المعالج اللى بتقولوا عليه هبقى مضطر اشترى بورده تتوافق معاه ونظرا للظروف الماديه فانا قلت اجيب بورده محترمه حتى لو كنت مش هشعر بفرق كبير لكن هتبقى خطوة مهمة لتغيير المعالج فيما بعد عشان مندفعش مبلغ مره واحده نجذا الامور انا كل اللى محتاجه دلوقتى اى بورده تكون كويسه ومحترمه وممكن تشتغل بصوره مؤقته مع المعالج الحالى الى ان يتم تغييره فى اقرب وقت ياريت ترشحولى بورده Asrok لانى شايف النوع دا كويس والناس بتشكر فيه بس اجيب انهوا بورده من النوع ده وتكون اخرها 600 جم
وشكرا

**Ahmed Abdelwahab** · 26-01-2013, 17:13

بالفعل ستحتاج لتغيير اللوحة يمكنك اذن شراء مثل هذه اللوحة
ASUS M5A78L-M LX V2 سعرها 350 وتوفر الباقي تزود عليه 300 جنيه وتشتري معالج PH II 955 بسعر 550 تقريبا

**unexpected** · 27-01-2013, 17:29

المشاركة الأصلية كتبت بواسطة Ahmed Abdelwahab

بالفعل ستحتاج لتغيير اللوحة يمكنك اذن شراء مثل هذه اللوحة
ASUS M5A78L-M LX V2 سعرها 350 وتوفر الباقي تزود عليه 300 جنيه وتشتري معالج PH II 955 بسعر 550 تقريبا

+1
ملاحظة في حال فكرت بشراء اللوحة ASUS M5A78L-M LX V2 وتريد ان تشتري المعالج فينوم 955 تأكد ان يكون الاصدار C3 لان اللوحة تدعمة
انما ان كان اصدار C2 اللوحة لا تدعمة