ما علاقة ال PABX بال PRI بتاع ال ISDN

**youssef6002** · 03-02-2013, 00:06

السلام عليكم و رحمة الله تعالى و بركاته
و بعد إخوتي الكرام أرجوا أن تفيدوني في سؤال رغم كثرة بحثي عنه لم أجد له جواب و هو ما علاقة pabx أو pbx بال PRI أو ال ISDN بصفة عامة (مع العلم بأني فاهم درس ال isdn و الفرق بين PRI و BRI ... ) و لو حد عنده architecte فيها كيفية ربط هذين العنصرين سأكون جد شاكر له أو بصيغة أخرى كيف يمكننا ربط هذين العنصرين للاستعمالهم في شركة ما ؟
شكرا مسبقا و اللهم اجعلها في ميزان حسناتكم.

**nabilahmed** · 03-02-2013, 01:08

وعليكم السلام و رحمة الله تعالى و بركاته,

قبل لما اقول لك ايه العلاقه خلينا نقول ان عندنا 2 Methodology for signalling ,, او طريقتان للسيجنالينج و ده لو عندى كارت T1 OR E1
1- CAS Channel Associated Signalling
2- CSS Common Channel Signalling و ده البيكون الarchitecture مبنى على ال ISDN,, و ده بردو البنقول عليه Primary Rate Interface PRI

ملحوظة: اختيارك لنوع السيجنالينج ده مبنى على ال Configuration على ال Gateway..
مثال: لو ان هربط ال Gateway بتعتى بالPSTN هل هستخدم CAS or CSS or E1 or T1 كل ده على حسب ال PSTN او السنترال هو البيحدد
فى مصر مثلا بيستخدموا ISDN PRI E1 فى السعوديه بيستخدمول CSS E1 ,, اليبان و امريكا T1....

فى النهايه ال انا عايز اوصلو انا ال ISDN or CAS ده بقدر اربط بيه سنترلات ببعض.

دلوقتى ارد على سوألك و خلينى اديك مثال فى الحياه العمليه ,,, اغلبيه الشركات كان عندها PBX و فى شركات لسه عندها لحد الوقت الحالى,,, و فى شركات بتحول التليفونات كلها ل Over IP و طبعا لما تكون شركه كبيره عندها مثلا 5000 تليفون ده مش بيتم فى يوم و ليله,, فالبيحصل ان بنحط للشركه مثالا Cisco Call Manager ده السنترال بتاع سيسكو Over IP و بننقل مثلا 2000 من ال 5000 ل over IP..... فى بيصبح ال 2000 IP Phone الوصلين بال Call Manager محتاجين يقدرو يكلموا ال 3000 ال على ال PBX فى الحاله ديه بحط Gateway فى النص و بوصل ال PBX بال Gateway من خلال ISDN (PRI) و طبعا الGateway لازم يكون فيها DSP الهو PVDM عشان يقدر يحول من Packet Switched to Circuit Switched..
Packet Switched= Over IP
Circuit Switched = Analog or Digital.

**youssef6002** · 03-02-2013, 10:14

شكرااااا جزيلااااااااا مهندس نبيل على الشرح الأكثر من رائع و الله شوقتني أن أعرف الكثير و أرجوا أن لا أدايقك بس لا زال عندي لبس بالموضوع وهو مثلا :
الكارت E1 بتكون عبارة عن كارت بنركبها في ال PBX ولا عبارة عن جهاز مثل الراوتر
ما الجهاز المقصود بال gateway بالنسية لاختيار نوع السيجنالينج مع العلم أني أستخدم router adsl (عادي على شكل modem) لادخال الأنترنت
و هل ال PRI عبارة عن كارت و لا كابل و لا جهاز
و في الأخير و اسف على الإطالة هل هذه هي ال architecte الي يجب أن أستخدمها في شركة تحتوي على 100 جهاز تلفون digital و analog للاتصال داخلي و يقدرو يتصلو عل أجهزة خارجية مثل الهاتف المحمول :

Internet---------router adsl---------carte E1---------PBX----------telephone(analg or digital

و شكرا جزيلا و اسف على الإطالة

**nabilahmed** · 03-02-2013, 10:49

هو بعد الكلام الذى كتبته, الواضح انك عندك لبس فعلا

,,, طيب هبعتلك رساله فيها SKYPE بتاعى اعملى اضافة و نتكلم.

**moh_sob** · 03-02-2013, 10:49

المشاركة الأصلية كتبت بواسطة youssef6002

شكرااااا جزيلااااااااا مهندس نبيل على الشرح الأكثر من رائع و الله شوقتني أن أعرف الكثير و أرجوا أن لا أدايقك بس لا زال عندي لبس بالموضوع وهو مثلا :
الكارت E1 بتكون عبارة عن كارت بنركبها في ال PBX ولا عبارة عن جهاز مثل الراوتر
ما الجهاز المقصود بال gateway بالنسية لاختيار نوع السيجنالينج مع العلم أني أستخدم router adsl (عادي على شكل modem) لادخال الأنترنت
و هل ال PRI عبارة عن كارت و لا كابل و لا جهاز
و في الأخير و اسف على الإطالة هل هذه هي ال architecte الي يجب أن أستخدمها في شركة تحتوي على 100 جهاز تلفون digital و analog للاتصال داخلي و يقدرو يتصلو عل أجهزة خارجية مثل الهاتف المحمول :

Internet---------router adsl---------carte E1---------PBX----------telephone(analg or digital

و شكرا جزيلا و اسف على الإطالة

السلام عليكم,,
PRI , E1, T1 كل دي انواع خطوط تليفون.. يعني حسب نوع خط التليفون اللي جايلك من شركه التليفونات بتستخدم جهاز يفهم السيجنالينج بتاع الخط دا,,
السيجنالينج دا المقصود به البروتوكول اللي بيتحكم في الخط,,
خط التليفون بيدخل علي جهاز يكون بيدعم السيجنالينج دا عشان يقدر يفهم المكالمات والداتا اللي جايه
الجهاز دا ممكن يكون كارت راكب في ال PBX علي طول او يكون جهاز مستقل زي الراوتر كدا
لما يكون جهاز مستقل بنسميه Gateway
الGateway اي جهاز بيربط نظامين مختلفين اللي هو غالبا الشبكه عندك بشبكه التليفونات
لو انت مشترك DSL بيجيلك كابل تليفون عادي فيه طرفين فقط ,,وكابل التليفون اللي جاي من الشركه بيدخل علي Splitter ويطلع منه كابلين ,, واحد بيروح للتليفونات وواحد بيروح للراوتر
اللي بيروح للتليفونات دا اللي بيدخل علي لل PBX وفي الحاله دي بيدخل علي بورت FXO وليس T1 , E1
موضوع الشبكه عندك فيها 100 تليفون دا بيتوقف علي حجم الPBX بتاعك وهو بيدعم كام تليفون وبيقبل كروت ولا لا ,, وايه نوع الكروت ونوع الخطوط اللي بيدعمها..
لو محتاج تدخل انترنت لل PBX بتاخد الكابل اللي خارج من الراوتر وتدخله مثلا علي سويتش وبعدين علي ال PBX لكن مينفعش تاخد كابل شركه التليفونات علي طول علي ال PBX..
ارجو تكون الفكره وصلتلك..

**youssef6002** · 03-02-2013, 12:04

شكرا أخ محمد على الرد و الشرح الجميل و جزاك الله عنا كل الخير
حسب ما فهمت بالنسبة للحالة الثانية الخاصة بال adsl و بورت FX0 شغالة لاكن بتدعم خط واحد و E1 بتدعم 30 خط يتكلمو في نفس الوقت !!!

**moh_sob** · 03-02-2013, 13:22

المشاركة الأصلية كتبت بواسطة youssef6002

شكرا أخ محمد على الرد و الشرح الجميل و جزاك الله عنا كل الخير
حسب ما فهمت بالنسبة للحالة الثانية الخاصة بال adsl و بورت FX0 شغالة لاكن بتدعم خط واحد و E1 بتدعم 30 خط يتكلمو في نفس الوقت !!!

ايوه مظبوط