ما الفرق بين كورس mcse وكورس mcitp

[love_mido_2020]

ياجماعه انا خلصت كورس ccna وعايز اخد كورس في مايكروسوفت
بس كنت عايز اعرف الفرق بين كورس mcse وكورس mcitp
يعنى مثلا اللي اعرفة ان كورس mcseبيشمل كورس mcsa
فهل كورس mcitp بيشمل كورس mcse وحاجات اكتر ولا ده حاجه وده حاجه تانية خالصه
ارجو ان حد يشرحلى ال head point بتاعت كل كورس والفرق
والف شكر ليكم

[Eng.Monem]

تقدر تقول هما زي بعض لكن اسماء الشهادات اتغيرت بتغير اصدارات الويندوز
فمثلاً MCSA / MCSE 2033 كانوا مسميات الشهادات أيام سيرفر 2003
بعد كدة أسماء الشهادات أتغيرت لـ MCITP Server / Enterprise أيام سيرفر 2008 وكان نسخة السيرفر مساوية MCSA ونسخة الانتربرايس مساوية MCSE
بعد كدة مسميات MCSA و MCSE رجعت مرة تانية مع سيرفر 2012
إذن الـ MCITP ليست شهادة أعلي من MCSE ولكن تقدر تقول مساوية لها بس مع فارق إصدارة الويندوز سيرفر

[love_mido_2020]

طيب ايه هو كورس MCSE: Private Cloud وايه ال head point للكورس ؟
وعايز اعرف ابدا بكورس ايه ؟؟؟؟

[love_mido_2020]

ولو انا اخدت كورس mcse من الافضل اخد بعدية كورس mcitp ولا حيكون هو هوه
انا بصراحه دخلت على مايكروسوفت عشان احاول افهم الكورس بس مقدرتش افهم
ولقيت في حاجه اسمها
Private Cloud certification

MCSE: Server Infrastructure

MCSE: Desktop Infrastructure

ومش فاهم ايه الفرق بينهم ؟؟

[Eng.Monem]

تبدأ بالمستوي الأول اللي هو MCITP Server Admin 2008 أو MCSA 2012
ثم بعد كدة تتجه لمستوي الـ MCSE
ويوحد عدة شهادات في الـ MCSE منها server infrastructure و desktop Infrastructure و private cloud
كورس الـ MCSA بيتكلم إزاي تقدر تتعامل مع السيرفر وتنزل الرولز وتتعامل معاها
كورسين السيرفر و الديسكتوب بتكلموا بشكل أكبر عن التخطيط والتصميم يعني هما عارفين انت خلاص عارف أزاي تنزل role بس هما هيعلموك أمتي هتحتاج تنزل الرول دي وأي سيرفر هو الأنسب عشان تنزل عليه الرول دي
كمان بيعطوا نظرة بسيطة علي بعض منتجات مايكرسوفت الأخري زي مثلاً برنامج السيستم سنتر
كورس البرايفت كلاود بيتكلم بشكل اساسي عن برنامج السيستم سنتر وإزاي تقدر تستخدمه عشان تعمل كلاود
تقدر تقول الكلاود ببساطة هي الـ virtualization ( ده تعريف غير دقيق لها، هي أخدت مني فيديو كامل لتعريفها إنما في المجمل تقدر تقول هي الـ Virtualization )
تحياتي

[love_mido_2020]

الف شكر ليك