طلب مساعدة في دراسة MCITP: Server Administrator 2008

**Darkish** · 12-02-2013, 15:51

السلام عليكم ورحمة الله وبركاته

انا حالياً قمت بتحميل كورس MCITP: Server Admin 2008 الفيديوهات الخاصة ب TrianSignal

وقمت بشراء وتجميع جهاز جديد خاص بدراسة الكورس والتطبيق عليه

لكني تقريباً مشتت كلياً.. يعني مش عارف اذاكر ايه الاول والامتحان محتاج حفظ (فيه نظري)

يعني الاول اذاكر Active وبعدين Infrastructure؟

وفيه مصطلحات يجب حفظها ولا كله هيبقى اختيارات فقط؟

يعني امتحانات تجرييبة اقدر اعرف منها شكل الامتحان؟

ارجو من اللي امتحن وعنده خبرة يساعدني لاني تايه لان المفروض اخلص دراسة قبل شهر 7 زي ما قرأت على موقع ميكروسوفت ولكم جزيل الشكر.

**Eng.Monem** · 12-02-2013, 15:57

بالنسبة تذاكر إيه الاول في ناس بتحب تبدأ بكورس الاكتف وفي ناس تانية بتحب تبدأ بكورس الانفرا فانت اتفرج علي اول كام حلقة من كل كورس وشوف انت ميال لايه اكتر وابدأ به
علماً بان الانفرا اسهل في الاكتف كامتحان فلو انت عاوز دفعة تحفزك تكمل يبقي الانفرا الاول
================================================== =======
بالنسبة للامتحانات في موقع exam collections هتلاقي عليه الامتحانات
---------------------------------------------------------------------------------
بالنسبة لإلغاء الإمتحانات فاللي هيتغلي هو مسمي الشهادة فقط يعني معدش هيبقي في شهادة mcitp
ولكن تقدر تكمل إمتحانات وهتأخد شهادة mCSA 2008

**Darkish** · 12-02-2013, 16:27

الف شكر على الرد. طيب بالنسبة لطريقة الدراسة؟ مثلا في الاكتف .. بعد ما اذاكر الفيديو. فيه مصطلحات لازم احفظها ولا مجرد الفهم فقط؟

**Darkish** · 14-02-2013, 08:22

ممكن حد يساعدني بطريقة مفصلة ؟ هل فيه نظري في ال Infra ?

**nubianzerocool** · 14-02-2013, 09:15

اي كورس فيه نظري و عملي و ده طبيعي و منطقي
لانك ببساطه بتطبق النظرية

أنما التركيز بيبقي في العملي بنسبه كبيره جدا

فيديوهات TrainSignal عملية بشكل بحت و مش هتديك الجزء النظري اللي يخليك تعرف المفهوم بشكل واسع
و ممكن تفوت منك كتير خاصه ف الاكتف شرح Coach Calbertson ناقص حاجات كتيره
مثلا هو ما مسكش ماوس في
AD CS
AD FS
AD LDS
AD RMS

أنما السلسه دي ف الانفرا كويسه شرح ED Liberman
مبسط و شامل معظم المنهج بشكل عملي

فالبتالي أنت محتاج كتب ميكروسوفت الرسمية
سلسله كتب Trainning KIT مناسبه جدا مركزه ع العملي و بتفهم النظري الاول من كل درس

أنصحك بالكتاب

**Darkish** · 14-02-2013, 10:42

متشكر جداً انا بعتلك رسالة اتمنى ترد او تبعتلي السكايب بتاعك عندي شوية استفسارات بسيطة.

ولو ممكن رابط ال training kit عشان اللي موجود هنا في المنتدى اتمسح بعد رفعه تقريباً.

**Michael Youssef** · 14-02-2013, 13:11

أخي الكريم ، الفيديوهات هي مجرد مقدمة فقط و لا تعطيك اكثر من 10% من ما تحتاج فهمه. أنا شخصيا انصحك بالبداية بكتاب Guide to Networks Fifth Edition
و بعد مذاكرة الفيديوهات التي لن تأخذ اكثر من شهر عليك بكتاب Mastering Windows Server 2008 و Mastering Active Directory 2008 و كتاب Windows 2008 Inside Out
عندها فقط سوف تفهم الموضوع فهما يؤهلك لمذاكرة الامتحانات و الشهادة ، المهم ان تمارس ما تقرأه في لاب و تعمل دائما علي تطوير مهاراتك أخي الكريم
بالتوفيق باذن الله

**walid ibrahim** · 14-02-2013, 14:34

السلام عليكم اخى وهذا رابط بالكتب التى نصح بها بشمهندس مايكل جزاه الله خيرا https://daddy-server.blogspot.com/20...r-2008-r2.html

**Michael Youssef** · 14-02-2013, 22:13

كتاب Mastering WIndows Server 2008 هو مرجع أساسي لاي مدير انظمة يعمل مع هذا النظام و لا يمكن الاسغناء عنه ، و في الواقع هو ليس مجرد مرجع فعليك ان تذاكره كله و تتعلم منه.