طلب نصيحه فى اختيار صب ووفر قوى فى حدود 500 : 800 جنيه مصرى

[etch.five]

السلام عليكم ورحمة الله وبركاته

اولاً عرب هارد وير مش جديد عليا ومرجعى الاول والاخير نظراً للثقه فى مشرفى وادارة الموقع

ياريت لو تساعدونى فى اختيار صب قوى ومحترم يكون ماركة محترمه ومعروفه
وبرضه يكون متوفر فى مصر
والميزانيه من 500:800 جنيه مصرى

المواصفات المطلوبه
بيز قوىبما تحويه الكلمه من معنى
صوت نقى حتى مع اعلى صوت بدون تشويش
عدد السماعات لا يقل عن 4 سماعات
يفضل وجود ريموت كنترول

ياريت فى اختيارتكم لو تبعدوا عن الكرييتيف
لان عند اخويا
Creative Inspire M4500
ومش بالجوده ولا القوه الـ انا عايزها خاااااااااااااااالص
انا عايز البيز بتاع الصب كأنه زلزال
ولو فيه حاجه اعلى من الميزانيه الـ انا طالبها دى
مفيش مشاكل بس ميكونش فرق الفلوس كتير

وللمعلومه :
انا عندى السماعه دى
Quadral Wotan Mk IV
المانى
:ah7::ah7::ah7:



وصوتها بسم الله ما شاء الله
البيز بتاعها من قوته بحس انه بيضربنى فـ بطنى وانا قاعد
اقل ما يقال فى حقها انها مجرمه
ومشغلها على كارت صوت كرييتف لايف 5.1
وجهاز المضخم دا
Sony FH-215R



وطبعاً هو 2 way بس انا مشغل السماعتين بتوع الجهاز على وان واى
والسماعه الكبيره على التانى
وفى الوقت الحالى انا بجهز فى شقة الزواج
وبصراحه السماعه الكوادرال دى حاسس شكلها غبى حبتين فى ديكور الشقه

لان ارتفاعها متر تقريباً وعرضها حوالى 35 سم تقريباً
فأنا محتاج الصب دا لانى شايف ان شكله هيبقى مناسب اكتر
وفى نفس الوقت هيبقى حجمه اصغر بكتير وتوزيع السماعات احلى
وفى نفس الوقت الصوت هيبقى قوى

متأسف جداً لو كنت طولت عليكم
وبجد ياريت تساعدونى
لانى محتار جدااااااااااااااً ومش عارف اختار
منتظر الرد

[mohamed82]

فى لوجيك x530 عامله من 550 الى 600 جنيه
هتلاقيها فى توكيل لوجيك

[alimorshid]

Edifier HCS2330 2.1

الصب ده عندى بقاله سنه و ممتاز جدا و نقاء الصوت فيه رائع
سعره كان 650 جنيه

[فوزى77]

السلام عليكم

لو سمحت هى السماعات دى Quadral Wotan Mk IV حضرتك كنت اشتريتها من فين وسعرها كم وهل عندهم

Quadral - MM520 Aktiv بانتظار الرد إن شاء الله

[etch.five]

mohamed82
alimorshid
متشكر جداً لردكم
انا شوفت دلوقتى فيديوهات للصبات المقترحه
لكن بصراحه حاسس ان جودة البيز والنقاء مش الـ هو
ياريت لو فيه اقتراحات اعلى وافضل
ومتشكر ليكم مره تانيه

فوزى77

السماعه دى اشتريتها من محل تجارى متخصص فى بيع السلع المستعمله (اى شىء يخطر على بالك)
الكلام دا كان من 8 سنين تقريباً ودا طقم سينما منزليه كااااااامل ولكن للأسف مكنش موجود غير قطعه واحده من طقم كامل
واخدتها بدون تردد بمجرد سماع صوتها


بس طبعاً بسم الله ما شاء الله قايمة بالواجب وزياده كمان فى اوضة مساحتها 6 متر فـ 4ونص
والموديل دا قديم .. مش موجود فـ الموقع اساساً و دا الم مستغربله .. مش موجود غير فى بحث جوجل
وبالنسبه لوجود الصب الـ حضرتك ذكرته
بصراحه انا مشوفتش ماركة كوادرال اساساً فى مصر واعتقد ان مش متوفر اى منتج من منتجات كوادرال فى الخليج برضه
والوحيده الـ شوفتها الـ عندى
وللمعلومه هى مكتوب عليها المانى الصنع ومحفورة على الحديد بتاعها من قدام
ومكتوب عليها برضه فى الخلف
واى سؤال انا حاضر
وبرضه فى انتظار المساعده

[xXx_2010]

السلام عليكم
بص يا باشا أول حاجة دة موجود عندى
https://www.********.com/product.php?id=11026
والصوت تحفة تحفة بس انا سمعت ان مبقاش متوفر منو خلاص بس هوا صراحة يستاهل كل جنية أتدفع فية

ودة يا زعيم غنى عن التعريف والصوت بردو مش قادر أقولك وأنصحك ماتبعدش عن الماركة دى
https://www.********.com/product.php?id=11766

ودة حبيت أغيظك واغيظنى بية
https://www.********.com/product.php?id=11947

و ف الاخر انا أرشحلك الاتنين دول وحسب ميزانيتك بقى بس ياريت لو هتجيب غيرهم ماتحولش أنك تجيب حاجة أقل من 5.1 لان بصراحة فكرة الصوت المحيطى دى مدمرة صراحة مش قادر اوصفهالك مع الافلام ولا الجيمز حاجة خطيرة بجد أتمنى أنى أكون افدتك السلام عليكم

معلش يا زعيم أسف ع اللينكات دى بس علاجها أنك تاخد اللينك كوبى وتحط مكان النجوم دى كلمة ******** وهيفتح معاك

[xXx_2010]

eg prices

[etch.five]

تسلم ايدك يــا
xXx_2010


وطبعاً الصب الاخير جبااااااااااااار .. لكن معاك حق فى كلمة اغيظك واغيظنى دى


هههههههههههههههههههههههههه

واضح كدا النتيجه على الصبين دوول
Logitech x530
&
Logitech Z506
ممكن حد يقولى الفرق بينهم ايه فى كل حاجه
وانهى افضل فيهم ؟؟

[aiso55]

عجبنى الموضوع حبت أشارك بالحتة التحفة دى THX 5.1

[TERGAAAA]

انت نسيت الصب الممتاز
EDIFIAR 6200 .5.1
سعرة 750

....
وعلى فكرة يا غالى كل السماعات الى رشحوها الاخوة الافضال لا تدعم ريموت كنترول ولا شاشة عرض ديجتيل
انما سماعات ايدى فاير تدعم الريموت كنترول وشاشة عرض ديجتيل وصوتها انقى واعمق من اللوجتيك ودة عن تجربة