السلام عليكم
لو سمحتم انا عندى مشكلة كبييييره ومن زمااان وزهقتنى بجد وهى كالاتى:
ان الجهاز اول مافتحته بدا يطلع صوت "بسحبه كده فالاخر" والصوت يقعد كذا مره المهم قربت وعرفت ان الصوت طالع من الهارد وساعتها المؤشر الاحمر بيفضل والع مش بيطفى
فكيت السلوك وركبتها تانى واشتغل بعدها رجعت تانى المشكله حتى اثناء عمل الجهاز على برنامج تقيل او لعبه عاليه حبه المشكله تحصل ولما بتحصل الجهاز بيقف خالص وكنت اجى اعمل ريستارت يجيبلى ايرور ان مفيش هارد ديسك مقرى وساعات ايرور ان مفيش سستم او ساعات ملفات ناقصه فالسستم متخليش الجهاز يفتح
نزلت وغيرت كابل الداتا للهارد واشتغل يوم ورجعت تانى نفس الصوت والتهنيج وفضلت المشكله فتره كبيره متتحلش الا لما افك كابل الباور للهارد واركبه تانى بعدها بكام ثانيه عشان يرجع الجهاز يشتغل تانى طبيعى
وسلمت خلاص ان العيب من الهارد عالرغم من انى عملتله فورمات وفحص الباد سيكتورز كان بيبقى نضيف قلت يمكن فيه باد فيزيكال ولا حاجه (معرفش يبان فالفحص ولا لأ) !!! لحد ما من يومين بس جبت هارد تانى وبعد تركيبه بيوم طلع نفس الصوت وفالاخر يقف عن العمل !!!!!
الصوت عباره عن صوت بدأ تشغيل الجهاز بس بيتكرر كذا مره لحد مالهارد يقف و زى ماوضحت مش بيشتغل الا مع خلع كابل الباور حبه وتركيبه تانى
هل ممكن يكون العيب فى الباورسبلاى لانه من النوع التجارى وبقاله خمس سنين متغيرش ولما مروحته وقفت من فتره زيتتها ورجعت اشتغلت تانى بس حاسس انها ضعفت
وحاجه تانيه الديفيدى رايتر لازم عشان يفتح اضغط كذا مره عالزار يطلع صوت كانه هيفتح بس ميفتحش واستنى حبه واضغط تانى عشان يفتح مع العلم لما وديته لبتاع صيانه قالى انه مفيهوش حاجه وسليم "بتكلم عن الرايتر"
هل حد عنده اقتراااح من اهل الخبره فى الصيانه بالمنتدى ؟؟
اتمنى الرد واسف على الاطاله
المفضلات