هل ممكن ربط الجهاز ب 2 وايرلس

[network2013]

انا عندى راوترين هل من الممكن ربط جهازى ب 2 وايرلس .....او كونكشن بكابل والاخر وايرلس لتزويد السرعة وشكرا لمساعدتكم

[nubianzerocool]

بسم الله الرحمن الرحيم

ضم كارتين نتورك في نفس الجهاز عشان يخدموا الجهاز ده مع بعض ممكن و دي خاصية أسمها NIC Teaming
و دي ممكن تعملها علي مستويين مختلفين تطبيقها علي مستوي واحد يكفي

أولا علي مستوي Layer 2 بأنك تظبط أعدادات السوتش علي Etherchannel بتضم الأتنين بورت اللي في السوتش اللي متوصلين بكارتين نفس الجهاز
عن طريق بروتوكولات خاصة بيها زي PAgP و LACP و ده شغل سيسكو و السوتشات الـ Managed
أنما الـ Unmanaged Switches مش هتديك من الخاصية دي غير Fail-Over يعني لو كارت وقع التاني يكمل أنما الاتنين مش هيشتغلوا مع بعض
و يشيلوا الحمل مع بعض أو يعملوا Load BALANCE يعني

ثانيا علي مستوي الـ Virtualization Layer و طبعا لازم الجهاز ده يبقي VM علي ESXi أو Hyper-V أو Critix Hosts عشان تقدر تعمل
NIC Teaming ما بين الكارتين
الاعدادات هتختلف طبعا حسب الـ Virtualization Host

أنما مع ويندوز سيرفير 2012 تقدر تقوم بـ NIC Teaming بدون ما تعمل Virtualization و لا اي حاجه
بس تنزل ع الجهاز الـ Physical بتاعك ويندوز سيرفير 2012 و فيه خاصية ال NIC Teaming دي as a Feature

[nubianzerocool]

مشاركة متكررة

[network2013]

يعنى انا اشغل الراوترين وايرلس مع بعض ازاى ؟ هو واخد كونكشن اتوماتيك من راوتر . طيب الراوتر التانى ادخلة كونكشن ازاى ؟

[drunker]

الى العضو nubianzerocool لو فيها مدايقه شويه اشرحها لينا خطوه خطوه وخصوصا بتاع server 2012

انت طبعا عارف ليه

[nubianzerocool]

بسم الله الرحمن الرحيم

فيه فرق بين أنك عايز تعمل Team ع الجهاز الواحد بين الاتنين نتورك كارد بتاعت الجهاز
و بين انك تعمل Team ما بين روترين فيخدموا الشبكة كلها بأنهم يشتغلوا مع بعض ك Load Balance

الشغل ع الجهاز الواحد ده اللي أتكلمت عليه

أنما أنك تشغل الروترين مع بعض عشان يخدموا الشبكه كلها مع بعض دي Layer3 High-Availability
و الشغل بيبقي في لاير 3
و دي بتتعمل ع الـ Router و ال Multi-Layer Switch زي أجهزة سيسكو عن طريق بروتوكول GLBP

[nubianzerocool]

الى العضو nubianzerocool لو فيها مدايقه شويه اشرحها لينا خطوه خطوه وخصوصا بتاع server 2012

انت طبعا عارف ليه

ف البداية الصراحه أنا ما اعرفش ليه

أنا أتكلمت علي حاجات كتيرة شرحها يشمل عده مواضيع من عده كورسات مختلفه لا يسعها المنتدي ده أنما الكلام
فيه أعدادات خاصه بسوتشات سيسكو و دي قسم و مجال خاص بنفسه
أعدادات Hyper-V و ده ف مجال تاني
أعدادات ESXi و ده قسم و مجال لوحده مختلف عن الباقي

يعني أنت محتاج 3 أو 4 كورسات عشان تعرف الاعدادات دي كلها أزاي بقي أوضحها في رد
كمان الهدف من مشاركتنا المساعده علي حل المشاكل و التوجيه للمصادر مش شرحها
يعني لو فيه حاجه مش واضحه ممكن أوجهك علي مصادر تتعلم منها خاصه لان المطلوب ده كتير جدا
و صعب يتذكر في رد

عموما مع ميكروسوفت و سيسكو مش هتتعب سهله جدا المقالات اللي في مواقعهم موضحه
Step by Step
لاي حاجه انت عايزها و كل موضوع ليه الكورس الخاص بيه ممكن تسمعه و تتعلم الحاجه من مصدرها