أركب إيه بالضبط علشان الشبكة تشتغل

[salem osama]

السلام عليكم
عندي 3 عماير جنب بعض، وبعد التجارب الكتيرة للأكسس بوينت، وبعد ما حاولت أربطهم ببعض وفشلت، جيت أسأل في المنتدى، ممكن أركب جهاز واحد يغنيني عن تركيب 4 أو 5 أكسس بوينت، والشبكة تبقى كويسة، ومش محتاج كل الحاجات اللي بعملها في ربط الأكسسات، وعلى فكرة أنا سألت هنا في المنتدى على ربط الأكسسات، والردود كانت ضعيفة جدًا، والحمد لله في ناس حاولت تساعدني، لكن جميع الطرق المجربة فشلت، وإن شاء الله انتوا هتساعدوني.:confused:

[memoragaa]

اخى الكريم انت عاوز تربط كل العماير بالأكسيس بوينت ولا هتعمل كابل ما بين كل عمارة والتانية
لو عاوز تربطهم كلهم بالأكسيس بوينت يبقى هتحتاج لكل عمارة اكسيس بوينت وبريدج بمعنى انك هتوصل النت على البريدج وايرليس ومنه هتدى للأكسيس بوينت اللى جنبه بالكابل وهكذا بحيث ان يكون المصدر واحد وهوا اللى يوزع النت على البريدجات اللى هتركبها قبل الأكسيس بوينت والكمبيوترات اللى عاوزة تشبك هتشبك من الأكسيس بوينت اللى هيا المصدر بتاعها البريدج اللى انت مركبه قبليها

[memoragaa]

او فى حل تانى انك تركب اكسيس بوينت واحدة من المصدر وباقى العمارات تركب مكررات اشارة او مقويات اشارة هيا هيا Repeaters ومنها هتوزع على الكمبيوترات اللى عندك فى كل عمارة

[salem osama]

جزاك الله خيرًا على الرد، أنا جربت أربط الأكسس مع الراوتر كأكسس بوينت بالسلك، وبعد كدة جبت أكسسين تانيين علشان أعملهم ربيت، لكن النت ممكن يكون كويس، لكن النتورك كانت استجابتها ضعيفة، ومعلش في حاجتين مش فاهمهم:
1- ايه هو البريدج
2- أيهما أفضل؟ البريدجات ولا الأكسسات كربيتر

[memoragaa]

البريدج هوا ريبيتر فقط بياخد الاشارة من السلك او من الوايرليس ويعيد بثها تانى وبالتالى البريدج افضل فى حالتك دى

[salem osama]

جزاك الله خيرًا، وربنا يباركلك على المعلومات

[agrama]

البريدج هوا ريبيتر فقط بياخد الاشارة من السلك او من الوايرليس ويعيد بثها تانى وبالتالى البريدج افضل فى حالتك دى

السلام عليكم ورحمة الله وبركاته
بالنسبة لهذا التعريف للبريدج فإنه تعريف خطأ تماما البريدج مود يقوم يإلتقاط إشارة الواير لس ثم يحولها إلى البث بالكابلات أي مثلا لو عندك أجهزة كمبيوتر مافيهاش كروت وايرلس وعايز تربطهم بالواير لس من غير ماتكلف نفسك بتجيب أكسس بوينت بتستخدمه بريدج ياخد اشارة الوايرلس ويبثبها كابلات للأجهزة.

الريبيتر يقوم باستقبال اشارة الواير لس الضعيفة ويقوم بتقويتها وإعادة بثها أي أنه يقوم بزيادة امتداد اشارة الوايرلس

الأكسس بوينت يستقبل الانترنت عن طريق الكابل ويقوم ببث الواير لس

ده توضيح مبسط للفروق بين الأكسس بوينت مود والبريدج مود والريبيتر مود

يمكن في حالتك استخدام عدد 3 أكسس بوينت ويتم توصيلهم ببعض بالكابلات وانشاء 3 شبكات مختلفين حتى تضمن الوصول لعدد مستخدمين كبير أو تستبدل الكابلات باتنين أكسس بوينت أخرى ولكن في وضع البريدج وتقوم باستقبال الواير لس من الأكسس الرئيسية وربطها بأكسس أخرى في وضع أكسس بوينت مود وهكذا وهذه الحالة أيضا تضمن لك عدد مستخدمين كبير
أما في حالة الربيتر فإن عدد المستخدمين الأونلاين لن يتعدى 25 مستخدم في آن واحد

1- Master Access point ------(cable)-------- Access Point 2 ------(cable)-------- Access point 3 تكلفة أقل وعدد مستخدمين أونلاين كبير يصل إلى 75 مستخدم

2- Master Access point ------(Wireless)--------Bridge Access Point 1----(cable)---Access Point 2------(Wireless)--------Bridge Access Point 2----(cable)---Access Point 3 تكلفة أعلى ونفس نتيجة الحالة الأولى

3- Master Access point ------(Wireless)--------Repeater Access Point ------(Wireless)--------Repeater Access Point تكلفة أقل وعدد مستخدمين أونلاين قليل يصل إلى 25 مستخدم تقريبا


Mohamed Ali Agrama
Network Engineer at ASUNET.
Network Administrator at PClab Media Co.

201122666520+