انا عاوز اشترى لاب توب. وجدت هذا الاب على الانترنت. اعتقد انه ممتاز ولكنى مش مستريح لان سعرة قليل بالمقارنة بالموجود على النت
Dell Inspiron 15R N3521 (i5/4/500/R7670) Notebook PC Intel® Core™ i5-3317U Processor (3M Cache, up to 2.60 GHz) 4GB DDR3 RAM 500GB SATA 5400 rpm DVD+/-RW Double Layer drive 15.6" High Definition (720p) LED Display with Truelife (1366 x 768 Pixels) AMD Radeon™ HD 7670M DDR3 1GB webcam with digital microphone WLan - Bluetooth - USB - 10/100 ethernet (3) USB 3.0 + (1) USB 3.0 PowerShare HDMI - D-sub 4-cell 48WHr Li-Ion Battery بسعر :3750ج
بشركة : Gstore
فى مواقع تانبة على النت السعر اعلى حوالى 200 جنية... فهل فى لعبة فى الحكاية دى؟ ام ان الشركة تريد ان تبيع لهذا تخفض الثمن؟
ثانيا هل البرسوسير 1.7 جيجاهيرتز مناسب للاستخدام فى الالعاب مع هذا الكارت العالى؟؟؟ مكتوب فى موقع انتل ان البروسيسور 1.7 جيجاهيرتز وبعدين يقول لكup to 2.6 جيجاهارتز. مش فاهم حكاية Max Turbo Frequency لمراجعة البروسيسور من حيث المكونات راجع اللنك التالى
لما بعمل مقارنة بينه وبين بروسيسور زى core i5 3317U الموجود فى اللاب توب اللى عاوز اشترية وبروسيسور اقل منه زى core I3 -2350 -2.3GHz الاحظ ان مش فى فرق كبير فى الاداء رغم انى فى فرق كبير فى السعر لو اشتريت لاب توب فيه core I3
محتاج افهم حاسس انى مش فاهم حاجة ومحتار ومتردد وخايف اكون بضيع فرصة على العرض المعمول على هذا الاب توب................... وخايف برضوا ان اللاب توب دة يكون ارخص من 3750 جنية فى اماكن اخرى فى القاهرة.........
بص يا باشا اللى اعرفه ان Gstore توكيل جاما فى مصر وادام الاب معه ضمانه يبقه متقلقش عادى الفرق ال 200 جنيه فى اللابات
بالنسبة للبروسيسور فهو مش بيتقاس بتررده بس بيتقاس بمعماريته برضه البروسيسور ده ايفى بريدج احدث من المعمارية الساندى بريدج اللى بتبدا ب 2XXX
تانى حاجة هو الترا بيستهلك باور اقل فبيحافظ على البطارية اكتر بس مقابل كده التردد اقل بالنسبة للبروسسورات ال 3XXXm خاصية التربو فهى خاصية انه لما يتضغط على المعالج ففيه نواة واحدة بيتشال عليها الحمل كله ويبقه التردد بتاعه بيعلى مثال فى اللاب ده بتوصل من 1.7 ل 2.6
نصيحة لو اهتمامك منصب للالعاب ومش محتاج اللاب اوى جمع جهاز احسن اللاب ده هتلاقيه تمام فى الالعاب اللى زى pes وكده بس متنظرش منه ولا من اى لاب فى نفس السعر انه يبقه تمام فى اللالعاب اللى زى كريسيس وباتلفيدل
الحقيقة انا مش بتاع لعب اوى يعنى. يعنى حتى ولو لعبت مش يعنى طول اليوم. مجرد مرة ولا حاجة. وكمان مش بتاع تصميم ولا كل الكلام ده. انا يدوبك تصفح نت. وبرنامج الاوفيس، وشوية موسيقى وافلام. وشوية لعب صغيرين...
هو فى سؤال كمان نفس الاب توب دة موجود فى موقع تانى بمبلغ 5200 جنية. يعنى ازيد حوالى 1500 جنية بنفس المواصفات ولما سألت عليه قالت لى ضمان الشركة ولما سألت عن بلد الصنع طلعت صينى برضوا يعنى زى اللى فى جى ستورز. وفى موقع جوما الثمن حوالى 3950، وفى موقع سوق بحوالى 4200 جنية. مش فاهم التباين دة فى الاسعار لية كدة، هل حضرتك تعرف؟
لا اكيد فيه غلطة اللاب سعره مويصلش ابدا ل5200 ممكن يكون النسخة ال i7 منه ومن راى ان اللاب ده افضل لاب من الفئة السعرية ديه وادام استخدامك زى ما قلت كده هيبقه مناسب ليك باذن الله والبطارية هتعيش معاك ان شاء الله وكارت الشاشة اللى فيه كويس وممكن يكون فرق السعر انه جاى معاه نسخة اصلية او معاه شنطة وفرق الاسعار ده مش مشكلة المهم تتاكد من الضمان
ولو عرفت تزود الفلوس شوية ل 4300 ممكن تجيب اللينوفو z580 او الديل 5520 افضل لو معرفتش اتكل على اللى وجيبه
متشكر جدا لرد حضرتك على كلامى.... هو فى ديل 5520 وسعره كويس 3850 منزلين سعرة شوية بس هذا الموقع اول مرة اشوفة مش واثق فيهم قوى لان اول مرة اشوف السعر دة للاب توب 5520. انا سالت وعرفت من احد التجار أن الفرق بين 3521 و 5520 هو فى ان الاخير جسمه من المعدن والبروسيسور بتاعة من الجيل الثالث i5-3210M 2.5GHz up to 3.1 GHz
بالاضافة لكلام الزميل mahmoud kamel14 .. الجهاز ممتاز جداً بالسعر ده، والجهاز سعره على EgyptLaptop ازيد بـ100 جنيه تقريباً .. وزي ما قاللك لو تقدر تزود الميزانية وتجيب حالة بروسيسور احسن زي الـ5520 اللي انت قايل عليه بس سعره في الاسواق معدي الـ4,000 جنيه ..
السعر ده غريب شوية ممكن يكون متحدثش من ساعت ما الدولار غلى شوفه كده واتاكدمن الضمان ولو كده اتكل على الله وجيبه اذا كان سعره كده او سعره 4200 فهو اكيد احسن من 3521
أنا شاكر لكل من قام بالرد على.. فعلا منتدى حيويى ونشيط بجهودكم
أعتقد أن الامر سينتهى بأختيار dell 3521 لانه ارخص فهو ب 3750 جنية بينما dell 5520 ثمنه 4200. التاجر عامل عرض الان بيعطى شنطة لاب توب مع هذا الجهاز ابو 3750 جنية. انا فقط عمرى ما كان عندى لاب توب ولا استخدمت واحد ولهذا اسأل هل الخامة المصنوع منها الكمبيوتر dell 3521 البلاستك مع الزمن بيتغير شكلة ويظهر عليه علامات الزمن بينما الثانى المصنوع من المعدن يبقى لامعا ويحتفظ بشكله ورونقة حتى مع الزمن.. انا مش عارف قوى البلاستك المصنوع منه اللاب توب هيحصل له ايه مع الزمن... ولكن الفرق فى السعر كبير جدا...
الفرق الجوهري بين 3521 و 5520 اللي انت عارضهم ومخلي في فرق في السعر كبير ان الديل 5520 يتفوق في البروسيسور 3210QM i5 مقابل الالترا في الديل 3521 بالنسبة للغطا فالمعدن بيتفوق بشكله والبلاستيك كويس برده بس الميتال افضل كخامة .. تحياتي وبالتوفيق ..
فى كمبيوترات لاب بتكون بضمان الوكيل وفى لاب توب بيكون بضمان دولى.. ايه الفرق وايهما افضل؟ وهل هذا يجعل هناك فرق كبير فى السعر؟ هل فى مصر لاب توب بضمان الوكيل واخرى بضمان دولى بحيث يجب ان أسأل البائع ام لا اهتم بهذا...........شكرا للرد والتفاعل...
الاجهزة في مصر كلها بضمان الوكيل لان الضمان الدولي بيبدأ لما تاجر التجزئة بيشتري اللابات من برة لكن ضمان الزبون بيبدأ مع شرائه للاب في مصر وبيكون مع الوكيل الرسمي للشركة في مصر ..
المفضلات