محتاج نصيحة يتوقف عليها حجات كتير اوى

[LoveCisco]

السلام عليكم و رحمة الله و بركاته
انا محتاج حد ينصحنى و يكون عن تجربة او خبرة انا فى اخر سنة كلية تجارة و حابب جدا مجال النيتوورك و كنت عايز اخد CCNA و عايز امشى فى الموضوع لحد لما اوصل CCNP ان شاء الله بس فيه ناس كتير قالوا لى علشان تدخل مجال الشبكات او البرمجة على وجه التحديد الاحسن انك تكون حاسبات و معلومات لانهم فى الشغل بيبقوا عايزين فى المجالين دول حاسبات و معلومات بس فا يا ريت حد يقولى هل اكمل فى مجال الشبكات و اتوكل على الله ولا لا و اشوب اى كورسات تانية تدعم شهادة كلية تجارة يا ريت حد يقولى و يكون عن خبرة و شاف مجال العمل و كدة جزاكم الله خيرا

[Eng\M.said]

توكل على الله واختار المجال الانتا حبه بس لازم تحترف فيه اوى لان المنافسة دلوقتى بقيت قوية جدا وعلى اد تعبك ان شاء الله ربنا هيكرمك
ثانيا هذين المجالين مفتوحين للجميع واكثر الناس احترافا فى المجال ليسوا من خريجى الكليات دى وانا شوفت الكلام ده بنفسي وعندك ناس CCIE مش خرجين لا هندسة ولا حاسبات

استعن بالله وشد حيلك واعرف ان المشوار طويل اوى اوى وطلما انت بتحب المجال يبقى ان شاء الله ربنا هيوفقك وتتميز فيه

[LoveCisco]

توكل على الله واختار المجال الانتا حبه بس لازم تحترف فيه اوى لان المنافسة دلوقتى بقيت قوية جدا وعلى اد تعبك ان شاء الله ربنا هيكرمك
ثانيا هذين المجالين مفتوحين للجميع واكثر الناس احترافا فى المجال ليسوا من خريجى الكليات دى وانا شوفت الكلام ده بنفسي وعندك ناس CCIE مش خرجين لا هندسة ولا حاسبات

استعن بالله وشد حيلك واعرف ان المشوار طويل اوى اوى وطلما انت بتحب المجال يبقى ان شاء الله ربنا هيوفقك وتتميز فيه

الله يخلييييييييك شكرا جدا رفعت معنوياتى للسماء والله شكرا شكرا

[faysalhard]

توكل على الله طالما انت تحب مجال الشبكات

انصحك بالبدا بدراسة شهادة Network+ , لاعطائك مبادئ الشبكات

[hamdy86]

ان شاء الله ربنا يوفقك ويوفقنا جميعا
انا زيك بالظبط كليه تجاره اخر سنه ان شاء الله
الحمدلله خلصت ccna من شهر تقريبا ودخلت الامتحان الدولى ونجحت فيه ولسه مكمل وربنا يستر ان شاء الله