انا دلوقتى عندى الجهاز من حوالى سنين أو سنتين ونص, انا بستخدم البلور على طول وأنضفه من التراب
لكن هل فى ضرر انى أفك المشتت من على البروسيسور وأنضفها لوحدها ؟ أفكها عادى ولا فى ضرر ؟
انت تقصد طالما فكيته مينفعش أنضفه من التراب وأركبه تانى ؟ لازم معجون ؟
ومعلش سؤال تانى أنا مليش خبره قد كده هو المعجون فايدته ايه بالظبط ؟
انت قلت ان الجهاز جايبه من سنتين يعني المعجون نشف فلازم تغيره بواحد جديد ..
والمعجون بيساعد على تقليل درجة حرارة البروسيسور ..
وحاول تجيب معجون نظيف مش ابو نص جنيه ..
ولما تحط المعجون حتحطه في منتصف البروسيسور بحجم حباية الرز ..
زي ماقال الأخ HeroIrak :ah7:
اخي لا مشكلة من فك المشتت لكن اهم شيئ فك المشتت بحذر لكي لا تكسر الارجل
وتستطيع تنظيف المشتت بواسطة فرد الشعر ايا لكن حاول تثبيت المروحة اثناء التنظيف وطبعا يجب عليك تغير المعجون القديم بواحد جديد
والطريقة الصحيحة لمسح المعجوم احضر قطعة قماش مع مادة كحول وقم بتنظيف ظهر المعالج جيدا من بقاية المعجون القديم وتنظيف المشتت ايضا وانتظر دقيقتين
وضع معجون بمقدار حبة الارز في منتصف المعالج وركب المشتت
CPU: I7 4770K
Motherboard: ASUS Z87-DELUXE
video card: Gigabyte GTX 780 OC
RAM: G.Skill 2x4GB DDR3
Samsung 840 Pro Series 2.5'' 128GB SSD SATA III
Cooling: Noctua NH-D14
PSU: Seasonic X-Series 850W
unexpected out
طيب بعد اذنك هو اجيب المعجون ده منين أصلا والكحول ؟ فى مكان فى أكتوبر أقدر أجيب منه ؟
وهل لما أحط معجون بمقدار حبه الارز أركب المشتت عليها على طول ؟ قصدى موزع المعجون على المعالج بالكامل
المعجون النضيف ممكن تشتريه ن اى مول للكومبيوتر فى اكتوبر (انا مش من هناك فمش عارف) والكحول ده الى هو الكحول الطبي تحط شويه على منديل مثلا او حته قماش وتمسح بيها المعالج
وما توزعش المعجون هو هيتوزع لوحده بعد ما تحط المشتت
زي ما قال الاخ mohab mahmoud ..
وتقدر تشوف الموضوع ده عن كيفية وضع المعجون الحراري
https://arabhardware.net/forum/showthread.php?t=238160
زى ما نصوحوك اخوتى هنا
الخلاصه , فك المشتت عادى بس خلى بالك من ارجل بتاعاته , ومتفكش معالج , فك المشتت بس
نضفه ب البلاور وامسح المعجون القديم باستخدام قطنه وكحول
كذلك امسح المعجون القديم من على المعالج بحرص شديد بقطنه وكحول
بعدين حط نقطه من معجون حرارى بحجم حبه او حبتين ارز فى منتصف المعالج
وبعدين حط المشتت على المعالج برفق وثبت الاربع الارجل بطرقة تقابل عشان توزرع التقل على المعالج تفرد معجون صح ,يعنى ركبت رجل الاعلى من اليمين ,بعدين الرجل السفلى من ايسار وهكذا , مش تركب الرجول اليمنى كلها وبعدين اليسرى كلها ,
اما عن المعجون ف اشترى معجون احترافى على الاقل Cooler master IC value والافضل والاغلى هوا Arctic mx-4
وكرر الموضوع ده كل فتره كبيرة لو حسيت ان المعالج حرارته زادت عن الطبيعى
ألف شكر للكل ربنا يبارك فيكم
المفضلات