بخصوص كور2كواد8200

**ryko** · 03-06-2013, 00:38

السلام عليكم

يا جماعة لو فيه لعبة بتتطلب كحد أدنى للتشغيل كور2ديو تردد 3 جيجاهيرتز

وعندى كور2كواد8200 تردده 2.3 جيجاهيرتز يشغل اللعبة بكفاءة ولا لأ؟

**محمد البرديسى** · 03-06-2013, 11:03

تشتغل عادى وطبعا ممكن تكسر سرعة البرسيسور

**unexpected** · 03-06-2013, 18:18

وعليكم السلام
ستعمل العبة عادي يا عزيزي وعن تجربة لان معالجي Q9450 يعمل بتردد اصلي 2.66GHZ وجربت الكثير من الالعاب التي تتطلب ترددات اعلى ولم اواجة اي مشكلة
مع اني الان كاسر السرعة الى تردد 3.6GHZ
وعندي لك ملاحظة 90% من الالعاب مواصفات التشغيل التي تحتاجها تقريبا بيكون مبالغ فيها
لكن لاحظ ان المعالج هذا يعمل بتردد منخفض وممكن يشكل لك عنق زجاجة مع البطاقات مثل GTX 560 TI وهذة الفئات وتحتاج لكسر المعالج

**ryko** · 04-06-2013, 00:23

طب لو سمحتم يا جماعة بالنسبة لمروحة البروسيسور دة الأصلية أنا أول مرة اتعامل معاها

ومشعارف اركبها ازاى هى عبارة عن مسامير ب4 رؤوس بلاستيكية مرسوم على كل واحد سهم

ومشعارف ازاى اركب المروحة دى؟

ياترى فيه فيديو يوضح تركيبها بشكل واضح؟

**M o h a m a d** · 04-06-2013, 02:12

وعليكم السلام
رغم تردد المعالج المنخفض لاكنه يمكنه تشغيل أي لعبة لاكن ممكن يسبب عنق زجاجة فلهادا يمكن كسر سرعته
فمعالجك أفضل من أعلى معالج كور2ديو حتى لو تردده منخفض لأنه رباعي النواة

**ka3esh** · 04-06-2013, 05:09

ان شاء الله تشتغل بس ياريت تذكر نوع كارت الشاشه لديك وحجم ودهق شاشتك .... اما بالنسه للفانه فرؤس المسامير عبارة عن نصف دائرة بلاستيكة بتوجه ناحية الشمال فى وضع افقى وتدخلها مكانها فى البورده بالضغط عليها وتتأكد من دخولها كامله من الخلف وبعد كده تدور الراس من ناحيه اليمن وتعمل لوك وتركب سلك المروحه التلاته بن فى البورده ..وماتنساش قبل ده كله تحطلها معجون الفريون...شكرا..

**ryko** · 04-06-2013, 20:51

هو معجون الفريون بيكون على البروسيسور ولا الفانة؟

لإن انا حطيته على البروسيسور

بالنسبة لتركيب الفانة معلش الموضوع مش واضح كفاية ازاى يعنى السهم اللى على الرأس اكون ظابطه ان رأس السهم تكون للداخل و اضغط ولا العكس؟وخايف اضغط جامد يحصل مشكلة ولا الطبيعى انى اضغط جامد؟

**unexpected** · 05-06-2013, 01:49

المشاركة الأصلية كتبت بواسطة ryko

هو معجون الفريون بيكون على البروسيسور ولا الفانة؟

لإن انا حطيته على البروسيسور

بالنسبة لتركيب الفانة معلش الموضوع مش واضح كفاية ازاى يعنى السهم اللى على الرأس اكون ظابطه ان رأس السهم تكون للداخل و اضغط ولا العكس؟وخايف اضغط جامد يحصل مشكلة ولا الطبيعى انى اضغط جامد؟

تم الارسال فيديو على الخاص عن طريقة تركيب المشتت
لم استطيع وضعة هنا لانة يحتوي على دعاية :D

**ryko** · 07-06-2013, 22:16

الله يجازيك خير ياأخى

طب دلوئتى انا عملت اختبار للبروسيسور من خلال الضغط عليه لمدة ساعة وكانت درجات الحرارة كما مبين بالصورة

ياترى درجات الحرارة تدل على إنه كويس ولا فيه أى مشاكل؟وازاى ياجماعة اعرف إمتى تكون درجة حرارة البروسيسور طبيعية و إمتى يكون مبالغ فيها؟

وإيه متطلبات كسر سرعته إذا كان يفضل كسر سرعته؟مع العلم ان البوردة جيجابايت G41MT-S2PT

معلش تعبتكم معايا

**unexpected** · 07-06-2013, 22:26

مع هذة الحرارة لن تستطيع كسر السرعة ابدا
عموما هي لن تصل لهذة الدرجة مع الاستخدام العادي والالعاب وانما وصلت لهذة الدرجات لانك استعمت برنامج Prime95 وهذا البرنامج معروف انة يضغط على المعالج بشكل رهيب
حاول دائما الحرارة لا تتخطى 68 درجة في اسوء الظروف لان الشركة تنصح بعدم تخطي الحرارة 71
ولا انصحك بكس السرعة مع هذة اللوحة لانك ربما لن تستطيع تخطي التردد الاصلي او حتى لو استطعت الكسر سيكون بنسبة بسيطة

**ryko** · 07-06-2013, 23:45

مع ان كنت بتقوله انه ممكن كسر السرعة للمعالج دة الى 3 جيجا و شوية

**unexpected** · 08-06-2013, 00:45

المشاركة الأصلية كتبت بواسطة ryko

مع ان كنت بتقوله انه ممكن كسر السرعة للمعالج دة الى 3 جيجا و شوية

مين قال الكلام دة؟؟؟
والامر يختلف من للوحة الى اخرى لكن مع مثل للوحتك صعب

**MohammedsF** · 08-06-2013, 19:34

أخي الحرارة 76c هي حرارة عالية لأن الحد الأقصى 71c ، كيف وضعت المعجون الحراري و ماهو نوعه ؟

الطريقة الصحيحة انك تنظف قاعدة المشتت و سطح المعالج تماماً من المعجون القديم بواسطة قطعة قماش مبللة ببعض الكحول ثم تضع نقطه صغيرة بحجم حبة أرز في منتصف المعالج و سيتكفل ضغط المشتت بتوزيعها على سطح المعالج...

**ryko** · 10-06-2013, 07:35

لازم حتة مبللة بالكحول مينفعش تكون حتة جافة؟

الحرارة دى بعد الضغط عليه بprime95 ووانا شغال على الجهاز عادى

معنى الكلام دة ان حالة البروسيسور مش كويسة؟

انا مسحت المعجون بحتة جافة من على البروسيسور و من على المشتت ووضعت حاجة بسيطة نصف كيس من الاكياس الصغيرة على سطح البروسيسور ونوع المعجون هو المعجون العادى كيس صغير كدة ب 50 قرش(نصف جنيه عملة من العملات المصرية)

**MohammedsF** · 10-06-2013, 12:24

المشاركة الأصلية كتبت بواسطة ryko

لازم حتة مبللة بالكحول مينفعش تكون حتة جافة؟

الحرارة دى بعد الضغط عليه بprime95 ووانا شغال على الجهاز عادى

معنى الكلام دة ان حالة البروسيسور مش كويسة؟

انا مسحت المعجون بحتة جافة من على البروسيسور و من على المشتت ووضعت حاجة بسيطة نصف كيس من الاكياس الصغيرة على سطح البروسيسور ونوع المعجون هو المعجون العادى كيس صغير كدة ب 50 قرش(نصف جنيه عملة من العملات المصرية)

لازم يكون عليها شوية كحول لأنها لو كانت جافة فانت بتشيل المعجون اللي انت شايفه بعينيك و المفروض انك تشيل حتى الموجود في الثقوب الميكروسكوبية على سطح المعالج و قاعدة المشتت ! أفضل ما يمكن استخدامه هو البخاخ Contact-90 لانه قادر على اذابة أي بقايا من المعجون القديم...

و طبعاً حالته مش كويسة لأنه الحد الأقصى لأطول عمر ممكن للمعالج هو 71c و الحاجة البسيطة اللي انت وضعتها اذا كانت اكثر من حجم حبة أو حبتين رز فهي رح تقوم بعمل عكسي بدلاً من خفض الحرارة رح تحبس الحرارة !

و أبو 50 قرش زيه زي معجون الأسنان و المفعول هو نفسه :D حاول تجيب معجون محترم و رح يفرق معاك كثير..

و أنا عارف انه 50 قرش هي نص جنيه مصري طبعاً يا عم الحاج ؟! :D