طرق عمل الروت لكل اجهزه سامسونج

[mazen mosaad]

السلام عليكم و رحمه الله و بركاته

النهارده هعملكوا شرح لعمل روت لكل اجهزه سامسونج

بعض الملاحظات كده ف الاول علشان نكون متفقين

1-المنتدى غير مسؤل عن اى خلل يحدث بالجهاز

2-لازم تكون بطاريه التليفون اكتر من 60%

3-اتاكد كويس من نوع و رقم الموبايل

4-الشرح يتقرا بالكامل علشان متقعش فى اى غلط

طيب يلا بينا بقى
اولا: جهاز samsung galaxy S3


رقم الجهاز: i9300

نظام التشغيل: ics 4.0.4

الطريقه:

1-اول حاجه تشبك الجهاز بالكمبيوتر لحد ما يتعرف عليه

2-نفصل الجهاز من الكمبيوتر بعد ما خلاص اتعرف عليه

3-نحمل برنامج الادوين

من هنا

4-نحمل ملف الروت و cwm وبعدين نفك الضغط

من هنا


5-اقفل التليفون وبعدين ارجع شغله تانى فى وضعيه الداونلود مود عن طريق الضغط على (زر خفض الصوت و زر الهوم و زر الباور) التلاته مع بعض قشطه

6-هتظهرلك يا جميل شاشه سوده اضغط على زر رفع الصوت انت كده ف وضيعه الداونلود مود

7- افتح برنامج الاودين اللى انت حملته و وصل التليفون بالكمبيوتر
اول ما الاودين يتعرف على الجهاز روح لخانه pda واضغط عليها واختار الملف ده

CF-Root-SGS3-v6.0 .rar

8-اضغط بقى على start واستنى عليه لحد ما يفتح تانى

9-كده انت علمت الروت يا باشا
...................................
طيب لو عاوز روت الجيلى بين 4.1.1

هنغير ف حاجات بسيطه بس

اولا : هتحمل ملف cwm

من هنا

ثانيا: هنحمل ملف الروت

من هنا

وبعدين نكرر الخطوه 6&5

بعد كده نفتح بقى الاودين هندخل على pda

بدل الملف اللى حطناه فوق بقى هنحط ملف ال cwm اللى حملناه دلوقتى

وبعد كده start الجهاز بعدها هيعمل restart نستنى عليه يفتح و بعدين

نوصله بالكمبيوتر وننقل ملف الروت اللى حملناه للذاكره الداخليه او الخارجيه مش هتفرق

بعد كده نقفل التليفون ونشغله على وضعيه الريكفرى عن طريق الضغط على

(زر رفع الصوت والهوم والبارو) مع بعض كده دخلنا على الريكفرى مود

نقوم بالضغط على

install zip from sd card

وبعدين على

choose zip from sd card

ندور على ملف الروت اللى نقلناه و بعدين نعمل yes

ونستنى لحد ما يخلص وبعدها نقفل التليفون ونفتحه

كده مبروك عليك يا عم
........................................
بالنسبه لروت الجيلى بين 4.1.2

1-هنوصل الجهاز بالكمبيوتر وبعد ما الكمبيوتر يتعرف عليه نفصله

2-نحمل برنامج الاودين

من هنا

3-نحمل ملف الروت و cwm

من هنا

4-نقفل التليفون و نشغله فى وضعيه الداونلود مود و عرفنا ازاى

5-نفتح الاودين و نوصل الجهاز بالكمبيوتر

6-اول ما يتعرف عليه الاودين ندخل خانه pda ونضغط عليها ونختار ملف الروت اللى حملناه

7-نضغط على start ونستنى لحد ما يخلص و الجهاز هيعمل restart لوحده

كده مبروك عليك
...................................

ثانيا جهاز samsung galaxy s2

رقم الجهاز: i9100

نظام التشغيل: ics 4.0.4

الطريقه:

1-ادخل وضعيه الداونلود عن طريق الضغط على زر خفض الصوت و زر الهوم و زر الباور معا لحد ما تظهرلك شاشه مكتوب فيها حاجات كده ومثلث اصفر

2-اضغط زر رفع الصوت هتلاقى كلمه Download فى نص الشاشه

3-وصل الموبايل بالكمبيوتر واستنى لحد ما الكمبيوتر يتعرف عليه

4-افتح برنامج الادوين واتاكد ان ف اول مستطيل ف البرنامج تحت كلمه ID:com متلون بالاصفر و فيه كتابه واتاكد كمان انه مكتوب فيه Added

5-اضغط على pda واختار ملف الكيرنل اللى هتحمله دلوقتى اسمه كده بالظبط

CF-Root-SGS2_XX_XEO_LPQ-v5.3-CWM5.tar

من هنا

6-اضغط start واستنى لحد ما يخلص

بعد ما يخلص هتلاقيه كده

كده تمام يا برنس عملت الروت

.................................................. ..............

ثالثا:جهاز samsung galaxy w




رقم الجهاز: i8150

نظام التشغيل: Android v2.3.5

الطريقه:

1-نحمل الملف ده و ننقله لل sdcard

من هنا


2-نقفل التليفون ونضغط على زر رفع الصوت و زر الهوم وزر الباور معا

3-نضغط زر الخيارات

4-هتظهر قايمه نختار منها apply sdcard:update.zip وعلشان تتنقل بين الخيارات استخدم مفتاح رفع و حفض الصوت و علشان تختار الحاجه اللى عاوزها اضغط زر الهوم

5-بعد كده نختار الملف اللى حملناه ونقلناه update.zip واذان طلب منك الموافقه دوس yes

5- بعد كده اضغط على reboot system now

و مبروك عليك

يتبع ......

[mazen mosaad]

رابعا:جهاز Samsung Galaxy y



رقم الجهاز: S5360

نظام التشغيل: Android v2.3.5

الطريقه:

1- هنحمل الملف ده

من هنا

2-ننقل الملف ده للذاكره الخارجيه

3-نقفل التليفون وبعد كده ندخل على الريكفرى مود عن طريق الضغط على زر البارو و الهوم و رفع الصوت



4- نستخدم زر رفع الصوت وخفضه للتنقل وللاختيار نضغط رز الهوم نروح بقى نختار apply update from sdcard

5-نختار الملف اللى حملناه هيركب وبعد كده reboot system now

ومبروك عليك
................................................
خامسا: جهازSamsungGalaxyPocket

saNV2.jpg

رقم الجهاز: S5300

نظام التشغيل: Android v2.3

الطريقه :

1-نحمل ملف الروت

من هنا

2-نشبك الجهاز بالكمبيوتر و ننقل الملف اللى حملناه للذاكره الخارجيه

3-نقفل الجهاز وندخل على الريكفرى مود عن طريق الضغط على زر رفع الصوت والهوم والباور معا

4-اول ما ندخل الريكفرى نختارInstall zip from SD card وبعدين نختار ملف الروت اللى حملناه عن طريق اختيار choose file from sd Card

5-كده احنا ثبتنا ملف الروت نروح بقى نعمل اعاده ضبط المصنع من Wipe Data/Factory Rese ثم Wipe Cache Partition

6-نعيد تشغيل التليفون من Reboot System Now

و مبروك عليك

[mazen mosaad]

سادسا:جهاز Samsung Galaxy S advanced




رقم الجهاز: i9070

نظام التشغيل: Android v2.3.6

الطريقه:

1-هنحمل الملف ده ونفك الضغط

من هنا

2- نفتح برنامج الاودين من الملف اللى حملناه

3-نفتح الاعدادات ثم Applications ثم Development and check USBDebugging وبعدين اعمل صح على USB Debugging

4-نقفل التليفون وبعدين تفتحه على وضعيه الداونلود مود عن طريق الضغط على زر الباور والهوم وخفض الصوت معا و بعدين استنى عليه شويه واشبك الكابل ف الكمبيوتر واختار continue

5-اول ما يتعرف عليه الاودين فى خانه pit حط الملف ده GT-I9070_EUR_XX_8G_20111220_KL6.pit

6-حط الملف ده كمان rootkernel.tar.md5 فى خانه pda وشيل علامه الصح من Re-Partition& Flash Lock& Phone EFSClear

7-اضغط على start بقى و لما يخلص حمل الملف ده

من هنا

8-نعيد الخطوات من 4 الى 7 بس بدل الملف اللى حطناه ف 7 هنحط الملف اللى حملناه دلوقتى اللى اسمه JPLD3.tar.md5


9-وبعدين نضغط start


كده اقدر اقولك مبروك عليك
.................................................. ......

سابعا:جهاز Galaxy Mini 2



رقم الجهاز: S6500

نظام التشغيل: Android v2.3.6

الطريقه:

1-نحمل الملف ده

من هنا

2-نقوم بنسخه على الذاكراه الخارجيه

3-نقفل التليفون وبعدين نشغله على وضعيه الريكفرى مود عن طريق زر رفع الصوت و الهوم والباور معا

4-بعد كده نقوم باختيارupdate from sdcard



5-ندور على الملف اللى حملناه ونقلناه للذاكره ونختاره

6-استنى عليه لحد ما يخلص ثمReboot System Now

و مبروك عليك

يتبع............

[mazen mosaad]

ثامنا:جهاز Samsung Galaxy note



رقم الجهاز: N7000

نظام التشغيل:ics 4.0.4 & ics 4.0.3

الطريقه:

1-نحمل الملف ده ونفك ضغطه

من هنا


2-الملفين اللى طلعوا من فك الضغط انسخهم الى الذاكره الخارجيه

3-نقفل التليفون ونشغله على وضعيه الريكفرى مود عن طريق الضغط على زر رفع الصوت والباور والهوم

4-بعد الدخول الى وضعيه الريكفرى نختار update from sdcard

5-ندور على الملف اللى اسمه CWM.zip ونختاره ونثبته

6-وبعدين نختار الملف التانى SUPERSU-Busybox-Installer.zip ثم yes

7- نسيبه يخلص وبعدين نعمل Reboot System Now

و مبروك عليك يا باشا
................................
تاسعا:جهاز Samsung Galaxy Note 2



رقم الجهاز: N7100

نظام التشغيل: jelly bean 4.1.1

الطريقه:

1-هنحمل الملف ده

من هنا


2-نقفل الجهاز ونشغله على وضعيه داونلود مود عن طريق
الضغط على رز خفض الصوت والهوم والباور

3-بعد دخول الوضعيه نشبك الجهاز بالكمبيوتر ونفتح الاودين موجود ف الملف اللى حملناه هنلاقى المنظر ده



4-نروح على خانه pda ونختار الملف دهcwm6-root-note2.tar

5-نحط علامه صح على auto reboot & F. Reset Time

6-نضغط على start ونسيبه يكمل ونخليه يعيد التشغيل

كده مبروك الروت يا عمنا


..................................................

لو عاوز روت لنسخه 4.1.2
1- هنشبك الموبايل بالكمبيوتر لحد ما يتعرف عليه وبعدين نفصله تانى

2-نحمل برنامج الادوين

من هنا



3-نحمل ملف cwm ونفك عنه الضغط

من هنا

4-نقفل الموبايل ونشغله على وضعيه الداونلود مود وعرفنا ازاى


5-هتظهر شاشه سوده فيها ايقونين اختر ايقونه الداونلود مود


6-نفتح الاودين ونوصل التليفون بالكمبيوتر نروح على pda ونختار الملف cwm6-root-n7100.tar


7-نضغط على start ونستنى لحد ما يخلص ونعيد التشغيل


كده احلى مسى عليك

[mazen mosaad]

عاشرا:جهاز Samsung Galaxy Mini




رقم الجهاز: S5570

نظام التشغيل: Android v2.3.6


الطريقه:

1-نحمل الملف ده

من هنا

2-بعد كده هنعمل ملف على الميمورى اسمه Root و هننقل فيه الملف اللى حملناه

3-بعد ما نقلنا الملف نقفل التليفون

4- نشغل التليفون على وضعيه الريكفرى مود عن طريق الضغط على زر رفع الصوت والهوم والباور معا كده انت دخلت على وضعيه الريكفرى

5-ندخل على install zip from sdcard

6- بعد كده نختار choose zip from sdcard وبعدين نختار الملف اللى اسمه Root اللى احنا عاملينه وبعدين نضغط على yes

7-نستنى لحد ما يخلص وبعدين نعيد التشغيل من reboot system now

والف مبروك الروت يا معلم
.............................................
احدى عشر:جهاز Samsung Galaxy S Plus



رقم الجهاز: i9001

نظام التشغيل: Android v2.3

الطريقه:

1-نحمل الملف ده

من هنا


2-ننسخ الملف على ال sdcard

3-نقفل التليفون وبعدين نشغله على وضعيه الريكفرى مود عن طريق الضغط على زر رفع الصوت والهوم والباور

4-بعد ما ندخل على الريكفرى مود نختار update from sdcard

5-ندور على الملف اللى نقلناه للذاكره الخارجيه ونختاره

6-نستنى على الجهاز شويه و اول ما يخلص تثبيت نعمل reboot system now

كده انت سوبر يوزر يا باشا

........................................
اثنى عشر:جهاز Samsung Galaxy s1
رقم الجهاز: i9000

نظام التشغيل: Android v2.3

الطريقه:

1-هنحمل الملف ده

من هنا

2-هنفك الضغط هنلاقى فيه ملفات الروت وبرنامج الاودين

3- نقفل التليفون وندخل على وضعيه الداونلود مود عن طريق الضغط على زر خفض الصوت والهوم والباور

4-نشغل برنامج الاودين ونشبك الجهاز بالكمبيوتر

5-ندخل على خانه ال pda نختار ملف الروت اللى حملناه اسمه SP-ROOT.tar

6- نضغط على start ونستنى عليه لحد ما يخلص وبعدين الجهاز هيعيد التشغيل لوحده

وكده انت عملت الروت مبروك
...........................................
الثالت عشر: جهاز Samsung Galaxy Fit



رقم الجهاز: S5670

نظام التشغيل: v2.3.6

الطريقه:

1-نحمل ملف الروت

من هنا

2-ننقله على الذاكره الخارجيه

3-نقفل التليفون وندخل على وضعيه الريكفرى مود عن طريق الضغط على زر رفع الصوت والهوم والباور معا

4-نضغط على choose apply update وبعدين نختار الملف اللى حملناه ثم نضغط على yes

5-نستنى على الجهاز لحد ما يخلص تثبيت وبعدين نضغط على reboot system now

كده قشطه عليك و مبروك

[mazen mosaad]

الرابع عشر: جهاز Samsung galaxy ace



رقم الجهاز: S5830

نظام التشغيل: Android v2.3

الطريقه:

1-نحمل الملف ده

من هنا

2-ننقله على الذاكره الخارجيه Sdcard

3-نقفل الجهاز ونشغله على وضعيه الريكفرى مود عن طريق الضغط على زر رفع الصوت و زر الهوم و زر الباور

4-بعد الدخول الى الوضعيه نختار update from Sdcard

5-ندور على الملف اللى نقلناه وبعدين نختاره

6-نستنى على الجهاز شويه لحد ما يخلص تثبيت وبعدين reboot system now

كده مبروك عليك
...............................
الخامس عشر:جهاز Samsung Galaxy S Dous



رقم الجهاز: S7562

نظام التشغيل: Android v4.0

الطريقه:

1-نحمل الملف ده فيه تحدثيات ال usb

من هنا

2-نثبته على الكمبيوتر وبعدين نعمل ريستارت للكمبيوتر

3-نحمل برنامج الاودين

من هنا

4-نحمل ملف ال cwm

من هنا

5- نحمل ملف ال superuser

من هنا

6-نحمل ملف superSu

من هنا

7-نقفل التليفون وندخل على وضعيه الداونلود مود عن طريق الضغط على زر خفض الصوت والهوم والباور معا هيظهر تحذير كده نضغط على زر رفع الصوت

8-نوصل الجهاز بالكمبيوتر عن طريق الكابل ونفتح برنامج الاودين ونستنى لحد ما يتعرف على الجهاز

9-ندخل على خانه pda نختار ملف ال cwm اللى حملناه بعد كده نحط علامه صح على Auto reboot & f.reset time

10-ثم نضغط على start ونسيبه لحد ما يخلص وهيعيد التشغيل لوحده

11-بعد ما يفتح نوصله تانى بالكمبيوتر وننقل ملفين ال superuser & supersu اللى حملناهم

12-نقفل التليفون وندخل على وضعيه الريكفرى مود عن طريق الضغط على زر رفع الصوت والهوم والباور معا

13-بعد الدخول الى الوضعيه المذكوره نضغط على apply the update file ونختار واحد من الملفين اللى نقلناهم

14-نستنى لحد ما يخلص ثم reboot system now

وكده مبروك عليك الروت
.............................................

[mazen mosaad]

السادس عشر:جهاز Samsung Ace plus



رقم الجهاز: S7500

نظام التشغيل: Android v2.3

الطريقه:

1-نحمل الملف ده

من هنا

2-نقوم بنسخ الملف الى الذاكره الخارجيه Sdcard


3-نقفل التليفون بعد كده نشغله على وضعيه الريكفرى مود عن طريق الضغط على زر رفع الصوت والهوم والباور


4-بعد الدخول اللى الوضعيه المطلوبه نختار update from Sdcard ونختار الملف اللى حملناه


5-نستنى على التليفون يخلص وبعد كده reboot system now


ومبروك عليك الروت يا برنس..............................

السابع عشر: جهاز Samsung Ace (المعدل)


ارقام الجهاز: GT-S5830i & GT-S5830M & GT-S5830c

نظام التشغيل: Android v2.3.6

الطريقه:

1-نحمل ملف الروت

من هنا

2-ننقل الملف اللى حملناه للذاكره الخارجيه

3-نقفل التليفون ونشغله على وضعيه الريكفرى مود عن طريق الضغط على زر رفع الصوت والهوم والباور

4-بعد دخول الوضعيه نختار apply the update file ثم نختار الملف اللى حملناه

5-نستنى على الجهاز لحد ما يثبته وبعدين reboot system now

ومبروك عليك
............................

الثامن عشر: جهاز Samsung Ace 2


رقم الجهاز: GT-i8160

نظام التشغيل: Android v2.3.6

الطريقه:

1-نحمل الملف ده ونفك ضغطه

من هنا

2-نحمل الملف ده كمان وننسخه للذاكره الخارجيه والداخليه زى ما هو كده

من هنا

3-نحمل برنامج الاودين ونفك الضغط عنه و بعدين نشغله

من هنا

4-نقفل التليفون ونشغله على وضعيه الداونلود مود عن طريق الضغط على زر خفض الصوت والهوم والباور

5-نوصل الجهاز بالكمبيوتر ونشغل الاودين ونستنى لحد ما يتعرف على الفون

6-نروح على خانه Pda نضغط عليها وبعدين نختار اول ملف حملناه اللى اسمهI8160XXLD8_ready_to_root_ANT.tar

7-نحط علامه صح على auto reboot & f-reset time وبعدين نضغط start

8-نستنى على البرنامج يخلص وبعد كده التليفون هيعيد التشغيل لوحده

9-نقفله تانى ونشغله على وضعيه الريكفرى مود عن طريق الضغط على زر رفع الصوت والهوم والباور

10-بعد الدخول على الوضعيه المذكوره نختار update from Sdcard ثم choose zip from Sdcard وبعد كده نختار الملف التانى اللى حملناه

11-نستنى على الفون يخلص وبعدين reboot system now

ومبروك الروت
..............................................

[mazen mosaad]

جهاز Samsung Galaxy y dous



رقم الجهاز: S6102

نظام التشغيل: Android v2.3


الطريقه:


1-نحمل ملف الروت على الكمبيوتر

من هنا

2-نوصل الجهاز بالكمبيوتر عن طريق الكابل وننسخ ملف الروت اللى حملناه على الذاكره الخارجيه

3-نقفل الجهاز ونشغله على وضعيه الريكفرى مود عن طريق الضغط على زر رفع الصوت والهوم والباور

4-بعد ما ندخل لوضعيه الريكفرى نختار install zip from sdcard

5-وبعدين نختار choose zip from sdcard وبعد كده نختار الملف اللى حملناه

6-نستنى عليه لحد ما يخلص وبعد ما يخلص تثبيت نختار wipe data/factory reset

7-نمسح ملفات الكاش عن طريق اختيار wipe cache partition

8-نختار reboot system now

9-هنلاقى ف قايمه البرامج super user ولو مش موجود نحمله

من هنا

ومبروك عليك الروت

ملحوظه:

اى حد مش لاقى جهازه موجود هنا يكتب رد باسمه وانا هنزله الشرح علطول

ارجو تثبيت الموضوع لاهميته و باذن الله سوف اشرح روت التابلت

[Saddik Rayan]

شكرا على الموضوع

[Ahmed.Elsayed]

يرجى عدم إستخدام خط أكبر من الحجم 4 (تم تعديل حجم الخط)

وعند نقل أى موضوع يجب ذكر المصدر.

[wezaezz]

thxxxxxxxxxxxxxx

[mohamedadelead]

لوسمحتم انا عندي مشكلة فى تاب 5100 10 بوصة
انا جبت الجهاز مستعمل وبعد كدة اكتشفت ان مفيش جوجل ماركيت خالص فعمل باك تو ريسيت وبرده نفس المشكلة دخلت اكونت جي ميل ودخلت من متصفح بيقلي الجهاز مش متعرف علي الاندرويد ماركت
وديت الجهاز لحد قالي عاوز سوفت
ممكن اى حل اقدر اعمله بنفسي لحل المشكلة دي ؟
شكرا

[sniper4spy]

شكرا على المجهود
samsung 5303

[H3_vip]

ياريت لو روم ثابت لجهاز gt-s6102

[مالكي]

السلام عليكم انا جهازي DELL صيني ونظامه انتل ابي شرح بدون كومبيوتر واسمي فراس