ما الفرق بين بروسيسور i5 و i7 فى الاداء ؟؟ واسئلة اخرى !

**Unknown_Dragon** · 22-06-2013, 21:47

السلام عليكم ورحمة الله وبركاته ،
اذا سمحتم اخوانى
انا عايز حد يفهمنى ايه الفرق بين بروسيسور
Core i5 و Core i7

يعنى هل فين فرق بين اداء ده واداء ده ؟؟
اصل اللى خلانى اسأل انى قريت قبل كده فى كذا رد اى المنتدى هنا ناس كتير لقيتهم بيرودا على استفسارات لناس وبيقولوا لا فرق بين i5 و i7 فى الالعاب ؟؟
طب لو مفيش فرق فعلا ايه اللى خلاهم يعملوا اى 7 ؟؟؟
وايه الى يخلينى اجيب i7 بدل i5 مع انهم بيقولوا مفيش فرق فى الاداء وبخاصة الالعاب ؟؟؟
الخلاصة ايه الفرق بينهم وهل الفرق ده له تأثير فى استخدام الالعاب وبرامج تشغيل الافلام و برامج الجرافيكس المتوسطة زى Photoshop و Illustrator ???

وسؤال اخر : هل كفاءة المعالج لها علاقة بتردده يعنى مثلا المعالج بتردد. 3.5 Hz احسن من 2.5 HZ مثلا ؟؟؟

وسؤال كمان ....وده أهم من السؤالين اللى فاتوا :
هو ايه الفرق بين الالعاب على الاعدادات المتوسطة Medium وعلى الاعدادات العالية High وعلى الالترا Ultra ???
يعنى اللعبة على الاعدادات المتوسطة بتبقى بطيئة عن اعدادات الهاى ؟؟؟ ولا وضوح الصورة مش قوى ؟؟؟
ولا ايه الفرق ؟؟
يعنى بتبقى بطيئة قوى يعنى يعنى لو لعبة حرب على المتوسط هيبقى الراجل ماشى زى السلحفة والرصاصة تطلع بعد ساعة ولا ايه نظامه ؟؟؟

سؤال اخير بقى :
لو عايز اشغل العاب زى Crysis و Battlefield
هل كارت nIvidia بمساحة 2GB كفاية و الكارت ده يشغلها على المتوسطة ولا العالى ولو اتغبيت وشغلتها على العالى وهيا المفروض على المتوسط ... هتبقى عاملة ازاى ؟؟؟؟

عارف ان الاسئلة كتير .... بس عارف ان قلبكم كبير

**mahmoud kamel14** · 22-06-2013, 23:00

بص يا باشا هو فعلا مفيش فرق فى الالعاب بين ال i5 , i7 العاب بتعتمد على كرت الشاشة اكتر من البروسيسور ومش بتحتاج بروسيسور قوى بس فى البرامج المونتاج والجرافكس اداء ال i7 افضل من ال i5 واسرع منه
ده العام ام فى اللابات ف i3 و i5 مش بيفرقوا عن بعض غير فى خاصية التيربو لان اغلب البروسيسورات i5 بتبقه نواتين حقيقيتين ونواتين وهميتين زى ال i3
ملحوظة اى بروسيسور اخره حرف ال m من جيل ال i XXXX ده معناه اننه نواتين بس ام اللى بينتهى ب qm ده معناه انه اربعة انوية حقيقين
................................
طبعا كفاءة البروسيسور ليها علاقة بالتردد بس مش هى الفيصل فيه برضه عامل المعمارية كل ما المعمارية تكون احدث وبدقة تصنيع احدث كل ما تكون أكفاْ وعدد الانوية الحقيقة برضه بيفرق
....................................
الفرق بين الاعدادت طبعا هى الريزليوش وانك بتلعب اللعبة على اعلى جرافيك واوضح الوان واللى بيفرق طبعا فى المقام الاول هو كارت الشاشة بس طبعا لازم بروسيسور يجاريه عشان يحصلش عنق زجاجة يعنى مينفعش تشغل كارت شاشة gtx 670 مع بروسيسور بيلتيم
........................
موضوع رام الكارت ديه مش هو اللى بيحدد كفاءة الكرت اى رام بكرت 1 جيجا على دقة اقل من 1080 هيكفى ام ال 1080 والدقات الاعلى بتحتاج رامات كرت شاشة 2 جيجا لما فوق اللى بيفرق فى كارت الشاشة المعمارية برضه والتردد والشركة المصنعة ونوع التبريد واذا كان مكسور السرعة مصنعيا ولا لاء واستهلاك الطاقة
...................
وملحوظة اخيرة لو اهتمامك للالعاب جمع جهاز احسن من اللاب اللابات مش مخصصة للالعاب ولا ينفع تحدثها و هتظهر مشاكل حرارة كتير فى اللعب لفترات طويلة ومش هتشتغل على اعلى اعدادت لو عاوز لاب يشغلك الالعاب على اعلى اعدادت هيبقه فوق ال 10000
ويا رب اكون فيدتك

**Unknown_Dragon** · 22-06-2013, 23:55

شكرا على الرد الرائع اخى
وقد وضحت لدى الامور
بس جهاز ب 10000 كتير قوى
هو المزاج والكيف بقى تمنه غالى اليومين دول ليه ؟؟؟
مش لازم العاب عالية مالها ال PES ما هى زى الفل و Global Operations زى القشطة !

نرجع للجد بقى
طب بدام موضوع الاداء والمتوسط والعالى يتعلق بالوضوح فقط وليس بسرعة اللاعبين فليه الواحد يحتاج الاداء العالى اصلا وهو شاشة الاب مش FullHD او مش 720p ????

وسؤال اخر
لاب لينوفو العزيز
Lenovo Ideapad Z580
امكانياته :
Processor : Core i5
Ram : 6 GB
VGA : nividia 1 GB
Screen : 15.6 Inch

شوية اسئلة بقى :
هل متوفر الامكانيات دى بشاشة FullHD او 720p ??

وهل فيه فرق بين FullHD و 720p ??

وانا عارف ان الامكانيات دى بتشغل على الاعدات المتوسطة مستريح (من رد الاخوة ) بس انا معرفش هيا الاعدادات المتوسطة دى حلوة يعنى ولا ايه ولا هيبقى اللعب مش ممتع ؟؟؟!!!

وهل ينصح انى اخلى كارت الشاشة 2 GB ???
بشرط ابقاء البروسيسور i5 .

وبالنسبة للامكانيات دى ادائها ايه مع برامج الفوتوشوب و مجموعة برامج ادوبى و قص الفيديوهات وتحويل صيغ الفيديوهات ...... بس على فكرة التصميم والمونتاج هواية مش اكتر بالنسبة ليا يعنى انا اصلا دراستى ملهاش اى دعوة بالكمبيوتر يعنى مش محتاج اداء خارق و اتوتوكاد و ثرى دى و الحاجات العالية دى ...هو فوتوشوب ومونتاج على خفيف .
هيبقى ايه اخباره معايا اصل انا بتشل وبمل بسرعة ولو الجهاز شلنى مش هيحصله كويس .

وسؤال اخير بقى :
هو الجهاز ده يخلى الواحد يتفرج على افلام بجودة عالية يعنى زى 720p و 1080p و كده ولا ايه نظام الشاشة بتعته ولا هحس انى بتفرج على تلفزيون ابيض واسود !!!!!

اصل الاب ده هجيب للمزاج فمش عايز اتشل .

**mahmoud kamel14** · 23-06-2013, 00:09

بص يا باشا بداية مينفعش تغير كارت الشاشة انتا ممكن تدور على النسخة Lenovo Ideapad Z580A الكارت فيها 2 جيجا هتلاقيها اغلى 500 جنيه والرمات اعلى 6 بدل 4
وبص هو فيه ناس يهمها الجرافيك يبقه عالى اللى هو يلعب اللعبة كانه عايشها وصدقنى بتفرق ومتعة عن انك تلعبها عادى لو هتلعب بيس وكده اى لاب i5 ايفى بريدج مع اى كارت خارجى اذا كان ال 630 او ال ati 7670 هيشغلهالك على اعلى اعدادت انا بتكلم عن اللعب اللى زى باتيلفيد وكريسيس طبعا فيه فرق بين ال fullhd وال 720 بس من راى ان 720 كافية جدا خصوصا ان الافلام ال full hd مساحتها عالية جدا , انا من الناس اللى مهتمة باللافلام وكده وكنت شغال على الشاشات ال crt القديمة بامانة لما اشتغلت على 720 حسيت بفرق شاسع فى الالوان والريزليوشن وكل حاجة خصوصا الافلام اللى صيغها HD
بس متهيألى مفيش نسخ من اللاب ال 580 شاشاته fullhd كل اللى فى السوق 720
طبعا ادام واخد البرامج ديه هواية هتشتغل معاك تمام , وكمان كروت الشاشة الانفيديا الجديدة فيها خاصية اسمها الكواد بتنفع فى عمليات الرندرة وبتسرعها
لو استخدامك افلام وتصفح والعاب زى pes اتوكل على الله

**Ḿǿĥâmeḋ Ấḅḑ Ệlậẑiz** · 23-06-2013, 10:34

المشاركة الأصلية كتبت بواسطة mahmoud kamel14

بص يا باشا هو فعلا مفيش فرق فى الالعاب بين ال i5 , i7 العاب بتعتمد على كرت الشاشة اكتر من البروسيسور ومش بتحتاج بروسيسور قوى بس فى البرامج المونتاج والجرافكس اداء ال i7 افضل من ال i5 واسرع منه
ده العام ام فى اللابات ف i3 و i5 مش بيفرقوا عن بعض غير فى خاصية التيربو لان اغلب البروسيسورات i5 بتبقه نواتين حقيقيتين ونواتين وهميتين زى ال i3
ملحوظة اى بروسيسور اخره حرف ال m من جيل ال i XXXX ده معناه اننه نواتين بس ام اللى بينتهى ب qm ده معناه انه اربعة انوية حقيقين
................................
طبعا كفاءة البروسيسور ليها علاقة بالتردد بس مش هى الفيصل فيه برضه عامل المعمارية كل ما المعمارية تكون احدث وبدقة تصنيع احدث كل ما تكون أكفاْ وعدد الانوية الحقيقة برضه بيفرق
....................................
الفرق بين الاعدادت طبعا هى الريزليوش وانك بتلعب اللعبة على اعلى جرافيك واوضح الوان واللى بيفرق طبعا فى المقام الاول هو كارت الشاشة بس طبعا لازم بروسيسور يجاريه عشان يحصلش عنق زجاجة يعنى مينفعش تشغل كارت شاشة gtx 670 مع بروسيسور بيلتيم
........................
موضوع رام الكارت ديه مش هو اللى بيحدد كفاءة الكرت اى رام بكرت 1 جيجا على دقة اقل من 1080 هيكفى ام ال 1080 والدقات الاعلى بتحتاج رامات كرت شاشة 2 جيجا لما فوق اللى بيفرق فى كارت الشاشة المعمارية برضه والتردد والشركة المصنعة ونوع التبريد واذا كان مكسور السرعة مصنعيا ولا لاء واستهلاك الطاقة
...................
وملحوظة اخيرة لو اهتمامك للالعاب جمع جهاز احسن من اللاب اللابات مش مخصصة للالعاب ولا ينفع تحدثها و هتظهر مشاكل حرارة كتير فى اللعب لفترات طويلة ومش هتشتغل على اعلى اعدادت لو عاوز لاب يشغلك الالعاب على اعلى اعدادت هيبقه فوق ال 10000
ويا رب اكون فيدتك

++++1 :ah4:

**arsenal_henry** · 23-06-2013, 11:09

الزميل mahmoud kamel14 كفى ووفى بصراحة .. وكنت عايز اضيف بس شوية حاجات ..
العاب زي PES و FiFa غير الالعاب اللي زي battlefield و crysis و Gta v .. يعني العاب الكورة العاب خفيفة وهتشتغل على اعلى اعدادات ماتخفش .. لكن الالعاب التقيلة ممكن تشتغل على اعدادات متوسطة، اعلى من كدة هتلاقى اللعبة بطيئة شوية ومش هتعرف تستمع بلعبها زي ما انت قلت ..
بالنسبة للشاشات الـfullHD اعتقد انها موجودة في لينوفو Y500 او Y580 مش متذكر وسعرهم اعلى من 7,000 جنيه ..

**Unknown_Dragon** · 23-06-2013, 12:20

شكرا اخوانى وفيت فى الشر
حطب بدام كده بقى
هو انا عارف انى سؤالى الجاى المفروض فى قسم الاجهزة المكتبيى بس مش فاضى خالص اقعد املا استمارة
هو ميزانية بحدود 3500 كيسة فقط بدون شاشة يجيب جهاز ديسك توب بدون الشاشة لان عندى شاشة هيا قديمة بتاع 8 سنين بس شغالة كويس
الميزانية دى تجيب حاجة
نضيف للالعاب
يمكن الاستغناء عن DVD ونجيبه بعدين وكمان عندى هاردين كل واحد 80 يعنى الاجمالى 160 بس مش عارف يرضى يتوصل على البوردات الحديثة ولا لأ