مشتت بين معالجات ال AMD وIntel مع اللوحة الام في الآداء مقابل السعر ماذا افعل !

[Sir-Mando]

السلام عليكم !
كيف الحال

انا مشتت بين ال AMD FX 8350 وال آي7 ولكن الآ7 3770 افضل بكثير ولكن الميزانية تحكمني لذلك
ما رايكم بتبديل معالج ال AMD
AMD FX-8350 4.0GHz Eight Core 16MB Cache AM3+ Processor

( مع اني برتحاله جداً ) بـ

Intel Core i5-4570 Haswell 3.2GHz 6M LGA 1150 Processor

Intel® Core™ i5-3470 Ivy Bridge 3.2GHz 6MB Cache Desktop Processor

Intel® Core™ i5-3570K Ivy Bridge 3.4GHz 6MB Cache Desktop Processor

لان اسعارهم حلوة !!

انا متردد جداً بين الAMD واي حاجة من انتل
بس اهم حاجة عندي المعالج يبقي طلقة في البرامج والالعاب !
وان طبيعة شغلي برامج اوتوديسك وادوبي وكده !! وبالإضافة طبعاً للالعاب !
وللعلم اني عندي مراوح ومشتت zalman Pelforma Cnps 10
بس نا لا افكر في كسر السرعة الآن !
انتو رأيكو ايه ! وكمان معالج ال Haswell نزل ! فهل الموازين انقلبت ولا ايه النظام ! ؟

اما بالنسبة للوحة الام فمش عارف اعمل ايه برده علي حسب اختيار المعالج ! هيتحدد
انا عايزها تبقي قوية بكارت صوت جيد !
علي اساس آرائكم ممكن نشوف اللوحة الام لان فيه شكرات كتيره اوي فما افضلهم !! ؟

[kingtifass]

سؤال هيحدد الكثير ,ايه ميزانيتك للبورده والمعالج ؟

وملحوظة نزول الهاسول لم يقلب الموازين ولا حاجة لانه نزل يسعر غالى عشان المستهل يفضل يشترى الايفى اللى بسعر اقل والبضاعة عنده تتباع

[wessam-pro]

الافضل انك تجيب I5 3570 او لو الميزانية تسمع تجيب اعلى منه لانه افضل فى كل النواحى من معالجات البلدوزر وفكك من حوار الهاسويل دلوقت لسه منزلش مصر وهينزل غالى وبوردته هتبقى غالية اوى وكل الشغلانه دى عشان 15% فرق بالكتير عن نفس الفئة من الايفى

بس انت مش محدد ميزانية ودا بيخلى الاجابة عايمة ومحدش هيديك عقاد نافع بالمصرى غير لما تحدد ميزانيتك كام

[kingtifass]

الافضل انك تجيب I5 3570 او لو الميزانية تسمع تجيب اعلى منه لانه افضل فى كل النواحى من معالجات البلدوزر وفكك من حوار الهاسويل دلوقت لسه منزلش مصر وهينزل غالى وبوردته هتبقى غالية اوى وكل الشغلانه دى عشان 15% فرق بالكتير عن نفس الفئة من الايفى

بس انت مش محدد ميزانية ودا بيخلى الاجابة عايمة ومحدش هيديك عقاد نافع بالمصرى غير لما تحدد ميزانيتك كام

ياريس كل اللى انت بتقوله صح ماعاد ان معالجات و بورد للهاسويل نزلوا السوق المصرى واسعارهم ادخل على ايجى برايس وانت تعرف ان الاسعار فوق قــــــوق :D

[azzelden]

يجب عليك اخى تحديد ميزانية محددة او تقريبا
من اجل ان تتم مساعدتك بشكل جيد
و رايى الشخصى وليس فرض عليك
انه بعد نزول منصة جديدة وهى الهاسويل وانت تنوى شراء جديد توجه اليها فورا دون النظر للخلف
معالج انتل الهاسول
Intel Core i5-4670k Haswell 3.4GHz 6M LGA 1150
سعره الان بين ال 1900 جنيه الى 1950 جنيه اى بفارق بين 150 جنيه الى 200 جنيه
عن معالج الايفى بريدج i5 3570k
ويوجد بورده
Gigabyte GA-Z87X-D3H LGA 1150 Motherboard
للهاسويل وسعرها تقريبا 1350 جنيه اى بارتفاع 100 جنيه تقريبا عن اختها التى تعمل على معالج
الايفى بريدج
الاسعار فعلا اجمالا مرتفعة لكن بالمقارنة بين اسعار الهاسويل والايفى بريدج فى مصر ارى ان الفرق مقبول

[Ahmed Elbrbry]

بالاضافة لكل ذلك
فارق السعر مساوى لفارق الاداء
فالمعالج الهاسويل يزيد ادؤه بنسبة تتراوح بين 5 الى 7 %
اما بخصوص اللوحة فهى افضل من الاصدار السابق
فى عدد الفاز باور
و تبريد الموسفت
اى قابلية كسر السرعة اصبحت افضل من سابقتها

[Abreimann]

المشكلة انك ما حددتش ميزانيتك فى المعالج وفى اللوحة الأم، دى أول نقطة
النقطة التانية ان غرضك من الاستخدام إلى حد ما صعب: عاوز معالج قوى لبرامج الملتيميديا زى مجموعة أدوبى (خد بالك انت ما حددتش أنهو برامج ) وبرامج الرسم الهندسى، زائد الألعاب
كإنك بتقول عاوز معالج "بيعمل كل حاجة" وده طبعا مش ممكن الا لو ميزانيتك كبيرة وتقدر تجيب أقوى معالج فى السوق
بخصوص غرضك، بغض النظر عن الميزانية، ده رأيى المتواضع جدا يا صديقى:
فى الألعاب، AMD تكسب إنتل مع أصحاب الميزانيات المنخفضة والمتوسطة وحتى الميزانيات الكبيرة لإن الألعاب أساسا بتعتمد نمرة واحد على كارت الشاشة وبعده المعالج، ومن خلال ما قريت وشفت، AMD ممتازة فى الألعاب مع اعتبار السعر الرخيص
أما فى البرامج، مجموعة برامج أدوبى الشهيرة منها برامج تعتبر خفيفة نسبيا، وهى فوتوشوب، وإلستريتور، وإن ديزاين، ودول أساسا أداءهم بيعتمد ع الرامات أكتر من البروسيسور (باقول كده عن خبرة لإن شغلى كله فوتوشوب) ومن هنا التلاتة دول مش محتاجين معالج جبار، معالج مزدوج النواة من الفئة المتوسطة هيقوم بالواجب.. أما بقى يا معلم مع برنامجين زى بريميير بتاع المونتاج وأفتر إفكتس فدول محتاجين معالج قوى جدا جدا خصوصا أثناء عملية الرندر.. يعنى مش ح اقول لأ لو حد قال جيب i7 3960X أبو سبعتلاف جنيه ده :D
ورغم ذلك ممكن تعمل سيرش سريع على أداء AMD معاهم ولو البنشماركات جابت نتايج مقبولة، خلاص هات الـ8350 خصوصا انك هتحتاج مع البرنامجين دول لرامات كتير، 16 أو حتى 32 جيجا رام

[ahmed601]

بالاضافة لكل ذلك
فارق السعر مساوى لفارق الاداء
فالمعالج الهاسويل يزيد ادؤه بنسبة تتراوح بين 5 الى 7 %
اما بخصوص اللوحة فهى افضل من الاصدار السابق
فى عدد الفاز باور
و تبريد الموسفت
اى قابلية كسر السرعة اصبحت افضل من سابقتها

انا سمعت ان اداء معالج الهزويل اعلى من الايفى بريدج بنسبة 11 % و ليس 5 او 7 % و بالنسبة لتبريد المذربورد فى الهزويل افضل من الايفى بريدج فهذا الكلام غير صحيح فتوجد لوحات لها تبريد قوى على الايفى بريدج ذيها ذى الهزويل و كمان نفس نوع الموسفيت ذى

[M o h a m a d]

أخي خد معالج i5 3470 فهو كافي وسعره معقول

[manmoon]

انت مقولتش ميزانيه
بس عمتا
لو معاك ميزانيه كبيرة
هات i7 مع مازر بورد متوسطة السعر اداه جيد جدا مع الالعاب و برامج الرندر
لو معاك ميزانيه متوسطه هات 8350 اداه جيد مع الالعاب و جيد جدا مع برامج الرندر

[Ahmed Elbrbry]

انا سمعت ان اداء معالج الهزويل اعلى من الايفى بريدج بنسبة 11 % و ليس 5 او 7 % و بالنسبة لتبريد المذربورد فى الهزويل افضل من الايفى بريدج فهذا الكلام غير صحيح فتوجد لوحات لها تبريد قوى على الايفى بريدج ذيها ذى الهزويل و كمان نفس نوع الموسفيت ذى

يا حاج احمد
لما تكون اللوحة
z87x-d3h
وصلت 1600 جنيه و بها 8 فاز باور
و فى لوحات اخرى فى الايفى فى نفس الفئة السعرية و بها 12 فاز باور او اكثر
يبقى مين احسن
و لما الايفى ممكن يوصل فى الكسر ل 4.5
و الهاسويل مش مضمون انه يوصل لنفس التردد
هل هيبقى فى فارق فى الاداء

انا عاوز اقولك حاجة
قبل ما تكتب رد اقرا الموضوع جيدا
و اعرف انا كنت بتكلم عن ايه

[Sir-Mando]

سؤال هيحدد الكثير ,ايه ميزانيتك للبورده والمعالج ؟

وملحوظة نزول الهاسول لم يقلب الموازين ولا حاجة لانه نزل يسعر غالى عشان المستهل يفضل يشترى الايفى اللى بسعر اقل والبضاعة عنده تتباع

هممممممم
بص انا ميزانيتي 5500 بالكتير
معالج+باور+كارت شاشة + ماذر بورد

الهارد والرام والشاشة والكيبورد والماوس والكيسة موجودين !

[Sir-Mando]

ياريس كل اللى انت بتقوله صح ماعاد ان معالجات و بورد للهاسويل نزلوا السوق المصرى واسعارهم ادخل على ايجى برايس وانت تعرف ان الاسعار فوق قــــــوق :D

تمام بس مش غالين اوي وانا حددت الميزانية فانت ايه رأيك برده !

[Sir-Mando]

يجب عليك اخى تحديد ميزانية محددة او تقريبا
من اجل ان تتم مساعدتك بشكل جيد
و رايى الشخصى وليس فرض عليك
انه بعد نزول منصة جديدة وهى الهاسويل وانت تنوى شراء جديد توجه اليها فورا دون النظر للخلف
معالج انتل الهاسول
Intel Core i5-4670k Haswell 3.4GHz 6M LGA 1150
سعره الان بين ال 1900 جنيه الى 1950 جنيه اى بفارق بين 150 جنيه الى 200 جنيه
عن معالج الايفى بريدج i5 3570k
ويوجد بورده
Gigabyte GA-Z87X-D3H LGA 1150 Motherboard
للهاسويل وسعرها تقريبا 1350 جنيه اى بارتفاع 100 جنيه تقريبا عن اختها التى تعمل على معالج
الايفى بريدج
الاسعار فعلا اجمالا مرتفعة لكن بالمقارنة بين اسعار الهاسويل والايفى بريدج فى مصر ارى ان الفرق مقبول

تمام مقلناش حاجة
يعني انت شايف ان الهاسويل افضل من الآيفي بريدج

يعني الهاسويل i5 4670K
افضل من الآيفي بريدج 3570K
!!
وال AMD حضرتك مش بتفضلو طبعاً !!!
بس يبقي كارت الشاشة عامل مهم !!

[Sir-Mando]

أخي خد معالج i5 3470 فهو كافي وسعره معقول

!! سيكون جيد مع الالعاب والبرامج !! ؟