طلب نصيحة بشراء شاشة فى حدود 1000 ~ 1650

[xXx_2010]

السلام عليكم ورحمة والله وبركاتة

انا مقبل على شراء شاشة بعد عناء استمر اكتر من 5 او 7 سنين مع شاشة dell 17 crt

الميزانية ان شاء الله تبتدى من 1000 الى 1650

اتمنى دفع المبلغ ف الشاشة المستحقة

انا معلوماتى عن الشاشات ضعيفة جدا لكن سئلت اصدقاء وتقريبا رشحولى شاشة asus 24

وفى منهم رشحولى شاشة سامسونج 24 لاكن هى ف الواقع 23 مش عارف بقى ف الواقع ال 23 تفرق اد اية عن ال 24

وبيقولو ان السامسونج فيها امكانيات انها تشتغل tv و usb وفيها سماعات لاكن بصراحة الحجات دى مش مهمة اوى عندى لأنى مش بستخدم الشاشة تلفزيون بصراحة

ف النهاية انا عايز ادفع فلوسى فى اكتر حاجة تستحق الفلوس دى حتى لو كانت السامسونج اللى فيها tv مع انى مش محتجلو بس لو هى تستاهل فلوسها يبقى هدفعها فيها

أسف للأطالة وكل عام وانتم بخير بمناسبة الشهر الكريم

رمضان كريم

السلام عليكم

[M o h a m a d]

ينقل الى القسم الصحيح

[TERGAAAA]

اهلا بيك اخى الكريم

مبدئيا اذكر استخدماتك للشاشة

اذا كان استخدامك للشاشة الالعاب فى المقام الاول
فا ارشحلك هذه الشاشات

1- ASUS VX238H 23 inch Ultra-Slim LED LCD monitor

السعر 1400

2- ASUS VS Series VS248H 24 inch 2MS LED Monitor

السعر 1600


واذا كان استخدامك للشاشة تصميمات وتصفح وتريد رؤية الوان فائقة وزواية رؤية ممتازة

فارشحلك هذه الشاشات

1-AOC i2353Ph 23 inch IPS LED Monitor

السعر 1225


تحياتى

[xXx_2010]

استخدامى العاب وافلام hd
Samsung SyncMaster S24B750V Series 7 24 inch Smart LED LCD Monitor
واية رأيك ف الشاشة دى هل تتوافق مع استخدامى ولو فيها عيوب ياريت زكرها وشكرا
وايهما افضل اللى انتة رشحتهملى ولا دى مع ذكر الاسباب :D