مشكلة عدم ظهور صورة فى مازربورد ASRock

[gony_man]

السلام عليكم

المشكلة باختصار :-
جهازى شغال عندى من سنتين زى الفل ، لكن جيت أوصله بشاشة سامسونج 23.5 بوصة باستخدام كابل HDMI راح قاطع صورة خالص .
- الكابل سليم وشغال بيه مع الرسيفر على الشاشة السامسونج 23.5 بوصة بدون مشاكل .
- حاولت أشغل الجهاز باستخدام كابل الشاشة العادى على شاشة HP 19 -اللى كان شغال عليها- النتيجة مافيش صورة .
- جربت على شاشة سامسونج قديمة 15 بوصة باستخدام كابل عادى مجابش صورة .
- خمنت ان يكون كارت الفيجا الداخلى باظ ف جيبت كارت شاشة خارجى ATI 128 ووصلت عليه الشاشات برضه مافيش صورة .

المشكلة ان البوردة مش رخيصة ومش عايز أوديها لأى حد وخلاص يقعد يفتكس فيها ، عايز أعرف العيب فيها ايه بالظبط .

البوردة نوعها : ASRock 890GX Pro3
رابط البوردة من الموقع الرسمى :
https://www.asrock.com/mb/AMD/890GX%20Pro3

وشكرا مقدما

[MaHmOuD ZeRo]

طيب جرب وصل بمدخل اخر غير hdmi
ولو عندك ريسيفر hdmi جرب الريسيفر ع الشاشه

[gony_man]

طيب جرب وصل بمدخل اخر غير hdmi
ولو عندك ريسيفر hdmi جرب الريسيفر ع الشاشه

جربت مدخل الداتا العادى مع 3 شاشات ومش جايب أى صورة :confused: .
والرسيفر فعلا دلوقت انا مشغله بكابل ال hdmi على الشاشة وشغالين تمام :rolleyes: .

واللى غايظنى ان البوردة فيها التيستر Dr. Debug ومش مطلع أى رقم ايرور والجهاز بيحمل عادى وبيدى صفارة واحدة كأنه بيحمل الويندوز بشكل طبيعى لكن بدون ظهور أى شئ على الشاشة !!!!

[himaalex]

الاول بنفسك بص على سوكيت hdmi على البورد ويفضل بعدسة علشان لو فيه بنة لمست من الداخل
ثانيا بفرشاة اسنان وبنزين التنظيف نظف السوكيت بلطف
وافصل بطارية البيوس 10 دقائق وجرب بعد كده
هو ده اللى هيعملوا بتاع الصيانة فى البداية للتاكد

[gony_man]

الاول بنفسك بص على سوكيت hdmi على البورد ويفضل بعدسة علشان لو فيه بنة لمست من الداخل
ثانيا بفرشاة اسنان وبنزين التنظيف نظف السوكيت بلطف
وافصل بطارية البيوس 10 دقائق وجرب بعد كده
هو ده اللى هيعملوا بتاع الصيانة فى البداية للتاكد

شكرا لك أخى himaalex

أنا عملت كده فعلا لأنى كنت شاكك ان تكون المشكلة فى السوكيت
لكن بدون نتيجة

ويبقى الحال على ماهو عليه