مشاكل بسيطة فـى " sony xperia c "

[YoUsSeF-Cr7]

السـلام عليكمـ

اولاً كـل سـنة و حضرتكمـ طيبين وعيد أمـ سعـيد على كل أمهـاتكمـ و على أمهات المسلمين يـارب
ثـانياً انا هخش فـ الموضوع على طول
أنا أشتريت امبارح الحمد لله موبايل جديد
و هـو " SoNy Xperia C "
ثمنة 2250 جنيـــة
بس طبعاً مش خسـارة فيه خالص بعد الامكانيات اللى فيه والله
بصراحة كنت خايف منه و كنت منزل موضوع هنا باخد رأيكمـ فيه بس والله بنصح اى حد عايز يشترى حاجه نضيفه يبقى عليه و على السونى والله
المهمـ
انا دلوقتى بحاول افهمـ فيه قدر أمكانى .. بدأت عملت حساب على جوجل بلاى !
و نزلت بـ الظبط
" bbm - عملت تحديث لـ facebook
و Zadge - انستجـرامـ
و نزلت 3 ألعـاب همـاآ
Tamble run - subway - angry bird

كل دول نزلوا تمام و مفيش مشكله
الذاكرة الداخلية خدت بـ الظبط المستخدمة زى ما مكتوب
510 ميجـا و الخالية 498

المشكلة فـ حاجتين , لمـا باجى أعمل تحديث لـ جوجل كرومـ
يقولى ذاكرة التخزين غير كافية
و لما أجى انزل الواتس اب
يقولى نفس الجمـلة !
طيب مع ان فيه 498 فاضى -_- :/
فـ انا مش فاهمـ بصراحة ليه بيعمل كده ؟
حاجه كمان انى مش عارف اخش على الذاكرة كارت الميمورى يعنى اللى انا مركبة
ليه مفيش مكان اخش اشوف الحاجه و امسح !
انا كل اللى بشوفوا الاغانى و الفيديوهات و الصور غير كده لا يعنى كـ تشغيل و كده
انا عايز اعرف بيخش على ايه فـ الذاكرة يعنى علشان امسح و كده و اظبط و كده !
حاجه أخيرة معلش
عايز كل واحد فيكمـ يقولى اعمل ايه علشان احافظ عليه لانى عايزة يعيش معايا كتير بجد
لان تعبان فـ تمنه والله !
يعنى ايه التطبيقات المهمه و بتعمل ايه علشان انزلها لانى مش ناوى كل شوية انزل فهمنى
يعنى عايز كل واحد و اعرف هو بيعمل ايه و بس
و ايه اللى تنصحونى انزله يعنى
اللى هحتاجهم يعنى ..!
و سؤال كمان لو حد يعرف منين اجيب جراب و اسكرين و كارت ميمورى 8 جيجا بسعر مهاود يعنـى
منتظركمـ فـ أسرع وقت ..
الله يخليكمـ ..

[linux.egypt]

أمتلك هذا الجهاز و هو بالفعل من الأجهزة الرائعة (سعر مقابل أداء جيد) ..
سنبدأ سوياً خطوة بخطوة إلى أن نصل لأفضل أداء بدون مشاكل
الجهاز يسمح بنقل التطبيقات كاملة (عدا بعض البرامج التي يعتمد عليها النظام و تأتي مدمجة معه)
المشكلة الأساسية لهذا الهاتف هو المساحة المحدودة للنظام (وليس مساحة التخزين المتاحة للمستخدم) 1.3 جيجابايت
فعند تثبيت التطبيقات في العموم تبدأ هذه المساحة في الإمتلاء ..
الحل وبما أنه يقبل نقل التطبيقات .. شراء كارت خارجي لا يقل عن 8 جيجابايت لكن ليس أي كارت .. فحتى نحصل على اداء جيد الأفضل شراء كارت ذو علامة تجارية لها سمعة طيبة (transcend-sandisk-kingstone) ..
ولا يقل عن class 10(حتى يجاري سرعة الجهاز و لا نشعر بالبطيء)..
لإدارة الملفات يوجد تطبيق file commander ..
لكن لمسح التطبيقات
إعدادات - التطبيقات - ثم إختيار التطبيق فتظهر صفحة بها خيارات منها إلغاء التثبيت .. وستجد أيضاً خيار نقل التطبيقات ..
ملحوظة
(حاول بدون كارت خارجي في إستخدام خيار نقل التطبيق و أخبرنا بالنتيجة ).
كلُ منا له إهتماماته وإحتياجه ولا نستطيع أن نجزم بما أهتم به و ينفع غيري لكن هناك أساسيات قد لا نختلف عليها مثل
تطبيقات الحماية - تنظيف الملفات المؤقتة ... إلخ

[Mohamed-M]

كلام الاستاذ lunux egypt كلام صحيح 100%
انا بردو لسه شاري الجهاز من اسبوع بالضبط كان ب 1980 انا حطيت عليه اكثر من 25 لعبه منهم لعبه real racing 3 اللعبه دي تقيله جدا بس الجهاز شغال
كويس جدا
و ان شاء الله هشتري واحد تاني في شهر 4
و انصح -اي حد عايز موبيل مش بيهنج و بيستحمل الشغل و اللعب المتواصل انو يجيب الجهاز دا

[YoUsSeF-Cr7]

طيب تمام اوى كده حضرتك انا لسه مش اشتريت الكارت بس هشتريه ان شاء الله !
انا لـ حد دلوقتى اللى عملته بـ الظبط
نزلت واس اب و انستجرام و بى بى ام و تحديث الفيس بوك مانجير و تحديث جوجل كرومـ و zadge
دول البرامج بس و لحد دلوقتى منزلتش انتى فيرس و تقريباً مش ناوى انزل برامج تانى خلاص !
و الالعاب نزلت حوالى 10 , بس كلهمـ مش قد كده يعنى شوية العاب ضرب نار و بتاع فيها جرافيك بسيط بس مش جامدين اوى يعنى !
و الجهاز فل لحد دلوقتــى الحمد لله ..
و البطارية امبارح قعدت اهرى فيه و كان 100 % قعد حوالى 9 سعات و نزلت ل 10 % بس كنت بنزل و بلعب و فاتح نت و مسبتوش خالص كويس جداً و بيشحن فـ ساعتين !
بصراحة موبايل وهمـ والله ..
ربنا يباركلنا فـ موبايلاتنا يا رجاله !
و لو حد يعرف اسامى برامج او العاب كويسة يقول بقى

[linux.egypt]

أفضل برامج مجانية للأندرويد (متجدد)

https://arabhardware.net/forum/showthread.php?t=364048

[sleman7]

أنا ااشتريتو من فترة وممتاز كتير.. لكن لسه ما اشتريت كرت خارجي ولما بدخل على التطبيقات ما بيكون في خيار نقل التطبيقات رغم أنو في 900 ميجا فاضية بالجهاز لكن ما عم اقدر انقل عليها شي... التطبيقات عم تتخزن تلقائياً بقسم صغير من الذاكرة وهالقسم خلص بينما ضلت ال 900 الباقية لحالها بدون نقصان كأنها قسم لحالها وما عم أقدر انقل عليها أي تطبيق

[Ahmedmas1]

الجهاز يجماعه كويس
بس الحاجة اللي تخليك متنفعش تجيبه الذاكرة
نفسي اعرف ليه 4 جيجا
هما كانوا يخسروا لو زودا المساحه
علي العموم فيه طريقة انك ممكن تزود الذاكرة الداخلية بكارت ميموري بس الطريقة صعبه شوية

Sent from my GT-I9500 using Tapatalk

[linux.egypt]

الهاتف لا يحتاج طريقة زيادة الذاكرة الداخلية .. فكما ذكرنا سالفاً الهاتف يدعم نقل التطبيقات لذاكرة خارجية .. عدا بعض تطبيقات النظام .. المشكلة فقط عند تحديث تطبيقات النظام تبدأ الذاكرة في الإمتلاء لكن في النهاية يتبقى مساحة لا باس بها حوالي 25 إلى 30% من المساحة الإجمالية .. والأفضل أن نقوم بتحديث ما نستخدمه من تطبيقات فقط ولا نلتفت لسواها .
للأسف لا بد من ذاكرة خارجية ..

[marwankhalil]

طيب ممكن تقولوا ايه اخبار الكاميرا معاكوا ياشباب لان فيه ناس بتقول ان كاميرته وحشه

[linux.egypt]

طيب ممكن تقولوا ايه اخبار الكاميرا معاكوا ياشباب لان فيه ناس بتقول ان كاميرته وحشه

الكاميرا ممتازة بالنهار وفي الإضاءة الجيدة رائعة .. أما في الليل والضوء الخافت مقبولة نوعاً ما خاصةً بعد التحديث الأخير.

[soleil]

يعنى الكاميرا وحشة ولا عادية زى الكايرا ال8بتاعت السامسونج؟؟؟؟؟؟

[linux.egypt]

الكاميرا ممتازة وأغلب كاميرات السامسونج أيضاً ممتازة و ليست عادية ..
لكن ضع في حسبانك أنه هاتف ملحق به كاميرا للإستخدامات العادية وليست كاميرات إحترافية .. فلا تنتظر منها الكثير.

[thematrix_a]

يا شباب انا كان معايا Galaxy Grand وبعته علشان الجهاز في الفتره الاخير كان بطيء علشان البروسيسور قليل وعاوز اشتري تليفون تاني وكنت بفكر اشتري Grand Neo او Grand 2 لان بحب التليفون شاشته كبيره وفي سريع وفي حدود ميزانيتي مفيش غير دول ولاقيت xperia C سعره حلو اوي 1877 في موقع سوق.كوم ويعتبر في نفس الامكانيات
بس في كام سؤال اتمنى تجاوبوني بصراحه فيهم:
1 فعلا هحس بفارق في السرعه والاداء عن الجراند ؟
2 والكاميرا بتاعته فعلا حلوه ؟ لان صديق ليا كان معاه z والكاميرا 13ميجابكسل وصورنا نفس الصوره وكانت صورتي افضل منه
3 المساحه الداخليه 4 جيجا قليل جدا واكيد المتاح 1 جيجا وانا معايا كارت 16جيجا مش هواجه مشكله في الملفات الشخصيه زي الصور والفديو الاغاني بس اكيد هاواجه مشكله في البرامج حتى لو الموبايل بيسمح اني انقال البرامج للكارت الخارجي بس في برامج كتير مش بتسمح انها تتنقل وحتى لو بتتنقل بترمي ملفات في المساحه الداخليه وتتملي لوحدها وده عن تجربه مع السامسونج جراند فمش عارف هواجه نفس المشكله مع ال C
4 البطاريه عامله معاكم ايه ؟ علشان انا ببقى فاتح النت على طول اذا كان 3G او WIFI هتقعد معايا يوم كامل طحن ؟

اسف جدا للاطاله =)

[moatez]

الف ميروك اخى العزيز ...

لى سؤال اللى جايب اللون الابيض بقاله فترة هل بيقشر وانهى الاشيك الابيض ولا الاسود

[Dody 84]

أمتلك هذا الجهاز و هو بالفعل من الأجهزة الرائعة (سعر مقابل أداء جيد) ..
سنبدأ سوياً خطوة بخطوة إلى أن نصل لأفضل أداء بدون مشاكل
الجهاز يسمح بنقل التطبيقات كاملة (عدا بعض البرامج التي يعتمد عليها النظام و تأتي مدمجة معه)
المشكلة الأساسية لهذا الهاتف هو المساحة المحدودة للنظام (وليس مساحة التخزين المتاحة للمستخدم) 1.3 جيجابايت
فعند تثبيت التطبيقات في العموم تبدأ هذه المساحة في الإمتلاء ..
الحل وبما أنه يقبل نقل التطبيقات .. شراء كارت خارجي لا يقل عن 8 جيجابايت لكن ليس أي كارت .. فحتى نحصل على اداء جيد الأفضل شراء كارت ذو علامة تجارية لها سمعة طيبة (transcend-sandisk-kingstone) ..
ولا يقل عن class 10(حتى يجاري سرعة الجهاز و لا نشعر بالبطيء)..
لإدارة الملفات يوجد تطبيق file commander ..
لكن لمسح التطبيقات
إعدادات - التطبيقات - ثم إختيار التطبيق فتظهر صفحة بها خيارات منها إلغاء التثبيت .. وستجد أيضاً خيار نقل التطبيقات ..
ملحوظة
(حاول بدون كارت خارجي في إستخدام خيار نقل التطبيق و أخبرنا بالنتيجة ).
كلُ منا له إهتماماته وإحتياجه ولا نستطيع أن نجزم بما أهتم به و ينفع غيري لكن هناك أساسيات قد لا نختلف عليها مثل
تطبيقات الحماية - تنظيف الملفات المؤقتة ... إلخ

كبيره الا يوجد حل لهذه المشكله
لوسمحتم امتلك هذا الجهاز واعاني بشده من مشكلة نقص مساحة النظام بالرغم من استخدام كارت ذاكره مساحته كبيره