استفسار مهم جدا بنسبالى قبل شراء شاشة جديدة و هو بسيط جدا

[RVD150]

1-انا عايز اعرف لو مثلا انا عندى شاشة 120 هرتز تمام و شاشة 60 هرتز و مشغل الاتنين على لعبة عادى مش 3d هل هيبقى فى فرق ملحوظ فى الاداء بين الاتنين

2-تانى سوال هل فعلا شاشة ال 3d تستحق الشراء ولا ملهاش لازمة مش بتكلم على الالعاب هنا بس و الافلام ياريت ترودو عليا بسرعة عشان اعرف

[MohamedRaafat]

1-انا عايز اعرف لو مثلا انا عندى شاشة 120 هرتز تمام و شاشة 60 هرتز و مشغل الاتنين على لعبة عادى مش 3d هل هيبقى فى فرق ملحوظ فى الاداء بين الاتنين

فى حاله الشاشه 120 هرتز ستصبح الصوره سريعه وسلسله جدا ولن ترى فى اى لعبه بطئ فى الحركه والعكس فى الشاشه 60 هرتز ... ولكن ؟! ليست ملاحطه بشكل مبالغ فيه

12-تانى سوال هل فعلا شاشة ال 3d تستحق الشراء ولا ملهاش لازمة مش بتكلم على الالعاب هنا بس و الافلام ياريت ترودو عليا بسرعة عشان اعرف

طبعا هى شاشات جميله جدا من حيث 3d لكن يعيبها شيئان الاول انك لو نظرت اليها (فى وضع 3d ) لمده اعلى من ساعه سواء افلام او العاب سيصيبك بلا شك الحول !

اما ثانيها التكلفه العاليه ..ز فهى تحتاج الى ان تكون ميزانيتك كبيره من 2000 الى 4000 جنيه مصرى .....

[RVD150]

هههههههه حول بيجد يعنى ممكن تبوظ عينى صح

طيب يعنى اية رايك بلاش منها ولا اية بضبط + ان حضرتك قولتلى ان ال 120 هرتز مش هاتلاحظ الفرق بينها و بين 60 هرتز صح

[AMD_PC]

يا شباب عايز اعرف
عايز اشتري شاشه جديده ... ازاي اعرف ان فيها الهيرتز عالي

[RVD150]

حد يرد عليا يا جدعان يعنى بلاش ال 3d دة اصلا ولا اية بضبط

[RVD150]

فى اية يا جماعة هو السوال صعب يعنى ؟؟؟؟؟

[Mr.Evil]

لو حضرتك عاوز تعرف أقصى مسح للشاشه فى الثانيه الوحده ( التردد ) ( أضغط على زر الــ Menu فى الشاشه ثم Information و هتلاقى Current Settings و Recommended Settings , و بجوار كل أبعاد , التردد المناسب لها بالــ Hertz و يفضل عدم زياده التردد عن الــ Recommended Settings لانها الحد الاقصى للشاشه , أنا أنصحك بالشاشه الـــ LED شاشه أدائها عالى و سعرها جيد و أيضا أضرارهـا قليله على العين ,

ASUS VX238H 23 inch Ultra-Slim LED LCD monitor = 1400 LE

هذه الشاشه بتقنيه الــ Full HD 1080P , و الكثير من الاعضاء و المستخدمين شكروا فيها و فى أدائها خصوصا فى المنتدى .

[H E S H A M]

انا لسة جايب الشأشة دى . والحمد لله شغاله تمام . مشكلتها الوحيدة الأزار مش باللمس .

أرسلت من GT-S5282 بإستخدام تاباتلك

[RVD150]

شكرا بس انا سوالى انا عندى شاشة led s23 c350 كنت بسال يعنى لو جبت شاشة 3d هاحس بفرق ولا فلوس على الفاضى يعنى تنصحونى انى اجيب شاشة 3d ولا اية بس كدا

[RVD150]

ياريت حد يرد عليا عشان ان مش عايز اعمل حاجة الا لما اخد رايكم

[RVD150]

شكرا اوى على ان ما فيش حد عايز يرد عليا

[MohamedRaafat]

شكرا اوى على ان ما فيش حد عايز يرد عليا

بص يا معلم الفرق بين الشاشات الحديثه والشاشات 3d .......... هو 3d فقط

يعنى اى شاشه عندها الامكانيات دى

lcd او led او ips

1080p او 720p

vga Hdmi dvi

3d

كل الشاشات عندها كل المميزات السابقه فيما عدى الاخيره 3d وتلاحظ بسعر معقول لكن مع 3d بسعر اعلى من المعقول ....... تمام

انت شوف لو عند فلوس وربنا بيكرمك اكيد حتشترى اللى عندها خاصيه 3d والعكس .......

فطبعا ميزه 3d حلوه لكن مش لكل الناس خصوصا انها بتجيب حول فعلا

فى خلال نص ساعه حتحس بان اعصاب عينك ابتدات تتعب......... وحتدعك فيها .......ولو نظرت على عينك فى المرايه حتلاقى الشرايين

اللى حولين العين احمرت وواضحه وبعد ساعه مش حتستحمل عشان كده اى حد بيشترى شاشه عليها 3d ويفتحهها من الكرتونه بيلاقى الدليل معها كاتب

((تحذير لا ستخدم خاصيه ال 3d لاكثر من ساعه حفاظا على تاثيرها للعين ولا تشاهد من الشاشه اقل من مسافه 2 متر ))

وكذلك لو فتحت الشاشه نفسها بعد توصيها بالكهرباء وبمجرد الضغظ على خاصيه ال 3d حيطلعلك نفس رساله التحذير



انا عندى شاشه تلفيزيون 41 بوصه lg وبخاصيه 3d وبستفيد من 3d بس مش كثير

وهو متعب فعلا وانصحك لو عندك اى اطفال اوعى توريهم الخاصيه دى

ولو انت نفسك فى شاشه 3d روح على اى معرض بيعرض ال3d واطلب منه

يوريك ال3d واكيد حتشوفها بنفسك قبل ما تشترى


واى خدمه انا موجود

[MohamedRaafat]

ان حضرتك قولتلى ان ال 120 هرتز مش هاتلاحظ الفرق بينها و بين 60 هرتز صح

طبعا .... السبب ان 60 هرتز سريع بشكل نحمد ربنا فيه وكذلك 120 هرتز فانشاء الله مش حتحس به كثير يعنى هو الفرق خفيف جدا

[RVD150]

شكراااااااااااااااااااا اوى يا معلم مش عارف اقولك اية شكرااااااااااا و الكلام الاخير انها بتجيب حول يعنى انا اروح ادفع فلوس عشان احول عيني ههههههه

طيب هى الشاشة بتاعتى حلوة مش محتاجة للتغيير ولا اية

[kemo044]

حول ايه يابرنس اللى انتا خايف منه الكلام ده كان من عشر سنين فى اول جيل للثرى دى اما الان مفيش حاجة من دى

شاشات الثرى دى نوعين
الأول بيعمل مع نظارت تسمى الأكتف وهى كبيرة فى الحجم نسبيا والنظارت ديه بتبقى ببطارية بتتشحن وهى من ناحية الاداء اعلى قليلا من تقنية اخرى هاذكرها كمان شوية تنقية النظارات الاكتف تعمل مع انواع من الشاشات اشرهم سامسونج والنظارات دية بتوصل الصورة كاملة 1080 بيكسل لكل عين على حدا ولكن يعيبها زواية الرؤية يعنى لو ميلت دماغك هتشوف الصورة غامقة وعيبها الاخر انها تسبب صداع اذا استمرت المشاهدة لاكثر من ساعة بلا توقف يعنى لازم تريح عينك من النظارة كل ساعة لمدة خمس دقائق وترجع تكمل

النظام الثانى نظام النظارات الباسف وده نظارات تعمل بدون بطاريات وهى شبة نظارة الشمس وصغيرة الحجم وخفيفة وهى الانجح حتى الان لانها لاتسبب اى مشكال صداع اوغيره مهما طالت مدة المشاهدة ويميزها ايضا انها لاتتأثر بزواية الرؤية يعنى لو ملت اثناء المشاهدة اوحتى اتشقلبت الرؤية لاتتأثر ولايتتأثر نسبة التباين ومن اشهر الماركات اللى بتستخدم التفية دى شاشات ال جى

وانا شخصيا عندى شاشة ال جى ثرى دى سمارت فول اتش دى 32 بوصة وبشغل افلام 3d بالساعات ومفيش اى مشكلة كما انها افضل شاشة على مستوى العالم بتفنية 3d وتتفوق على سونى وسامسونج فى جودة الثرى دى


فلا ضرر اخى من احضار شاشة 3d زى ما انت عايز

عليك اختيار ما يناسبك اكتف ام باسف