المشاركة الأصلية كتبت بواسطة arrow92
التعديل الأخير تم بواسطة MSR1192 ; 10-05-2015 الساعة 00:53 سبب آخر: مفيش فايده
محاباه ومجاملات
لو حضرتكوا شايفين كده
حطوا المواضيع الي فيها الكلام ده
........
وسوف يتم اتخاذ الازم
لان القوانين... هي هي
يعني مفيش عضو بيطبق عليه قوانين وعضو تاني لا
هي تطبق علي الكل
وعاوز اوضح حاجه لجميع الاعضاء
كان لا يوجد قانون بيحدد سعر السلع المباعه
وكان كل شخص يضع السعر الذي يريده
ولكن نحن كاداره للقسم التجاري
بحثنا الامر ووفقنا لرغبه معظم الاعضاء
وضعنا عده قوانين وهي تجدد باستمرار
وضعنا قانون بان السلعه المباعه لو كانت مستعمله الا تكون تساوي ثمن السلعه الجديده
بمعني لو رامه تساوي ٤٠٠ جنيه جديده
وشخص وضعها مستعملها ب٤٠٠
اذن هنا الموضوع مخالف عليه ان يضعها بسعر اقل حتي لو اقل ١٠ جنيه
هنا يصبح غير مخالف ....
ولا ننسي في النهايه ان اي موضوع للبيع هو عرض وطلب
شخص ما يضع سلعه للبيع.. وهنا شخص اخر يوافق ان يشتري او لا يشتري .. فلامر ليس اجبار
في النهايه اذا كنت تري ان هناك مجاملات لبعض الاشخاص علي اشخاص
ضع هذه المواضيع وسوف يتم اتخاذ الازم
مع مراعاه قما قلت مسبقا ان المشرفين علي القسم التجاري غير متاحين ٢٤ ساعه وانهم مثل اي عضو
Sent from my GT-S7582 using Tapatalk
مع كامل احترامي لكلام حضرتك لكن مسألة أن السلعة تكون أقل من سعرها و لو 10 جنيه دي و كأنها نوع من المحلل...طيب ما الواحد يدفع زيادة 10ج أو حتى 200ج و يجيب حاجة جديدة بضمانها ؟
للأسف اللوائح بتنحاز للبائع بشكل يفوق التصور لدرجة اني بفكر أعمل موضوع و أحط سعر وهمي مبالغ فيه و اتحداك حد من المشرفين يتكلم عشان أوضحلك مدى تحيز المشرين الأعزاء للبائع
التعديل الأخير تم بواسطة calhoun ; 11-05-2015 الساعة 22:49
حضرتك دى قوانين
ومش تنسى ان مفيش حد بيجبر حد انه يشترى
انت حر تحط السعر الى انت عاوزه بس مش يكون اكتر من الجديد زى ما وضحت قبل كده
والمشترى حر يوافق او لا
بس الى مش هنسمح بيه الخناقات الى كل شويه تحصل لمه حد يحط سعر يجى واحد يقوله انت ازاى تحط السعر ده ده كارت مش عارف ايه اقل
ده البورده دى وحشه .. ده سعرها عالى
دنا اجيب شاشه دى احسن وسعرها اقل
وانا ليه ادفع كل ده فى كارت مستعمل ما اجيب كارت جديد احسن وادفع 100 جنيه مثلا زياده
ده واحد عارضه الكارت بسعر اقل انت ليه تبيع باغلى
كل الحاجات دى احنا مش بنسمح بيها
اى حد عاوز يرد على موضوع فى القسم يكون هيشترى او يستفسر عن سلعه
وهقول للجميع مره واتنين و100
ده عرض وطلب
محدش بيجبر حد يبيع او يشترى
ومحدش بيجبر حد انه يخفض السعر
اظن ان القوانين بقت واضحه دلوقتى
مينفغش نحط لكل سلعه سعر من عندنا ونقول محدش هيقدر يبيع الا بالسعر الفلانى
طبعا ده مش ينفع
اذا كان الجديد بيختلف من محل لمحل
هل ينفع بقه نروح لكل محل نقوله انت بتبيع بالسعر ده ليه ده المحل الفلانى بيببع باقل
ولا بتقول اروح لارخص والى انا مستريحله
الامر بقه مشابه ليه
احب اوضحلك بمثال بيحصل كتير برده
واحد اشترى كارت 970 بمثل 3350
حصله فى نفس الاسبوع ظروف وحبه يبيعه
هل انا بقه احط قوانين واجبره انه مثلا يبيعها ب2500 ولا 3000 مثلا ماهو بقه مستعمل مش جديد
ولا اسيبه يحدد هو بس مش يخالى السعر 3350
لو باعه مثلا ب3300
هيجى مثلا شخصين الاتنين عاوزين يشتروا الكارت
واحد هيقول الكارت تمام وارخص ومش هتفرق اليومين الى استعملهم فيه وادينى اوفر ال50 جنيه
وهيجى واحد تانى زى حضرتك هيقول مانا هدفع 3300 ما احط 50 واجيبه انا جديد
فهمتنى
كل شخص بيختلف معاه الظروف وزى ما قولت كل واحد حر فى وضع السعر الى عاوزه بس مش يكون مساوى للسعر الحالى وفى النهايه ده نص القانون
*ملحوظة هامة جداً: يجب أن يكون سعر السلعة المعروضة مناسب لسعرها الحالى فى السوق - بحيث لا يكون أعلى (فى حالة ان السلعة المعروضة جديدة تماماً) أو يساوى سعرها الحالى (فى حالة ان السلعة المعروضة مستعملة)
ضوابط المشاركة
رد مع اقتباس
المفضلات