رد: انا عايز اشترى شاشة 3d تكون جامدة ياريت حد يساعدنى عشان انا مش عارف
بص الشاشة بتختارها على حسب ميزانيك وشاشة التلفزيون سبق وقولت لك هتبقى حلوة فى للكمبيوتر بدون اى مشاكل مع النصوص وقولتك اختبرها بنفسك قبل الشراء
اما عن سؤالك عن السمارت طبعا ميزة السمارت هتبقى ممتازة فى نقطة انك لو حبيت تستغنى على الكمبيوتر نهائيا لو حصل اى مشكلة مثلا فى الكمبيوتر او باظ ممكن تستخدم الشاشة فى التصفح والنت بدون كمبيوتر فلو عايز تقنيه السمارت هات 6210 ممتازة
اما عن الشاشة اللى ذكرتها فانا لااعلم عنها شى ولكن هذا موقع فيه كل مواصفات الشاشة بالكامل وهتلاقى فيه كل الاجوبة
رد: انا عايز اشترى شاشة 3d تكون جامدة ياريت حد يساعدنى عشان انا مش عارف
شكراااا بيجد بوص يا معلم انا عرفت ان الشاشة اللى انا كتبت نوعة شاشة تعبانة جدا
مافيش غير الشاشة اللى حضرتك قولت علية هى اللى مواصفتها جامدة جدا بس ممكن تقولى التايم بتاعها اد اية عشان مش مكتوب فى الموقع
بخصوص ان اختبرها ؟؟ هاختبرها ازاى ما هما مشغلنها عن طريق قلاشة مش كمبيوتر بس مدام حضرتك بتاكد كلامك يبقى اكيد حضرتك واثق ان شاشة التلفزيون تصلح ان تكون شاشة كمبيوتر اساسية
اصل انا اللى مخوفنى ان عملت موضوع فى موقع تانى و رد عليا المشرف هناك و قالى ان الشاشة التلفزيون لا تصلح ان تكون شاشة كمبيوتر لانها غير مخصصة لذالك و غير مخصصة للجلوس امامها عن قرب و الكلام و النت مش هاتبقى وضحة هيبقى فيها زغلالة جامدة غير انها مش هاتستحمل انها تشتغل 24 ساة زى شاشة الكمبيوتر فيهمت بقى بس كدا بس مدام حضرتك واثق يبقى خلص الكلام
رد: انا عايز اشترى شاشة 3d تكون جامدة ياريت حد يساعدنى عشان انا مش عارف
الشاشة عندى وانا شغلتها على الكمبيوتر والموضوع عادى اما حكاية الزغلالة فى دى موجودة فى اي شاشة كمبيوتر بداية من 20 بوصة لازم يبقى فيه مسافة بينك وبين الشاشة متر وانتا بتقلل الاضاءة شوية شىء طبيعى علشان عينيك والشاشة انا بشغلها حوالى 15 ساعة فى اليوم متواصل واعتقد ان مفيش حد هيقعد امام الكمبيوتر او التلفزيون 24 ساعة معنى كده انتا هتفضل صاحى على طول
اما موضوع النصوص فى الشاشة سبق وقلت لك ان هناك مستحدثاث كثيرة دخلت صناعة الشاشات عالجت هذة النقطة من زمان لوعايز تجرب النصوص هات اى صورة عليها كلام باحجام مختلفة وخدها معاك على الفلاشة وجرب ثم انتا كده كده معاك 14 يوم استبدال لو مش عجباك الشاشة غيرها او رجعها خالص وخد فلوسك بس اشترى من مكان كويس ومحترم زى اى فرع من فروع بي تك وسيبك من المولات خالص والمحلات الصغيرة
وعن سؤالك عن الثرى دى فى وصلة hdmi انا مجرتهاش لانى بوصل الشاشة بالفلاشة او الهارد الاكسترنال وشغل الافلام الثرى دى على الشاشة مباشرة لان تشغيل الافلام من على الكمبيوتر بيحتاج انك تسطب برنامج بيشغل الافلام الثرى دى الاول على الجهاز فانا بستسهل وبشغل الافلام الثرى دى على الشاشة مباشرة عن طريق فتحة اليو اس بي فى الشاشة بس اكيد الافلام الثرى دى على وصلة hdmi جودتها ممتازة زى الفول اتش دى
وفى حاجة عايز انبهك ليها لما تجيب فيلم ثرى دى افضل جودة للافلام هى اللى بتبقى بصيغة صورة جنب صورة sbs 1080 p او Hsbs 1080 p و اوعى تنزل صيغ غيرهم
المفضلات