مشكلة فى تشغيل الجهاز

[max2005]

جرب تحدث البيوس الاول الى اخر اصدار من على موقع الشركة وتأكد من رقم rev يكون مطابق لنفس rev بتاعك ثم بعد تحديث البيوس ادخل على اعدادات صفحة البيوس واعمل ديفولت للاعدادات واخبرنا بالنتيجة

وحط نقطة معجون زى ما قولت لك على الشبة لو حاسس ان السخونة عالية قوى

انا فكرت فى تحديث البيوس بس قولت اسيبه لآخر حاجة لما اتأكد الأول ان العيب مش من البور . بالنسبة للمعجون لو العيب طلع من البور هضظر انزل القاهرة علىشان اجيب بور صبلاى فهشترى معجون كويس من هناك بالمره.

شوف اي صاحب ليك عنده باور فعلي مش تجاري والعيب من الباور باذن الله

للأسف كل اجهزة اصحابى كيسات تجارية بس انا هتصرف ان شاء الله .

فى حاجة كده هعملها وعاوز رأيكم انا دلوقتى الجهاز شغلته من تقريبا ساعة (انا كن بفصلة كل ساعة إلا ربع كده علشان ميفصلش لوحده علشان انتم فاهمين بيتعبنى جدا لما بشغله تانى) هسيبو شغال وهشوف المدة اللى قاعده قد ايه من غير ميفصل .... وبعدين هوصل المراوح كلها واجرب واشوف هيقعد قد ايه و بعدين هضفلهم كرت الشاشه ) لو المده قلت فى كل مره اذن كده نكون متأكدين ان العيب من البور صبلاى و لا ايه

[max2005]

شكرا جزيلا لكل من ساهم فى مساعدتى
ان شاء الله هشترى بور صبلاى وأجرب

[Ahmad Rady]

هل تم حل المشكلة؟ ولو حدث رجاء ذكر الحل.

[max2005]

اسف لم ارى رد حضرتك الجهاز يعمل الآن بكفائة وبسيبه باليومين شغال ولكنى فاصل كل المراوح ومشغل رامة واحدة بس مش عارف اشغل كارت الشاشة ولا الرامة التانية ومحتار لسه.

[Doosh]

اولا السلام عليكم ورحمة الله وبركاتة انا عندى مشكلة اتمنى ان يكون ليها حل عندكم اخوكم عضو جديد هنا ف المنتدى وبصراحة انا شايف تعاون رائع من الاعضاء واتمنى يحصل دة معايا.
المشكلة ببساطة ان الجهاز مرة واحدة الاقية اشتغل لوحدة بدون اى سابق انذار اول لما اقفلة عادى جدا لو هزيت الطرابيزة الى موجود عليها الجهاز,الجهاز يشتغل لوحدة تانى غيرت كل حاجة كيبور وماوس شكيت فيهم عشان يو اس بى وفكيت الجهاز ونضفتة وغيرت كابلات الباور وشيلت الرامات ونضفت مكانها وكابل الباور بتاع الباورسبلاى وبردو مافيش اى نتيجة اى هزة جامدة او بسيطة الى حد ما ف الطرابيزة بتاعت الكمبيوتر بيحصل كدة. نوع البوردة الى عندى p61A-D3 جيجا بايت- نوع كارت الشاشة gt 430 Nividia ومش لاقى اى حل خااالص ارجو الافادة منكم لو حد عندة اى معلومة يقدر يفيدنى بيها وهل المفروض لو ملقتش حل انى اغير البوردة عشان لقدر الله لو حصل حاجة متحرقليش حاجة معاها سواء كارت او رامة او حاجة مع العلم انى لو بعد لما قفلت الجهاز قفلت المشترك يعنى فصلت عن الجهاز كهرباء خالص وشغلت المشترك تانى خلاص المشكلة بتنتهى حتى لو حركت الطرابيزة الى عليها جهاز الكمبيوتر بمجرد انى افصل المشترك ثوانى وارجعها تانى ونسيت اقولكم انى غيرت البطارية الى ف المازربورد اصلا غيرتها قولت يمكن العيب منها فيها مشكلة او حاجة نوع الكيسة جاما. وشكرا واسف على الاطالة

[almhtref]

السلام عليكم اعمل تنظيف للجهاز بواسطة السشوار اقصد تنظيف اماكن الرام و البور و كذلك الجهاز بالكامل و حاول تشغيل الجهاز بعدها ربما يشتغل عادى بالتةفيق