ويندوز 10 - اراء وتجارب الأعضاء -المشاكل

[saf1966]

أنا من محبى ويندوز 7 ولكنى استخدمت ويندوز 8 فى أول نزوله لكنى لم أتأقلم معه عقدتنى شاشة المترو بصراحة كنت بتوه فيه
فليست لى خبرة بويندوز 8
وعند نزول الويندوز الجديد طبعاً حملته وسطبته على هارديسك أخر ولم تقابلنى أى مشكلة فى التسطيب
أو فى تعريف الدريفات كله تمام وسطبت جميع البرامج الأساسية كالأنتى فايرس متصفح فايرفوكس وبعض البرامج الأخرى
والحمدلله كله تمام
حسيت بإرتياح مع الويندوز الجديد
فى برنامج حدثت معه مشكلة ولم أقدر على حلها إلى الأن وهو برنامج BlueStacks
فمن المفروض أن تكون واجهة البرنامج كهذه الصورة



ولكن على الويندوز الجديد تظهر هكذا



وأعجز تماماً عن إستخدام البرنامج
ثانياً الإقلاع للويندوز من بدأ الضغط على زر الباور إلى أن يصبح العمل ممكن على الجهاز إستغرق دقيقة ونصف (هارديسك عادى)
بعكس ويندوز 7 30 ثانية ( هاردسك ssd.)
'طبعاً أعرف الفرق بين الهاردين فى سرعة إقلاع الويندوز
ثالثاً عندى لعبة بسيطة جداً فى الأول اشتغلت تمام لكن بعد فترة توقفت عن العمل تظهر شاشة سوداء
مما إطرنى للرجوع لويندوز 7
مع العلم إمكنيات جهازى قوية

الحمدلله عملت نقطة إستعادة للويندوز وكل المشاكل إختفت على ما أعتقد المشكلة كانت من تعريف كارت الشاشة فلم أقم بتعريفه وأكتفيت بالتعرف على الكارت عن طريق الويندوز
قمت بتصيب نسخة أخرةى من برنامج BlueStacks وكله تمام
رجاء من سطب الويندوز على هارد ssd يخبرنا عن سرعة إقلاع الويندوز

[saf1966]

أنا لم اصادف اى مشكلة مع الألعاب خالص
بس اللى غيظني اين
اسمى ذهب
ولماذا لم يطلب منى اكتب اسمى
او اضع كى التسطيب
===============



هل بسبب انى لدى نسخة اصلية
win 8.1
ام هذا عادى لانها لسة تجربية
=====

تستطيع تغير الإسم


أنا قمت بتغير الإسم ولكن شاشة الدخول إسمى موجود من بداية التسطيب
وبعدها سيطلب إعادة التشغيل

[saf1966]

سطبت الويندوز على الهارد الـ ssd سريع جداً أسرع من ويندوز 7
لكن الويندوز معترض على برنامج TuneUpUtilities ودائماً أجد هذه الرسالة

https://

ورسالة أخرى من برنامج ESET Smart Security كنت لا أراها أبداً على ويندوز 7
Communication with driver failed. HIPS is inactive

https://

غير ذلك لم أجد أي مشكلة
في إنتظار رأي الخبراء بالجديد

[saf1966]

اليوم حملت أداة لإزالة Watermark من الويندوز
وفعلاً تمت إزالتها

[ant_gamal]

انا عندي بردوا مشكله eset بس انا بستخدم نسخه end point

سطتبته علي ssd مقدارش اقارنه باي وندز تاني لان ده اول وندز ع هارد ssd

لكن مقارنه بالهارد العادي لا سرعه فشيخه كمان الوندز ع الهارد الساتا بحثه تقيل او متكتف واحيانا ممكن يهنج تهنج بسيط بالرغم انه وندز 8 اوريجنا معا لاب لينوفو y500

كل ده انتهي معي ال ssd

سوال انا جبت ال ssd خلاص 240 جيجا

هل كان ممكن اوفر واجيب 128 لاني بستخدمه سيستم وتسطيب برامج

ياعني علشان صديق عايز يعمل زي

بس تقريبا ال 240 وقتها كان نازل بخصم او فرق السعر مش جامد معي 128 مش فاكر لانه من كذا شهر

[ant_gamal]

معلش هو سطب التحديث للوندز بينزل فين علشان عايزه

هل في برنامج مثل windows update downloader

علشان انزل من خلاله تحديثات لان البرنامج مش حاسس بوجود تحديثات عكس الوندز اللي بيقولي في تحديثات

[thexman_2050]

لم يقدم بالفعل شىء جديد وميكروسفت غرضها الحماية والتجارة اكثر من التطوير ولاداء

[bebozoma]

انا كنت فاكر مايكروسوفت ماشيه على سطر وتسيب سطر لكن بعد خيبة الامل من ويندوز المسمى (10)_رغم انى لم اجد اى دلاله من ميكروسوفت على تسمته 10واعتقد انه 9 _ لكن بصرف النظر عن المسمى الاانه فاشل كسابقيه 8+8.1 بصراحه هناك علامتان الى الان وينوز xp + w7 ......اما عن المشاكل فتعريف البلوتوث فى جهازى (ديل 5010) باللاضافه الى مكشله غريبه وهى الريستارت لايعمل -عند الضغط عليه الجهاز يغلق ولايفتح ثانيه
الامن الباور بصراحه خسارة تنزيله ومضيعه للوقت والمجهود...

[saf1966]

ومن الغريب أيضاً عند تغيير اللغة مثلاً للعربية تظل اللغة النشطة هى العربية فى جميع تحركاتك على الجهاز
فتحت متصفح فتحت فولدر عملت أى حاجة اللغة النشطة تظل معاك دايماً إلى أن تغيرها بنفسك
بعكس ويندوز 7
لكن بصراحة معجب به أفضل من ويندوز 7
ويندوز 7 عقدنى بمشكلة windows explorer has stopped
لأنى كنت أجعل عرض الملفات داخل الفولدرات
large Icons

لكن مع ويندوز 10 اختفت تماماً هذه المشكلة

[saf1966]

ومن الغريب أيضاً عند تغيير اللغة مثلاً للعربية تظل اللغة النشطة هى العربية فى جميع تحركاتك على الجهاز
فتحت متصفح فتحت فولدر عملت أى حاجة اللغة النشطة تظل معاك دايماً إلى أن تغيرها بنفسك
بعكس ويندوز 7

تم حل المشكلة الحمدلله

[saf1966]

الكتابة باللغة العربية داخل برنامج Paint
تظهر معكوسة من الشمال لليمين ولم أجد لها حل إلى الأن

[sprocketgear]

عموما النسخة فى طور التجربة وليست نهائية كما هو معلوم ,,
وهناك كلام ان مايكروسوفت ستطلق Build جديد خلال اسابيع ,, قد يكون فى شكل ايزو كامل او اب ديت

[ayoub_bob]

الكتابة باللغة العربية داخل برنامج Paint
تظهر معكوسة من الشمال لليمين ولم أجد لها حل إلى الأن

يعنى اية معكوسة
مش فاهم
ممكن صورة للمشكلة
تحياتى

[saf1966]

يعنى اية معكوسة
مش فاهم
ممكن صورة للمشكلة
تحياتى

هذا نص كلامك ولكنه معكوس كما يظهر فى البرنامج
للمشكلة صورة ممكن فاهم مش معكوسة ايه يعنى (إقرأ من الشمال لليمين)

[ayoub_bob]

أيوة صح
قمت بالتجربة والكتابة باللعة العربية
وياريت ما قلت لى
حاولت معها بس بدون فائدة
على العموم في انتظار النهائية
تحياتى