انكسرت احد بينات البور فى الهارد الحل ايه

**zicostation** · 14-10-2006, 15:33

كنت بنقل الهارد فبشيل كبل الباور منه بعد كده ببص لقيت بينايا ناقصة حاولت اشغله منفعش خالص انا الهارد مش مشكلة عندى الأهم اللى عليه فمثلا لو رحت لواحد يلحملى بناية جديدة فهل فى خطر على الملفات اللى عليه

**mohamed2121** · 15-10-2006, 01:32

لو حضرتك من مصر أذهب به لمول كوين مول أو أحدما يكون جانبك بيفهم فالحام كويس يغيرلك البن المكسور وسعر البن هيكون فحدود من 10 الى 15 جنيه

**zicostation** · 15-10-2006, 01:35

شكرا جدا على ردك انا اه من مصر بس فين الاقى كوين مول لو سمحت انا مسمعتش عنه صراحة هل فى مصر الجديدة ولا جامعة الدول ولا فى حتة تانية معلش هتعبك معايا

**mohamed2121** · 15-10-2006, 01:41

اولا لو طلعت كمبيو ستى فى واحد هناك بس غالى
* مول كوين فشارع السخاوى بمصر الجديده أمام مول السخاوى القديم

**zicostation** · 15-10-2006, 02:14

شكرا جدا على مساعدتك انشاء الله اروح بكرة وشكرا مرة تانية

**ابواالحارث** · 18-10-2006, 05:48

خبرنا بالنتايج اخي

**zicostation** · 18-10-2006, 21:40

اسف على عدم وضع ما حدث معى انا ذهبت الى المول اللى قال عليه الأخ mohamed2121 بس مكانوش فاتحين وانا رحت على 12 وهما بيبداو فى رمضان من 2 المهم كنت ناوى اروح الغاية مافتكرت الدور التالت فى مول سوق العصر هو قاضى بس فيه صيانة فطلعت
المهم اول مادخلت وقولتلهم قالو ماشى 15 جنيه وتعالى استلمو بعد الفطار وكأنها حاجة عادية بيعملوها علطول بس روحت اليوم التانى وابص على الهارد البناية ملحومة كويس اوى وجربت الهارد وكله تمام والحمد لله مفيش حاجة حصلت للبيانات ولا حاجة كانه زى الأول والحمد لله