[هــــامـ] العضويات الجديدة لن تستطيع المشاركة فى القسم التجارى بعد الآن ...

[Best_Price]

مجرد رأي
1-المنتدى بيجرب فينا .
2-في كذا طريقه أنصح من كده لتقليل السرقه غير هذا الحل الغريب
الذي سوف يخسر الأعضاء اللي كانوا هييجوا يعرضوا سلعتهم (زي ما قال المهندس / محمد خليفة) وبكده برضه الجميع خسر بما فيهم المنتدى (عشان هيقولو مع السلامه بلا عرب هاردوير بلا حاجه عشان دا معقد ! والسمعه كده هتخسرنا كتير ! ولا ايه ؟
وسوف يخسر بعض المعترضين (أو المختلفين على القرار) من الاعضاء القدامى (وخصوصا التجار)
راجعوا نفسكوا , وهذا قراركم

[arrow92]

الموضوع يا جماعه ليه ابعاد كتير
حضرتكوا احنا المشرفين على القسم

احنا الى بنشوف مشاكل القسم وبنتباعها باستمرار لو حضرتكوا شوفتوا المشاكل هتشوفوا ده كويس

تقريبا يوميا بيجى لينا اكتر من 10 مشاكل نصهم من عضويات جديده او مزوجه

الى عارض سعله فيها مشاكل ... الى ينصب على عضو ... الى عضو بيطلب من عضو يشحن ليه وفى الاخر يلاقيها حاجه تانيه ولا الكرتونه فاضيه او مش يبعت السلعه كامله او تكون بايظه اساسا
كل واحد بياخد حظره واحتياطه زى ما قال استاذى الفاضل محمد خليفه
ففى 10 فى المقابل بيتنصب عليهم


الامر زاد جدا عن حده

غير جهل العضويات الجديده بقوانين القسم .. بقت وظيفه المشرف .. ذكر كذا . انت نسيت كذا .. يا حبيبى اعمل كذا .. العنوان يا سيدى
تلاقى كل مشرف عملوا فى اليوم بال40 مشاركه تنبيهات بس و3/4 عضويات جديده

غير العضويه المزدوجه يكون عنده جهازين كمبيوتر ولا موبايل يعمل كذا عضويه او ينزل برنامج يغير الاى بى

ويشتغل بقه فى القسم
يعرض سلعه ويروح يفاصل مع نفسه ويشكر فى نفسه بالبلدى بيسوق نفسه

يعرض سلعه ويرد من العضويه التانيه انه اشتراها .. علشان الناس تقول ده ليه تعاملات قبل كده

حاجات كتير من هذا القبيل


اداره القسم التجارى عارفين كويس ان اى عضويه جديده
هتعمل مشاركات (سبام) فى اى مواضيع فى المنتدى علشان تكمل عدد المشاركات علشان تشارك
بس هيكون العين عليها


احب اضيف ان اى عضو برا المنتدى او عضويه جديده داخل المنتدى ممكن تشوف المواضيع

يعنى المواضيع ظاهره لجميع الاشخاص

لكن المشاركه هى التى تم تحديدها



فى النهايه اى حد عنده اى اقتراح حتى لو بسيط
احنا بنرحب بيه فى كذا طريقه تقدر تقول الى انت عاوزه
موضوع نبض الاقسام التجاريه مثبت فى القسم
ابعت اقتراحك لاى مشرف فى القسم

بعضكوا عجبكوا القرار واخرين لا


اتمنى نسمع اقتراحاتكوا بخصوص الامر ده
لو اقتراح هيرضى جميع الاطراف ليه مش ننفذه

[TIMO1]

مجرد رأي
1-المنتدى بيجرب فينا .
2-في كذا طريقه أنصح من كده لتقليل السرقه غير هذا الحل الغريب
الذي سوف يخسر الأعضاء اللي كانوا هييجوا يعرضوا سلعتهم (زي ما قال المهندس / محمد خليفة)
وسوف يخسر بعض المعترضين (أو المختلفين على القرار) من الاعضاء القدامى (وخصوصا التجار)
راجعوا نفسكوا , وهذا قراركم

يعنى ممكن اقول لحضرتك حاجه بسيطه وانت بعدها ممكن تفهم الوضع فى المنتدى هنا مش تجارب ولاحاجه
المنتدى منذ 5 سنوات فى 2010 -2011 كان واقف تماما التسجيل نهائى ومكتفى باعضائه الموجودين والفتره دى لو فى احد من الاعضاء القديمه ممكن يقلك كان البيع والشراء فى اقصى قوته وكان جميع المنتدى حركه دائمه فى جميع الاقسام لان الجميع كان يعلم مدى اهميه العضويه والخوف من خسارتها .
والمنتدى ليس قائم على قسم البيع والشراء فقط مع احترامى الكامل له ولكل القائمين عليه ولا يقل اهميه عن اى قسم اخر ولكن المنتدى قائم على جميع الاقسام وليس قسم معين علشان حضرتك تقول الكلام ده فى اماكن كتيره متخصصه فى البيع والشراء ومعروفه للجميع غير المنتدى ومش بيبقى فيها اى تعقيد ومع ذلك الناس بتفضل تطرح مواضيعها على المنتدى هنا يبقى النظام والالتزام بالقوانين لاراحه القائمين على القسم لعمل الموضوع بشكل محترم ويلتزم بالقوانين لان التزام القوانين احترام ليك وليا وللجميع هايقدملك كل التفاصيل الى محتاجها علشان تبقى ضامن حقك باختيارك انت حسيت ان مفيش مصداقيه متتعاملشى مع العضو حتى لو تاجر بمليون مشاركه والمنتدى مش هايغصب على المشترى انه يتمسك بحقه القوانين موضوعه وازاى تقدر تجرب سلعتك والمشترى بيضرب بيها عرض الحائط وبياخد سلعته فى محطه مترو وبيجى يشتكى انه اتنصب عليه .
. القسم ماشاء الله ممكن تشوف قد ايه كميه الاعضاء فيه يوميا والمشاكل كما ذكر المشرف الفاضل arrow92 كلها بتاتى بنسبه كبيره من العضويات الجديده ولان الموضوع بسيط حتى لو نصاب واتقفلت العضويه هايعمل عضويه جديده برقم موبيل ويدخل يعمل الى هو عايزوا ولا كان شىء حصل على الاقل هكذا هايبقى فى تعطيل لللمستهترين والاعضاء الغير جادين فى التعامل .

[m7mdabdalr7man]

مع احترامي للأدارة ولكن ده مش حل ... من وجه نظري للقضاء على موضوع النصب ممكن يكون في حد او مكتب وسيط بين البائع و المشتري معروف (احد الاعضاء التجار) يتم المقابلة فيه وتجربة السلعة مقابل اجر بسيط من جانب المشتري مثلا للتأكد من سلامة المنتج المباع وبرده امان للباع من الافخاخ ... وبرده الفكرة ديه كويسة للناس الي عايزة تبيع ومبتقدرش تظبط مواعيدها مع المشتري تفوت تسيب الحاجة عن الوسيط ده.

[arrow92]

مع احترامي للأدارة ولكن ده مش حل ... من وجه نظري للقضاء على موضوع النصب ممكن يكون في حد او مكتب وسيط بين البائع و المشتري معروف (احد الاعضاء التجار) يتم المقابلة فيه وتجربة السلعة مقابل اجر بسيط من جانب المشتري مثلا للتأكد من سلامة المنتج المباع وبرده امان للباع من الافخاخ ... وبرده الفكرة ديه كويسة للناس الي عايزة تبيع ومبتقدرش تظبط مواعيدها مع المشتري تفوت تسيب الحاجة عن الوسيط ده.

هو ليه حضرتكوا كلكوا مسكتوا فى بند النصب بس
فى حاجات كتير
منها عدم التزام العضويات الجديده بالقوانين
منها العضويه المزوجه
فى حاجات كتير
مش شرط كل العضويات الجديده تكون نصابه يعنى

[Rabie Masry]

والله موضوع جميل

[rot@na]

انا شايف انها فكره ممتازه

[النسور]

السلام عليكم
انا عندى وجهه نظر مختلفه شويه وحابب اعرضها عليكم
اولا انا شايف من وجهه نظرى ان ده مش صح ليه
اولا النصب او السرقه للى عايز يعمل ده مش هيغلب ما شاء الله المنتدى فروعه كتيره ممكن يعمل المشاركات دى فى يوم واحد سهله جدا ( اللى عايز يسرق وينصب مش هيغلب)
وكلامى ده من واقع تعاملاتى وخبرتى مع الناس
النصب والسرقه مش هتفرق بين عضو بستين مشاركه وعضو بواحد وستين مشاركه
الحل الحقيقى ان سواء المشترى او البائع ياخد كل حذره واحتياطه سواء من عضويه جديده او قديمه
نجى بقه انا ليه مختلف فى القرار ده
اولا من الناحيه التسوقيه لاى منتدى بتعمد بشكل كبير على عدد الاعضاء وتفاعلهم والقرار ده ممكن يقلل عدد الاعضاء الجدد وتفاعلهم


اما اساس الاختلاف وبالبلدى كده
حوار بين شخصين

بقولك يا فلان انا عندى جهاز كمبيوتر ولاب وموبيل عايز ابيعهم

عندك منتدى رائع اسمه عرب هارد وير

وبعد كام يوم ها عملت ايه يا صاحبى يارب يكون المنتدى عجبك وعرضت سلعتك وبيعتها ان شاء الله

يا عم فكك ده منتدى معقد دخلت اعمل موضوع لقتيهم عاملين شروط وتقيم ومشاركات
روحت عارضهم فى حته تانيه
انا عايز ابيع انهارده او بكره لسه هستنى اللى بتقول عليه يا صاحبى
مع العلم ان اللى عايز يبيع ده حاجته كويسه مش شرط تكون بايظه

هو ده الانتشار اللى بتكلم عليه
القرار ممكن يخلى ناس كتير وتكون كويسه متكملش فى المنتدى
اتمنى اكون قدرت اوصل وجهه نظرى بطريقه سهله
كامل احترامى لكل افراد المنتدى بالكامل

أقدر وأحترم جدا رايك ولكن لي نقطة خلاف معاك وهي بخصوص التأثير على عدد الأعضاء ..أعتقد ان المتندى الكريم لديه من الأقسام ما يمنحه النجاح في اكتساب اعضاء جدد بشكل يومي دون قسم التجاره تحديدا وكنت اتمنى ان تكون هناك خطوات جاده من أدراة المنتدى أكثر من هذه في سبيل تحقيق الأمن التجاري والحفاظ على الأعضاء وينبغي أيضا أن لا ننسى أنها تجربه تقوم بها ادارة المنتدى سيستفيدون منها ويقومون بتطويرها مع مرور الوقت حتى تصل للهدف منها وهى حماية الأعضاء والحفاظ عليهم :ah7:

[Mr.pOPo]

أقدر اهتمام الجميع بالقسم التجارى و المنتدى، و احترم بشدة جميع آرائكم. لكن، و كما يقال: "اللى ايده فى المية مش زى اللى ايده فى النار"

والموضوع إعلان قرار ، و ليس موضوع نقاش.

شكراً لكم.

يُغلق.

[MaHmOuD ZeRo]

من يواجهه مشكلة بعد عمل 60 مشاركة
او
مضى 3 أشهر أو أكثر على العضوية مع عدد 1 تقييم

برجاء عمل مشاركة بالموضوع الاتى
â—„â—„â—„ الـمـوضــوع الـرسـمــي لـتـلـقــي الـطـلـبـــات والـشـكـــاوى â–؛â–؛â–؛

وليس مراسلتى على الخاص