هل COD: AW فيها عربي؟ وازاي اعمل باك لملفاتها على ستيم؟!

[nanonona]

قرأت كثير عن ان call of duty advanced warfare بتدعم ترجمة عربي زي أساسن كريد بلاك فلاج.. لكن لما اشتريت اللعبة من على "ستيم" ملقتش عربي أبدا.. حد شاف أي عربي في اللعبة.. ولا كانت مجرد دعاية زي قصة اللعبة؟!

المشكلة الثانية والأهم ان لما آجي أعمل بك أب لملفات اللعبة من STEAM مبيعملش باك أب غير لأول 7.5 جيجا والباقي "33 جيجا" يعملهم داون لوود لما آجي أعمل ريستور.. حد حصل معاه كده برضه وهل في حل؟!

[nanonona]

طب النسخ المكركة فيها عربي؟!

[arrow92]

انا كنت زيك كده وشقلبت الدنيا

واكتشفت ان نسخه PC مش نزل ليها ترجمه

والى نزل ليه الاكس بوكس

ومش متاكد PS4 نزل ليه ولالا

بس الاكيد ان الترجمه مش نزلت ل PC

[nanonona]

شكرا على التفسير.. وأنا أقول يا ربي مش معقول يكدبوا.. بس غريبة الترجمة تنزل لجهاز والتاني لأ!!

هي اللعبة قصتها سهلة الفهم لكن كنت منتظر تجربة جديدة في الترجمة العربي..


طب حد عارف ليه سلسلة CALL OF DUTY مينفعش تعمل بك أب لملفاتها من على STEAM ؟

[nanonona]

تم حل مشكلة عمل باك أب لملفات اللعبة:
- حملت اللعبة + حملت المالتي بلاير بتاع اللعبة "الاجمالي 47 جيجا"
- عملت باك اب للمالتي بلاير لوحده فكانت المفاجأة انه عمل باك أب لـ 41 جيجا
- عملت باك اب للعبة نفسها "طبعا عمل باك اب لـ 6.5 فقط"
وبكده تم الاجمالي 47
طبعا لو عملت باك اب للعبة مع المالتي بلاير أو للعبة لوحدها مش حيعمل باك اب غير لـ 6.5 جيجا فقط
يا خسارة مسحت GHOST قبل اكتشاف الطريقة.. غريبة ان ستيم مع أكتيفيشن لا ذاكرين الحل ولا بيحاولوا يعالجوه ومستمر مع اصدارات COD
تحس ان في تعذيب لمشتري الأصلي في حين المتكرك لا يعاني سوى من الأنتي فايرس..