ممكن تساعدونى لو سمحتوا عشان انا محتارة جدا جدا

[Green Wolf]

السامسونج e7 مش حلو مقارنة باللينوفو اللى حضرتك كاتباه واللينوفو بيتفوق عليه بجدارة كمواصفات وسعر
بالنسبة للسامسونج e7 مواصفاته
سعره 3 الف شاشة 5.5 بوصة دقتها اقل من دقة اللينوفو بفرق 15 % تقريبا الكاميرا الخلفية 13 والامامية 5 انما اللينوفو الامامية 8 - راماته 2 جيجا والزاكرة الداخلية 16 انما اللينوفو 32 -البروسيسور واحد ف الاتنين - مبيدعمش 4 جى الجيل الرابع انما اللينوفو بيدعم
الفرق واضح بينهم اللينوفو بيتفوق على السامسونج e7 ف المواصفات والسعر بفرق 40 % وده فرق جبار
نصيحة هاتى اللينوفو s90 وادعيلى :D

[Green Wolf]

حاضر هعمل لحضرتك مقارنة بين هاواى واللينوفو وبالمناسبة انا كمان استفدت من معرفة ماركة اللينوفو
بالنسبة للهاواى g7
مواصفاته
سعره 2500 - شاشة 5.5 بوصة بوضوح اقل من اللينوفو بفارق 15 % برضو - كاميرا خلفية 13 وامامية 5 واللينوفو الامامية 8 - البروسيسور واحد ف الموبايلين -راماته 2 جيجا وذاكرة 16 اللينوفو 32 جيجا - الاتنين بيدعمو 4 جى الجيل الرابع
تقييمى ليه اقل برضو من اللينوفو ف الكاميرا والذاكرة ووضوح الشاشة وسعره اعلى كمان بفرق 50 جنيه

[محمود ياسين حسا]

مرسى جدا جدا تعبتك كتييييير
طيب اخر كلام فعلا المرادى لينوفو s90 ولا هوواوى honor 6 حاساه جامد بصراحه

[محمود ياسين حسا]

خصوصاانه 3 جيجا رام وكارت ميمورى خارجى

[Green Wolf]

يا ستى عادى حضرتك زى اختى
بالنسبة للهاواى honor 6
هتبقى مواصفاته
سعره 3300 جنيه يعنى الفرق بينه وبين اللينوفو 850 جنيه - بالنسبة لشاشته 5 بوصة بس فول اتش دى وهنا بتتفوق على اللينوفو بفارق40% فى دقة وضوح الشاشة (اللينوفو اتش دى بس مش فول اتش دى) - بيدعم خاصية اللمس المتعدد 10 صوابع انما اللينوفو 5 صوابع بس مش هتفرق محدش هيحط صوابعه العشرة ع الموبايل ف توقيت واحد - الكاميرا الخلفية 13 والامامية 5 وهنا اللينوفو هيتفوق لأن كامرته الامامية 8 -البروسيسور فيه 2 بروسيسور :D
يعنى 8 انوية و 1.7 + 1.3 = 3 جيجا
هرتز انما اللينوفو فيه بروسيسور واحد 1.2 جيجا هرتز وطبعا الهاواى هيتفوق على اللينوفو ف البروسيسور بفارق 65 %) - راماته 3 جيجا انما اللينوفو 2 جيجا بس - زاكرته الداخلية 16 اللينوفو 32 - بطاريته 3100 mah هتقعد معاكى 6.5 سعات اعلى شغل ومش هتخلص برضو هتتنح انما اللينوفو بطاريته 2300
تقييمى : الهاواى هونر صحيح فرق 850 بس مواصفاته خارقة صراحة واللينوفو بيتفوق عليه فى الكامرا الامامية والذاكرة الداخلية فقط اما باقى المواصفات ف الهاواى هوا اللى هيتغلب
ملحوظة : حضرتك مش هتحتاجى المواصفات دى بس لو عيزاه يعيش فترة وميبقاش قديم بمواصفاته هاتيه
ملحوظة 2 : الالعاب اللى حضرتك بتقولى عليها دى ولا حاجة ده فى ناس بتنزل لعبة GTA IV على الموبايل ودى لواحدها بتسحب كل قوته اما تشتغل وده اللى اقصده بأقصى استخدام
اى استفسار تانى انا موجود

[محمود ياسين حسا]

دة شرف ليا طبعا جزاء الله خيرا
وبجد شكرا جدا جدا بجد انا ان شاء الله انزل عشان اجيب هوواوى ولو ملقتش هاجيب لينوفو لانى زى مقولت هاجيبه تقسيط فمرتبطه بالشركه نوعا ما
بس انا عرفت ان ضهرة زجاج وانا عندى قردين قصدى ولدين 6 و 8 سنين ايه النظام بقى

[Green Wolf]

على فكرة مفيش موبايل ضهرو زجاج خالص ممكن حضرتك تكونى قريتى ان ضهره فيه سكرين جوريلا جلاس وده شبه اللزقة اللى بتتلزق ع التاتش بس عبارة عن زجاج متين مش بلاستيك مبتتنيش يعنى وبتتركب ورا وقدام وبينى وبينك بتتكسر برضو :D
ربنا يخليهوملك والحل الوحيد حضرتك تركبيلو سكرين زجاج من الامام وتجبيلو جراب جلد وياريت يكون متين او حضرتك متخلهومش يمسكوه الا وانتى جنبهم وفى ضمان سنة يعنى الحياة حلوة وان شاء الله خير مش هيحصلو حاجة ومبروك مقدما

[محمود ياسين حسا]

على فكرة مفيش موبايل ضهرو زجاج خالص ممكن حضرتك تكونى قريتى ان ضهره فيه سكرين جوريلا جلاس وده شبه اللزقة اللى بتتلزق ع التاتش بس عبارة عن زجاج متين مش بلاستيك مبتتنيش يعنى وبتتركب ورا وقدام وبينى وبينك بتتكسر برضو :D
ربنا يخليهوملك والحل الوحيد حضرتك تركبيلو سكرين زجاج من الامام وتجبيلو جراب جلد وياريت يكون متين او حضرتك متخلهومش يمسكوه الا وانتى جنبهم وفى ضمان سنة يعنى الحياة حلوة وان شاء الله خير مش هيحصلو حاجة ومبروك مقدما

مرسى جدا جدا جزاء الله خيرا ريحتنى من حيرة كبيرة جدا

[Green Wolf]

بالتوفيق ان شاء الله ف الشراء وربنا يباركلك فيه
لو حضرتك حابة تشوفى شوية صور ليه الرابط اهو https://www.jumia.com.eg/huawei-hono...ck-248213.html
حركى الماوس على الصورة الكبيرة هيعمل زوم اكتر وفى شوية صور لضهر الموبايل هتبين انه مش زجاج
لو لاقدر الله ملقتهوش عندو لينوفو حلو برضو كفاية كامرتو وذاكرته وربنا يقدم اللى فيه الخير

[mido osman]

lg g2
فيه كل شئ

[محمود ياسين حسا]

[QUOTE=mido osman;2936296]lg g2
فيه كل شئ[/QUOTE
لا افضل ال جى لخبرتى القليله به