انا ملعبتش في حاجة خالص انا بس يدوبك فعلت الخيار ده من البيوس وعدلت بس PCI - E لكن باقي الخيارات سيبتها زي مهيا
ملاحظة كمان الرام مكتوب في البيوس ان ترددها 800 وشوية فمش عارف دي كده قلت مش زادت انا هحاول اصور البيوس بالموبايل وارفع الصورة دلوقتي
ولحد دلوقتي الامن مستتب ونزلت التعريف الجديد 15.7 وكله تمام
كويس جدا انا فاهم انك مغيرتش اى اعدادات غير اعدادات PCIe لكن عشان تقدر تنشطه كنت متضطر تفعل بروفايل كسر السرعه OC Tuner
والبروفايل تم تفعيله وضبطلك تردد جديد للمعالج على 3.8GHz (انا مش عارف نسبه الزياده فى التردد بقت كام بالضبط)
وضبطلك فولت جديد للمعالج على 1.300v (انا مشعارف فولتيه المعالج الاساسيه كانت كام فى الاوتو بالضبط)
كل اللى نعرفه حاليا ان فى زياده فى درجات الحراره والفولتيه اثناء الخمول حصلت ( Auto ) عن طريق بروفايل الكسر
فانت امامك الان اما تكمله بروفايل الكسر او التراجع عنه
يعنى المطلوب منك البحث فى نفس الصفحه او نفس القائمه عن تردد المعالج وتضبطه على Defaults
والبحث عن فولتيه المعالج وتضبطه على Auto
او تكمل على منهج بروفايل كسر السرعه ..
هتعمل Disable لجميع خصائص الــ power Saving ان لم تتم بالفعل
ويمكن تحتاج تعدل على مجموعه خصائص .. على كل حال مشتلغتش ابدا على منصه AMD/ASUS ولذلك الصور هتكون اوضح بعد رفعها
ايه اللى ممكن تعدله او تلغيه
تقصد انهو صور انا رفعت الصور في المشاركة الي فاتت
وتقريبا الفولتيات معمولة كلها اوتو علي حسب فهمي
ومفيش في الصفحة دي تردد للمعالج هو فقط قدام كلمة سكر السرعة مكتوب manual
معلش انا فهمي علي ادي في موضوع كسر السرعة ده :D
طيب بقولك ايه هبط تردد PCI-E واختاره انت بقى المرادى Manual على 100 بس بلاش 150 لانها خطيره
بخصوص الفويتيات مكتوبه مباشره بجانب الفولتيات AUTO يعنى تقدر تختارها مره تانيه Manually لو حبيت وتعدل عليها
هتبدا تكسر مانوال مش اوتو وتضبط الترددات ومعامل الضرب اولا للمعالج حسب السرعه اللى انت عاوزها
هنفترض انك هتعدل CPU Ratio على Manusl بدلا من Auto وهتختار معامل ضرب 16
وبعدها تعمل Disable لخاصيه Turbo Core ومفترض ان هيظهرلك اعدادات مانوال Cpu Bus Frequency
اللى هو قدامك 216 وهتختار افتراضيا 240mhz يبقى كده تردد المعالج 3.804MHz
وتنزل على اختيار PCI-E وتحدده مانوال على 100
وهتنزل على تردد الرام وتضبطه يدوى على 1600MHz
وبعدها CPU / NB Frequency ولنفترض بدلا من اوتو تبقى 2200MHz
وبعدها HT Link Speed بدلا من اوتو على 2600MHz
فى الصفحه من تحت هتحول من نظام Offset الى manual
تحتها مفترض يظهرلك اختيار CPU Voltage اولا والممفترض انك هتبدا مع ( وليكن ) 1.250v
واذا لم يكن فى استقرار يبقى ترفع على 1.275v او 1.300v
هتنزل على IMC Voltage اذا ظهرتلك بالتاكيد وهترفع النسبه قليلا عن النسبه اللى ظاهره بجانب الاعداد نفسه CPU VDDA اوتو انت شايف انه على 2500 ممكن يحتاج الزياده الى 2.550 او 2600 كحد اقصى
خدبالك انت بتدور ازاى تثبت على الكسر الجديد من خلال مجموعه الزيادات بشرط الحراره تكون فى رنج المعقول للمكونات جميعها
يعنى طالما الحراره مرتفعه للمعالج ممكن نحتاج نهبطها الى 2300 او 2200 حسب الاستقرار ودرجات الحراره
Dram Voltage هتضبطه يدويا على 1.500v
بعدها Hyper transport Voltage HT NBعلى 1.200 هنضبطه على 1.200v مانوال
بعدها الجسر الشمالى للوحه NB Voltage وهو على 1.250 وهنضبطه على 1.200 مانوال
بعدها NB1.800v بيحتاج الزياده احيانا للاستقرار بس احنا هنسيبه على 1.800 مانوال بما انه مستقر فى الكسر الاوتوماتيك
بعدها الجسر الجنوبى على 1.1v وهنسيبه على 1.1v
بعدها هتنزل على CPU LLC بدلا من Auto هنختارها 75%
بعدها CPU/NB LLC هنسيبها AUTO
بعدها : عاوزين نشوف صفحه Advanced وPower
فكل المطلوب منك دلوقتى تهبط فقط التردد ده مانوال على 100MHz اولا وبكده ربما تحصل على نفس الاستقرار ايضا
اتاكد ان درجات الحراره للمعالج مش بتزيد عن 62C للمعالج وعشان كده عاوزين نهبط فولتيه المعالج وللسوكيت عن 70C اما الزياده فى تردد PCIe اكتر من 100 محدش بيفضلها ابدا فى منصات AMD اثناء الكسر
وفى تحزيرات منها كبيره وفيها خطر على الكارت بتاعك والهاردات
لو عاوزنى اجيبلك تحزيرات عن الامر من على النت ممكن اجيبلك وكمان مفيش حد اشتكى كتير قدامى بس يجوز فى
لذلك الغرض ان احنا نضبطها مانوال اه يمكن تعالج المشكله فعلا لكن مش تاثر على القطع نفسها او تتسبب فى تلفها وارتفاع حراتها
اصلا مش عاوز اكسر سرعة يعني مش محتاجها ومش هجيب مشتت احترافي فانا هرجع للحل الاول الي قلتهولي اني اعمل كسر كاذب
فانا دلوقتي عملت حاجة مش عارف كده صح ولا ايه
سيبت الخيار الاول علي مانيوال بس عدلت باقي الخيارات كلها اوتو ما عدا حاجتين لازم يتكتب فيهم ارقام
الاولي الي هيا CPU/HT ودي لقتها معمولة جاهزةب 200 والرينج بتاعها اصلا مكتوب انه من 100 الي 550 فسبتها زي مهيا
والتانية الي هيا pci-e وانا عملتها دلوقتي 100 زي مقلتلي وهي الرينج بتاعها اصلا من 100 الي 150 يعني 100 اقل حاجة
طبعا تردد المعالج رجع للافتراضي بتاعه 3.500 والرام 1333 الافتراضي بردو
زدي صورة من ال HW MONITOR الحرارة مختلفتش عن الكسر https://www.mediafire.com/?c38zca0q3njgcz3
تمام جدا ونتمنى باذن الله ان مشكلتك الاساسيه تتحل .. انت دلوقتى رجعت للاعدادات الافتراضيه للمعالج ووصلته ل 3.5GHz
وضبطت تردد مدخل الكارت على 100 وكده تمام والسؤال المتبقى هل درجات الحراره دى هى كانت درجات حرارتك الطبيعيه ؟
هل كانت 49C فى الخمول واللوحه كانت 44C فى الخمول ولا كان فى هبوط عن كده ؟
كمان ليه الكارت عالى ؟ هل دى درجه حرارته الطبيعيه 47C فى الخمول ولا كنت لسى خارج من لعبه او بتعمل اى جهد
وايه درجات حرارته قبل كده ...
بصراحة انا مراقبتش درجات الحرارة في موجة الحر الاخيرة دي بس زمان مكنتش كده كانت اقل حوالي 10 درجات سواء معالج او كارت راجع المشاركة دي https://arabhardware.net/forum/showt...=1#post2948823
لحد دلوقتي الامن مستتب :D
بس سؤال فني لو المشكلة اتحلت ايه بقا الي اتغير مش مفروض هي اصلا كانت 100 لان 100 اقل حاجة في الرينج ولا ايه الكلام
مش ينفع نقول المشكله اتحلت بمجرد ساعتين تلاته شغل انت ابقى طمنا على النتايجه معاك وقولنا ايه الاخبار ..
احتمال يكون فى بعض الاعدادات كانت محتاجه ضبط يدوى او تفعيل بروفايل الكسر والغاء خطه تنظيم الباور المسؤله عن حفظ الاستهلاك
لذلك انت بتعانى حاليا من ارتفاع درجات حراره بسيط ..
من رايى انت دلوقتى مفعل كل ضوابط كسر السرعه وفولت المعالح بالفعل ثابت على بروفايل الكسر
واذا اطمئنيت ان النتائج كويسه من حيث كارت الشاشه ..رجاءا فقط خلى عنيك على الحراره باستمرار للحفاظ على الهاردوير بتاعك
اذا النتائج استمرت معاك بشكل كويس واتضح ان المشكله اتحلت مع بروفايل الكسر يبقى امامك خيارين ..
الاول زى ماقولتلك هتحاول تضبط تانى فولتيه المعالج على Defaults وتردد المعالج على Defaults
اما اذا كانشى فى امامك غير بروفايل اوتو او اختيار فولتيه ثابته يبقى الحل التانى هو الافضل وشخصيا اراه الافضل
الحل التانى هتكمل مع بروفايل الكسر بس هتبقى محتاج تطمن من اكتر من حاجه وعندك علم بيهم
اولا اتاكد ان الباور معاك كويس وهتحتاج مشتت وحاول توفر مشتت بسيط
الشىء الاهم ان فولتيه المعالج اللى ثبت عليها بروفايل الكسر لم تكن اعلى كثيرامن بروفايل Defaults الموجود
بالصوره اللى انت حطيت رابط ليها
وهنسيب الفولتيه ومجموعه الضوابط مؤقتا زى ماهى بس رجاءا تانى بلاش تضغط دلوقتى باى برامج ضغط لاختبار الاستقرار
راقب الحراره باستمراره وضيفها فى التاسك بار امام عينيك طول الوقت لجميع الهاردوير
وبعد مانطمئن ان الامر سليم والامن مستتب زى ماقولت ونجيب مشتت هنبدا نرفع تانى تردد المعالج عشان تستفيد بالفولتيه
الثابته طول الوقت وفى نفس الوقت هتستفيد بالتردد الاعلى ويهربك من اى نسبه عنق زجاجه قدر الامكان
بدل ماتفضل سايب فولتيه المعالج على الكسر الاوتو فقط طول الوقت عشان خاطر عاوزين نفضل سايبين بعض الضوابط الاخرى
ولكن احنا مش عارفين بالضبط هى ايه لحد دلوقتى اللى حلت المشكله ( يجوز اى شىء )
المقصد اننا عاوزين نستفيد ببروفايل الكسر المتنشط ده طالما هتكمل معاه وتبقى عملت كسر متوسط بسيط رفع من اداء المنصه كلها
وممكن توصل بالمشتت الى يدويا على 1.3v وممكن نوصل بالتردد على 4.0GHz ونثبت ونحفظ بعد تعديل بعض القيم من Advanced
وربما نقدر نوصل الى 4.2GHz على نفس الفولتيه فهى عموما محتاجه منك تريكيز بسيط عشان تحقق اعلى مكسب فى التردد على الفولت
اللى انت هتثبته وفى نفس الوقت تكون النتائج مستقره ودرجات الحراره بالرنج الطبيعى ( الا تزيد عن 60C للمعالج )
وبعدها تبدا باستخدام برامج الضغط وتشوف نتيجه الاستقرار الافضل على التردد المناسب
حتي الان محصلش اي حاجة وكله تمام
دي صورة اثناء الضغط بكريد يونيتي الحرارة والفولتيات https://www.mediafire.com/?nlai0e9lewvebd9
هل معني كده ان في كسر سرعة حاصل والقيم دي مش افتراضية بس مكتوب في البيوس ان السرعة 3500 يعني مش معمولها كسر ولا تقصد ان الفولت مرتفع بس السرعة افتراضية
معلش هتعبك عشان مش فاهم القصة دي :D
حاجة كمان موضوع الباور سيف ده مكنش بردو متفعل قبل كده كان معموله disable يبقا مكنش هو المشكلة
انا دلوقتي مؤقتا عاوز ارجع لقيم الافتراضية لكل حاجة ما عدا ال PCI - E الي حلت المشكلة بحيث محتاجش مشتت
هعرف منين طيب ان في كسر سرعه حاصل .. انت شايف ترددات فى الصوره للمعالج ؟ كل اللى شايفينه فولتيات وحراره وباور
والحمد لله نقدر نقول ان كل القطع حرارتها مرتفعه جدا جدا
من اول المعالج لحد الهارد
بعدين ياريت تنسى برنامج HWM شويه واشتغل على HWiNFO او AidaExtreme عشان نشوف حراره اللوحه الام والشيبايه بصوره اوضح
حراره 70C مرتفعه حسب علمى لمعالج FX6300 وكل معلوماتى انه برنج 60C
كمان انا قولتلك بلاش تعمل مراجعات او اى محاولات ضغط حاليا على المعالج الا لما تجيب مشتت
على كل حال كويس ان المشكله الاساسيه لتحلت ولكن المشكله الجديده محتاجه تاكيد من ملاك المعالج نفسه ويقولولنا اقصى حراره ليه
عموما وانت بتعمل اى محاولات ضغط تفتح امامك برنامج CPUz عشان تشوف التردد والفولت منه اللى شغال المعالج بيه على الويندوز
لا انا مضغطتش بببرامج ضغط دي لعبة اسينس كريد عشان بس اشوف درجات الحرارة في الضغط وطبعا هي فعلا مرتفعة
والمعالج والرام شغالين بالترددات الاصلية بتاعتهم بس اصلا المعالج فيه خاصية تردده ممكن يوصل ل 4100 اثناء الضغط
لكن الطبيعي بتاعه 3500 والرام 1333 وده اتاكدت منه من البايوس من بروفايل الكسر نفسه مكتوب TARGET CPU FREQUENCY 3500 MHZ وايضا ال TARGET DRAM FREQUENCY 13333 MHZ
انا هشوف HWiNFO وهرفع صورة منه كمان شوية
رد مع اقتباس
ضوابط المشاركة
المفضلات