دا موديل الكارت بتاعك ؟؟
SAPPHIRE TRI-X R9 290 4GB GDDR5 OC
دا لينك للموديل من موقع الشركة المصنعه نفسها https://www.sapphiretech.com/present...id=2091&lid=1#
لا ده الموديل الي عندي وصلتين 8
https://www.sapphiretech.com/present...=&lid=1&leg=0#
بس موضوع الوات ده انا لما سالت هنا وشوفت في تومز هاردوير بردو الكل اجمع ان الكارت بيشتغل علي باور 600 وات بس يكون ماركة نضيفة وانا عشان كده جبت السيوسنيك احسن حاجة
وفي ناس مشغلينه كمان علي باور 520 سيسونيك وفي الي مشغله علي 550 وهكذا ودايما الشركة المصنعة بتحط اراقم بامان زيادة اوي عشان مكونات الجهاز التانية واتاكدت بردو من موضوع الامبير الي طالع من كل خط باور وكل الكلام ده
انا عملت حاجة قبل مركب الكارت تاني من حوالي ساعة شيلت بطارية الماذر والجامبر الي بيعمل ريسيت وركبتهم تاني
انا لحد دلوقتي مركبه بدون تعريف وشغال بيه ومفيش فريز لحد دلوقتي
المرة الي كنت مركبه بدون تعريف وعمل فريز كنت بسطب تعريف اللانة وقتها فانا دلوقتي مسطبتهاش سيبت تعريف الويندوز الافتراضي ليها قد يكون بردو التعريف ده هو المشكلة
انا عملت ستابيليتي تيست بال aida انا مركب الكارت بس مش معرفه تقريبا كده مش ساحب غير 30 وات ودي الصور بتاع التيست انا موضح فيها كل حاجة
ا
مش عارف اكمل رفع باقي الصور بيقولي تجاوزت الحد المسموح بيه
أخى احنا كده موصلناش لحاجة لسة مش عارفين المشكلة من الباور ولا الكارت .... ؟ موضوع ان الكارت بيتشغل على باور لحد 550 وات دى معلش انا مش مقتنع بيها مش بقول انك غلط انا عارف ان الكارت يشتغل على 550 وات ولو اقل كمان معاك لحد ما الجهاز يفتح ( لكن هل جهاز محتاج باور 750 هيشتغل من غير مشاكل لو فتح على باور 500 او اقل مثلا ) لكن دى مش الظروف المثالية لتشغيل كارت بيحتاج 750 وات ...ومتنساش باقى المكونات .. ده غير ان الكارت وقت الضغط بيسحب اقصى طاقة ليه ... انت كنت قولت تقريبا ان مشكلة الفريز دى حتى مش بتححل بزر الريستارت اللى ف الكيسة ... وانا معتقدش ان دى مشكلة تعريف طالما الجهاز مش بيستجيب خالص لكن ...
انا هقولك على اقتراحين
1 - فى برنامج اسمه whocrashed البرنامج ده المفروض انه بيحلل مشاكل الشاشة الزرقاء ... لكمن احنا هنجربه لعله ينفع هنا ..انت هتنزله وتسطبه ولما الفريز يحصل وتقفل الجهاز وتفتحه تانى ( لازم الفريز يحصل بعد ما تكون سطبت البرنامج ) تفتح البرنامج هتلاقى كلمة analyze تدوس عليها وبعدين تشوف المعلومات اللى هيدهالك ( لو نفع واداك معلومات هتلاقيه كاتبلك سبب الفريز باللون الازرق )
ملحوظة : البرنامج ممكن مينفعش انا كنت بستخدمه للشاشة الزرقاء وكان بيحل معايا ممتاز
2- لو انت جايب الباور جديد ولسة ف الضمان روح غيره وهات واحد اعلى ( حتى لو ده كافى علشان الامان ف المستقل ) وادفع الفرق قول لبتاع الضمان ان الباور فيه مشكلة او مكثف ضعيف وبيقفلك الجهاز لما الكارت بيسحب طاقة ....بالطريقة دى على الاقل هتكون اطمنت ان المشكلة مش ف الباور لانك هتكون شغال على واحد كافى جدا ومطمن ... وانا معرفش ليه حاسس انه الباور ...لانى كان عندى مشكلة مشابهة ولما غيرت الباور المشكلة اتحلت
_________
معلش الموضوع مرهق شوية لكن انا خايف يكون الموضوع ف الباور نضحى بقطع تانية اغلى فى سبيل مراجعات غير مضمونة من وجهتى نظرى انا اثق فى معلومات الشركة المنتجة اكتر لانها دايما بتدور على استقرار منتجاتها لضمان سمعتها ف السوق
Intel Core i5 4440 3.1Ghz
ASRock H81-HDS Socket 1155
320GB HDD Sata 2 Western Digital green
8GB RAM (2x4) dual channel kingstone hyperX
R9 270 2GB DDR5 gigabyte windforcex2
zalman LE500 500 watt
zalman z3 plus mid-tower case
بس المشكلة دي بتحصل وانا اصلا مش ضاغط علي الكارت ولما جيت ضغطت عليه وفتحت كريد يونيتي محصلتش المشكلة دي انا بكون بتصفح نت او بعمل كوبي وبتحصل المشكلة يعني الكارت مش بيكون ساحب حاجة خالص
بالنسبة للفريز هو بيتحل لما بعمل ريستارت للجهاز من الكيس عادي ده الحل الوحيد
انا لو روحت رجعت الباور علي اساس انه خسران اكيد مش هيديني باور تاني لانه هيقولي هشغله الاول واختبره وهيلاقيه شغال تمام فمش هيرجعه
وبعدين المراجعات في تومز هاردوير بيضغطوا علي الكارت باثقل الالعاب وبرامج الاختبار انا يدوبك ببقا شغال علي النت فحتي لو الباور مش كافي للكارت في وقت الماكسيمام لود اكيد كافي في وقت الخمول ولا ايه رايك
عاوز اسالك سؤال لما كانت بتحصلك مشكلة الفريز دي كان بيجيبلك شاشة زرقاء ولا فريز بس والصورة تثبت ؟؟
انا هجرب البرنامج الي انت قلت عليه ده يمكن يقدر يعرف المشكلة في خاصية في الويندوز مشابهة انا جربتها ومفهمتش حاجة من الانفو او مجبتش مفيد الي سجله الويندوز هو ريستارت مفاجئ بطريقة مش سليمة الي هو انا عملته اصلا بنفسي مجبش سبب الفريز يعني بس انا عموما هجرب البرنامج الي قلت عليه
انا بقالي يجي 5 ساعات شغال بالكارت بدون معرفه ولحد دلوقتي مفيش اي مشكلة قابلتني يبقا كده مكونات الجهاز الاخري سليمة اكيد والمشكلة انحصرت في الكارت او الباور
انا المشسكلة اللى حصلت عندى مش فريز ..كانت غلق مفاجىء ومش بالضرورة وقت الضغط .... ولما غيرت الباور المشكلة اتحلت الحمدلله ....
موضوع الكشف ع الباور موضوع ملتوى شوية يعنى مش معنى ان الباور شغال انه مفيهوش مشاكل ... انا لما رحت غيرت الباور كان شغال عادى ولما الراجل جربه كان شغال عادى لكن الفكرة انه كان فيه عيب انا حتى معرفوش لكن من التشخيص كان هو السبب الاول انه باور سبلاى والراجل لو فاهم كويس مش هيتكلم معاك وده اللى حصل معايا ...
جرب البرنامج وشوف يمكن ينفع ....
اخر حاجة ودىى نصيحة منى شخصية إن شاء الله لما المشكلة ( حتى لو مطلعتش باور ) غير الباور سبلاى ودايما تخليك ف الامان لان الباور ده سلاح ذو حدين ممكن فى لحظة يضيعلك قطعة ف الجهاز فوق ال 2000 جنيه مثلا فخلى بالك ....
والحاجة الاخيرة علشان نقطع عرق ونسيح دمه زى ما بيقولوا لو عاوز تتطمن من ناحية الكارت لازم كده تجربه على جهاز تانى شوف واحد صاحبك ان شالله حتى يكون عارف حد فى محل كومبيتور يرضى يخليك تجرب الكارت عنده لمدة ساعة مثلا وشوف الوضع ... علشان لو الكارت لاقدر الله تلحقه وهو ف فترة الاستبدال
Intel Core i5 4440 3.1Ghz
ASRock H81-HDS Socket 1155
320GB HDD Sata 2 Western Digital green
8GB RAM (2x4) dual channel kingstone hyperX
R9 270 2GB DDR5 gigabyte windforcex2
zalman LE500 500 watt
zalman z3 plus mid-tower case
مهو المشكلة معرفش حد عنده جهاز يقوم الكارت ده اصلا :D
انا سطبت البرنامج هعرف الكارت ونشوف ايه الي هيحصل
طيب اخى لو البرنامج محلش حاجة روح للراجل اللى جبت منه الكارت وخليه يجربهولك عنده هو او تاخد الكيسة عنده ويجربلك باور سبلاى تانى
وإن شاء الله خير
Intel Core i5 4440 3.1Ghz
ASRock H81-HDS Socket 1155
320GB HDD Sata 2 Western Digital green
8GB RAM (2x4) dual channel kingstone hyperX
R9 270 2GB DDR5 gigabyte windforcex2
zalman LE500 500 watt
zalman z3 plus mid-tower case
غالبا هعمل كده هو عنده قطع يقدر يختبر بيها اكيد هيبقا المواضيع دي عنده سهلة انا عامة جايبه من ماكسيمام
طيب تمام ...انا متعملتش ما ماكسيمم قبل كده بصراحة اسعارهم غالية بالنسبالى ...لكن اللى اسمه انهم ناس محترمين .... وده بصراحة الحل الانسب ف الظروف دى طالما مش قادرين نوصل لتشخيص سليم 100% لكن قولى البرنامج نفع ولا لأ .؟
Intel Core i5 4440 3.1Ghz
ASRock H81-HDS Socket 1155
320GB HDD Sata 2 Western Digital green
8GB RAM (2x4) dual channel kingstone hyperX
R9 270 2GB DDR5 gigabyte windforcex2
zalman LE500 500 watt
zalman z3 plus mid-tower case
هو البرنامج منفعش لسبب محير ان محصلش فريز !! لاني سطبت التعريف الي جاي مع الكارت هو اقدم شوية من الاوميجا 12.9 تقريبا شهر 12 سنة 2014
المهم انا سطبت التعريف وضغطت علي الجهاز كله بال aida 64 لمدة نص ساعة ومحصلش اي حاجة !!
دي النتايج وفي وسط الاختبار فتحت ال gpu-z قلت اتاكد بردو كان قاري الوات ازيد شوية من ال aida كان وصل ل 217 مقارنة بال aida الي تقريبا في حدود 200 ده علي قد فهمي انا جمعت الجي بي يو مع الميموري المهم دي النتيجة للاختبار وفيها كل التفاصيل
التعديل الأخير تم بواسطة Hady Potter ; 08-05-2015 الساعة 03:22
ضوابط المشاركة
رد مع اقتباس
المفضلات