نعم اخى evga كويس
السلام عليكم
ياريت لو حد يقدر يفيدنى انا عاوز اجيب باور جديد
قريت ان افضل انواع هيا seasonic و Crosair بس للاسف مش لاقى لا دا ولا دا قريب مني
اللى لقيته كان Cougar ودا انا مش هجيبه تانى عشان ليا معاه تجربه سيئه وكلفنى كرت شاشه
ونوعين كمان , zalman و EVGA
فالاختيار هيكون محصور بين دول
الاختيار الانسب بالنسبالى من نحيه الحمل والسعر هوا ال EVGA
بالتحديد EVGA SuperNOVA 750 B2 Bronze PSU
ب 900 جنيه وانا جهازى بيحتاج حوالى 600 واط يعنى معايا 150 واط زياده احتياطى للمستقبل
الزيلمان اللى موجود كان الف واط وانا مش محتاج حاجه بالحجم دا بس لو افضل من نحيه العمر والامان يبقى ممكن اجيبه
فياريت لو حد يقدر يساعدنى هل ال evga نوع كويس ؟
وشكرا ..
نعم اخى evga كويس
توقيع مخالف!
عليكم السلام ورحمة الله وبركاته
الـ EVGA جيد جدًا لكن لو في إمكانية لشراء SeaSonic أو XFX يكون أفضل لأنهم صناعة يابانية خالصة
والـ Corsair مش بنفس خامات أيًا من الثلاثة
EVGA SuperNOVA 750
تحديدا كويس وليه مراجعات بتقول انو جميل وبينصح بيه طالما مش لاقى سيسونيك او xfx بس لو انتا فى القاهره هتلاقيهم
شكرا جزيلا للنصيحه انا فعلا جبت من القاهره Crosair HX 850 لانى لما رحت اجيب ال EVEGA لقيته اتباع وكانت اخر قطعه عنده :D
crosair كويسه برضو
يا اخى ممكن تنتظر للاسبوع الجاى انا كنت هشترى باور جديد واتصلت بشركة النخيلى وقالوا الاسبوع الجاى هيكون متوفر الseasonic وال xfx
وممكن حضرتك تتصل وتتاكد
وبالتوفيق ان شاء الله
طيب انا اتصلت بيهم دلوقتى لقيت انو اتشحن من هناك وهيوصل بكرا وقالى ان توفر ليه كذا قطعه seasonic
بالتحديد
Seasonic M12II 850W EVO Edition 850-Watt 80 PLUS Bronze Full Modular PSU1,150 L.ECorsair HXi Series HX850i High-Performance ATX PSU
واللى اتشحنلى
1,750 L.E
مع العلم انى زى ماقلت جهازى بيحتاج 600-650 وات كحد اقصي
فايه رايكو ؟ مااستلمش اللى اتشحن وابعته تانى واطلب السي سونيك ة؟ الفرق ستوميت جنيه وحاسس انى برميهم فالارض وبشترى اجه مش هحتاجها
فى ملحوظه بسيطه فى نهايه المشاركه ..
انت مش بترمي الفلوس فى الارض ولا حاجه بالعكس انت هتعوضهم بالتدريج / انت هتعوضهم على الامد البعيد او القريب حسب استخداماتك انت
عن ماكنت هتشترى باور - SuperNOVA 750W
مبدايا
مكونات OEM باورات HXi 750W + 850W + 1000W Series تصنيع Channel Weight Technology
مكونات Original Equipped Manufacture باورات SuperNova 750W B2 تصنيع SuperFlower
بس المشكله انك مش واخد بالك من الهدق فى امتلاك الباور ده تحديدا :
الباور تقييمه بلاتنيام : كفائته فى مصر(شبكه 230V) تقدر بنسبه 94% كفائه وقت استهلاك نصف جهده
يعنى الباور اللى هيوصلك 850W تقييم كفائته 94% وقت طلبك منه 425W تقريبا لكن وقت احتياجك من جهده 200W بتقدر كفائته بنسبه 90% من كفائته
بينما وقت احتياجك من جهده 100%100 اى 850W بتقدر كفائته بنسبه 91% ( ده منهج متبع فى تصميم باور بلاتينم مفيهوش جدال او تشويش )
احيانا يكون الباور كفائته اعلى او اقل حسب دقه تصنيعه
الباور 850W وانت بتقول احتياجاتك 650W بالكتير يعنى تقريبا 75% من جهد الباور
من خلال المراجعات على موقع TPU هتلاقى نسخه HX 750i ونسخه 1000i كفائتهم حين استخدام تقريبا 75% من كفائتهم مازالت تقدر بنسبه 94%
ماذا يعنى هذا : يعنى اقسم نسبه استهلاكك / على الكفائه X مضروبه فى النسبه الاصليه = تساوى حاصل فواتير الكهرباء
يعن _____650_____ = ما يخرج من سوكيت او كبس الكهرباء بالحائط وتدفع تمنه
______ 94X100
النتيجه هتطلع = 691W = يعنى الكومبيوتر بتاعك محتاج 650W بس هتدفع تمن 691W لشبكه الكهرباء فى نهايه الشهر على كل كيلو وات طبعا
طيب تعالى شوف باور EVGA SuperNova 750W B2
الباور تقييمه BRONZE - وباور برنوز فى مناهج تصميمه كفائتها بتكون وقت احتياج ( عشان نختصر الامر )
انت بتقول احتياجك 650W يعنى تقريبا 85% من حاصل جهد الباور تمام كده ؟
باور EVGA SuperNOVA 750W وقت ما بنحتاج منه 650W او اللى هما تقريبا 85% من النسبه الكليه كفائته ظهرت فى المراجعات
بتقدر بنسبه 86% وهذه النسبه جيده جدا ايضا بس تعالى نحسبها
بنفس المعادله تانى
________________نسبه استهلاكك 650
___________الكفائه 86 X مضروبه فى النسبه الاصليه 100 _
النتيجه هتطلع = 755W = يعنى انت هتستخدم 650W للكومبيوتر بس هتدفع تمن 755W لشبكه الكهرباء فى نهايه الشهر على كل كيلو وات طبعا
هنفترض انك بتدفع فى فاتوره الكهرباء على كل كيلو وات KWh وليكن 30 قرش ( هو شرائح بس مجرد مثال سريع )
وهنفترض انك بتشغل الكومبيوتر بتاعك 720 ساعه طوال الشهر وبتستهلك 650W
بس انت بتقول معاك باور EVGA وتقييمه برنوز فى الكفائه وبيسحب 755W من فيشه الكهرباء
يبقى هنضرب النسبه دى فى عدد ساعات الشغل ونقسمها على نسبه الكيلو وات لكل ساعه ونضربها فى سعر الكيلو وات اللى بتحاسبك عليه الدوله
يعنى كالاتى 755 استهلاكك مضروبه فى 720 ساعه مقسومه على حساب الكيلو وات KWh=1000 مضروبه فى سعر الفاتوره لكل كيلو وات 30 فرش
كالاتى - 755X720 / 1000X30 هتلاقى النتيجه بتساوى = 16جنيه و 30
طيب انت بتقول هيجيلك باور HX 850W وتقييمه بلاتينام فى الكفائه وبيسحب 691W من فيشه الكهرباء
كالاتى - 691X720 / 1000X30 = هتلاقى النتيجه بتساوى 14 جنيه و 90 فرش
وهكذا فى النهايه انت بتوفر نسبه كبيره من الاستهلاك لان كفائه الباور متغيره طوال الوقت بسبب تعدد فترات الاحموال نفسها بتاعتك
يعنى انت شغال ساعتين تحميلك خفيف على باور EVGA وليكن مش محتاج غير 20% من قوته بتنزل النسبه للكفائه الى 78%
بينما باور Pltainum لو انت مش محتاج غير 20% من جهده بتنزل النسبه فى الكفائه الى 93% والنسب متغيره دائما حسب الاستهلاك بتاعك
اتمنى انك تكون فهمتها اخى الكريم جواب اخير ومريح لان بالتاكيد العمليه اللى فاتت جديده
الباور ممتاز ويستحق سعره ومراجعاته رائعه على النت
اذا كانت استخداماتك بسيطه او سعر الباور مكلف بالنسبالك فى الوقت الحالى ممكن تكتفى بباور EVGA وترفض استلام باور HXi
حسب راحتك كليا
مجرد ملحوظه تمت اضافتها من موقع TPU لنسخه HX 750i = اول ماتستلم الباور وتخرجه من كرتونته وتيجى تركبه شقلب الباور فى ايديك ( هزه يعنى )
اذا سمعت صوت مسمار مفكوك بالداخل رجعه بكرتونته تانى واشحنه فى طياره العوده لانها ظهرت من حلال مراجعه الباور وربما هى غلطه وتمت معالجتها
او مش تكون موجوده فىى نسخه 850W
الموضوع مجرد تنبيهه لما لاحظته ولكن بخلاف هذا الباور ممتاز جدا بخلاف السوفت وير اللى معاه
ياااااه
دانا كنت فاهم موضوع ال Efficiency دا غلط تماما
كان فدماغى حسبه غبيه مش لازم اقول عليها خلاص :D
شكرا جزيلا عالتوضيح كدا انا عرفت وقررت ان شاء الله
السلام عليكم
ممكن توضيح اذا كان باور 750w seasonic او xfx
قادر على تشغيل كارتين gtx 970
وكانك تطلب من بطل عالم فى سباق السيارات انه يدور سياره
بسهوله شديده اخى نعم قادر - المعماريه الجديده مشهود لها باستهلاكها المثالى بالطاقه
سيستم كامل مكسور السرعه Sandy Bridge-Extreme X79 مع كارت واحد GTX 970 بيستهلك فى اقصى حالاته 274W
الكارت وحده تم ملاحظته انه بيستهلك 154W فى اقصى الضغط
سيستم كامل مكسور السرعه Sandy Bridge-Extreme X79 مع كارتين اتنين GTX 970s بيستهلك فى اقصى حالاته 439W
الكارتين الاتنين تمت ملاحظتهم بيستهلكوا 326W فى اقصى الضغط
حالات الخمول والاستخدامات الرتوينيه السيستم كامل لم يتعدى 130W بدون العاب
اذن باور Seasonic 750W فيه Headroam او وفره اكبر من 250W ~ 200W فى اشد حالات الضغط ببرامج التعذيب
مع كارتين GTX 970s ومنصه مكسوره السرعه واكيد دى نسبه جيده جده الى ممتازه لتركيب اى اجزاء اضافيه على الباور او البورده
وايضا الباور هيكون مرتاح جدا فى شغله ودرجات الحراره ليه لانه مش مضغوط بشكل كبير على اقصى جهده
المصدر
الحمدلله تم شراء Seasonic G series 750 w Gold
شكرا للنصيحه جميعا
مبروك على الباور
وبنشكر الاستاذ
Phenomenon على مساعدته
المفضلات