[تقرير] عن لعبة Deus Ex: Mankind Divided القادمة في 23-8-2016

[| OMA |]

اعلان :- Deus Ex: Mankind Divided


عرض من داخل Deus Ex: Mankind Divided مدتة 30 دقيقه

[phenomenon]

منتظرينها باذن الله مع انى مقلق منها

[| OMA |]

منتظرينها باذن الله مع انى مقلق منها

مقلق من ناحيه ايه ؟

[Walid DX01]

بانتظار الجزء الجديد وتجربته مع اني ملعبتش الاجزاء القديمه
تسلم علي التغطيه المميزه

[| OMA |]

بانتظار الجزء الجديد وتجربته مع اني ملعبتش الاجزاء القديمه
تسلم علي التغطيه المميزه

انصحك بتجربتها علي الاقل الجزء الثالث Deus ex : human revolution و الجزء القادم بالطبع

[phenomenon]

مقلق من ناحيه ايه ؟

مش هكدب عليك يا محمود انا محبتشى الجزء السابق بالرغم ان الاثاره فيه كانت جميله واكيد بنصح بتجربتها
بس دعايا سلسله Deus EX طول عمرها احسن من اللعبه واسلوب لعبها نفسها وعشان كده خايف منها

[| OMA |]

مش هكدب عليك يا محمود انا محبتشى الجزء السابق بالرغم ان الاثاره فيه كانت جميله واكيد بنصح بتجربتها
بس دعايا سلسله Deus EX طول عمرها احسن من اللعبه واسلوب لعبها نفسها وعشان كده خايف منها

عجيب والله عجيب مع انها شبيهه جدا ب watch dogs ولاكنكم تحبون يوبي سوفت

متقلقش قاموا بتحسينها بشكل كبير في اسلوب اللعب

[phenomenon]

عجيب والله عجيب مع انها شبيهه جدا ب watch dogs ولاكنكم تحبون يوبي سوفت

متقلقش قاموا بتحسينها بشكل كبير في اسلوب اللعب

طيب استنى بس مين قال انى بحب Watch Dogs حتى AC نفسها متعبتشى نفسى معاها من زمان من 2009 تقريبا
اجمل لعبه لـ UBISOFT بالنسبالى هى RAYMAN Series + FC ويمكن غيرهم

بس عارف انت افتكرت مثال من اجمل الامثله اللى توحى بقصدى والله
شوفت اعلانات Watch Dogs كانت عامله ازاى ؟ بصراحه اى حد كان منبهر بيها وانا متاكد ان فى ناس كتير حبيتها وكملواه للنهايه
لكن انا اقل من نصف ساعه وملليت ومفكرتش اكملها تانى والسبب هو انى انتظرتها تكون نفس شكل الاعلانات
مستحيل نسبه downgrade تخليها توصل بالشكل ده - اساسا المشكله مش فى Downgrade لان لعبه The Witcher3 حصل فيها نفس الامر ومع ذلك لا تجوز فى مقارنه الجرافيك حتى

المشكله بالنسبالى اساسا زى ماقولتلك والله مش الجرافيك ولكن عدم الاقتناع فقط هو مشكلتى " انا من النوع الصعب جدا اقناعه "
اول مافتحتها حسيت انها DirectX 8.0 بس قولت عادى المهم الاقناع ولكن للاسف No Satisfaction, neither Persuasion

العاب الجاسوسيه والتخفى ليهم انتهت مع Splinter Cell فعلا والعاب المغامره والاثاره مع POP وبنلعب بمحركات من افشل واسوا المحركات وبورتات زى الزفت
احكيلك على موقف طريف جدا عن لعبه رقم واحد عالميا وهى GTA V
فى لحظه قتال عنيف حاولت اعمل jumping زى tackling سريع عشان اخد ساتر بسرعه جمب السياره قبل الـ RPG مايصيبنى
بنط من هنا لقيت نفسى واقف فوق كبوت العربيه بدل تحتها - اخدت الدانه وطيرت وافضل اعيد وازيد فى منطقه مش مستاهله اساسا ولا صعبه بس نظام gameplay فقير ورخيص " حاجه كده درجه تانيه "
فى حاجه تحس انها يعنى ممكن تقول magnitude او مش عارف اوصفها بصراحه بس مش بلاقيها فى اغلب الالعاب " ممكن نقول مجرد اذواق "
بس دايما بلاقيها غالبا فى العاب EA والعاب WB + Bathesda وغيرهم على حسب اللعبه غالبا
لكن دول تحديدا من قبل ما اجرب العابهم عارف ان مهما كانت اللعبه سيئه فهيجيلها وقت واجربها تانى
بس عاوز اقولك حاجه بردو : انا استمتعت جدا ب GTA V بس هى متستحقش عمرها اكتر من 8/10 - قصه تعبانه - جيم بلاى ضعيف - اخطاء بالهبل - مستويات جانبيه فاشله - العالم الضخم وهم محصلشى ربع عالم MAD MAX
بس فى النهايه كلها for fun يعنى
انت اللى خلينى اتكلم بس فى انتظار DEUS EX فعلا

[| OMA |]

يااااااه دا انتا شايل في قلبك كتير

watch dog انا معاك ان اتعملهاDowngrade في الجرافيك ما بين العرض و اللعبه نفسها بس معظم الشركات بتتبع نفس الاسلوب بالنسبه لجزئيه الجرافيك الا بعض الشركات مثل Crytek و لعبة Crysis الي كنا بنقيم بيها كارت الشاشه من قوتها في الجزئيه دي

بس هي الفكره من وجهة نظري انDowngrade في الالعاب بيبقي بسبب انهم عارفين ان مش كل الجيمرز عندهم المنصات القويه اللي تشغل الالعاب بنفس درجه العرض و تكون التجربه مقبوله - فا علشان يغطوا شريحه اكبر من العملاء لازم يعملوا Downgrade و لو هتقولي طب ما هما ممكن يوفروا كل مسويات الدقه في الجرافيك و كل فئه تحددها علي كيفها

- هقولك وانتا اكيد عارف ان في العاب زي skyrim the elder scrolls لما نزلوا pack ال hd بتعها كان قد حجم اللعبه مرتين و دي لعبه عدي عليها كذا سنه كمان فلو هطلعوا كل الالعاب بنفس دقة العرض حجم الالعاب دي هيوصل 90 جيجا ويمكن اكتر - المشكله فعلا ان المحركات سابقه المنصات الشخصيه بكتير

بالنسبه بقي ل يوبي سوفت دا العادي في سياستها في الدعايه - طبعا farcry كسلسله و الجزء اللي الجديد اللي لسه نازل دا مفيش فيها كلام - انا من مدمني سلسله RAYMAN و النوع دا من الالعاب ككل

The Witcher3 تعتبر من افضل الالعاب اللي لعبتها في اخر سنتين قصه جرافيك كانت لعبه شبه متكامله - حصل فيها Downgrade بس مش بنفس الدرجه اللي حصلت في watch dog مثلا

بالنسبه للاقناع انا معاك - انا في العاب علي سبيل المثال زي This War of Mine استمتعت بيها مع انها تعتبر 2D واقنعتي اكتر من اخر 3 اجزاء في AC بأستثناء AC :BF

و بعدين ما AC هي تطور prince of persia وكانوا مشين حلو 4 اجزاء وبعد كده حشو وSplinter Cell من احسن العاب التخفي وكنت بالعب الجزء 3 او 4 مرات وعلي فكره في احتمالات كبيره جدا ان ما كانت اكيده ان ليها جزء جديد هيتم الاعلان عنه في مؤتمر E3 الجي

GTA V و الله ما كملتها حتي مفيش جديد خالص لا قصه و اي حاجه و الجرافيك لوحده مينفعش

انتا ميال اكتر لل epic Games ودي مش موجوده كتير انتا نفسك عديت افضل الشركات في النوع دا من الالعاب

---------------------------------
انتا تقول زي ما انتا عايز