السلام عليكم ... هل باور 380watt يكفي ل r7 360 ?
او باور 450 ؟
السؤال التاني لو الباور مفيهوش pin 6 ممكن اعمل ايه ؟
اهم شىء يكون الباور اوريجنال ماركه محترمه وطالما باور 450W مفيهوش كابل 6pin يبقى بنسبه كبيره هو لا يستطيع تقديم كامل منسوب الوات الحقيقى المكتوب عليه
اذا اتضح لينا انه باور اوريجنال ضمن باورات HP/Dell وما شابههم ولكنه لا يمتلك كابل طاقه PCIe فعتلاقى مع كارت الشاشه الجديد كابل تحويل Molex to 6pin PCIe
لو الكارت نستعمل اسال صاحب الكارت على وجوده او ممكن تشتريه من اى مكان وسعره رخيص
يفضل ذكر مكونات الجهاز واسم الباور سبلاى او صوره من الملصق الجانبى ليه
السلام عليكم شكرا للرد ... بالنسبه لجهازي فهوا اورجينال وامكانياته ضعيفه .. انا بخطط اني احدث الجهاز وبالصدفه شوفت فيديو c2d مع gtx 750 ti وكان محقق اداء كويس جدا ... ففكرت اني اجيب الكارت مؤقتا لحد ما احدث باقي الجهاز ........بالنسبه للجهاز
c2d e8400 3ghz 6 cash
4gb ddr2
وبس الماذر هيا الماذر بتاعه Dell optliex 755
عندي استفسار تاني هوا ممكن اشغل كارت pci express 3 علي ماذر 2 ؟ انا اظن انها 2 بما انها قديمه ..
بالنسبه للباور لا امل فيه
639029364.jpg
بالنسبه للباور ال 450 او 380 ؟ هل ال380 ينفع ولا لا؟ هما غالبا بيهم pin 6 ...انا اقصد لو هشتري اورجينال ومفيهوش pin 6 لكن طالما بييجي مع الكارت كونفرته خلاص .... سؤال اخير gtx 750 oc 1 gb ddr5 vs r7 360 nitro لو هجيب ال gtx 750 مش هجيب باور اظن ؟
للاسف بدور على كارت gtx 750 ti مستعمل بس مش لاقي ...
التعديل الأخير تم بواسطة phenomenon ; 19-05-2016 الساعة 18:37
وعليكم السلام ورحمه الله وبركاته
للاسف معالج C2D E8400 هيتسبب فى عنق زجاجه للكارت
ملحوظه اضافيه : اغلب فيديوهات اليوتيوب اللى بتثبت قدره المعالجات المركزيه الضعيفه والقديمه هى لتجار سلع مستعمله ومحاوله منهم لترويج القطع اللى بيشتغلوا فيها ليس اكثر
عموما هو مفيش منه مشكله لو تعطيله محاوله ولكن تاكد ان GTX 750Ti لن يعمل بكامل قوته الا مع معالج رباعى قوى او ثنائى حديث
انظر الى المراجعه القادمه لاختبار ثلاثه معالجات مركزيه مختلفه مع كارت شاشه واحد واختبار فرق الاداء بينهم
المعالجات المركزيه هى
معالج C2Q 8300 وهو ضعف عدد الانويه الموجوده بمعالج C2D E8400
معالج Pentium G3220 وهو من معالجات انتل الجيل الرابع يمتلك نواتان معالجه وخيطين معالجه 2x Threads
معالج I3-4100 وهو من معالجات انتل الجيل الرابع ايضا ونواتان معالجه ايضا ولكن خيطين معالجه 4x Threads اضافيان
كارت الشاشه الوحيد هو GTX 750
هنحلل المراجعه لحضرتك سريعا
المراجعه الاولى هى لعبه BF4 وهتلاحظ ان اداء المعالجات ثنائيه النواه من انتل الجيل الرابع تفوقت على معالجات انتل C2Q رباعيه النواه بسبب حداثه وقوه نواه الجيل الرابع
ومع ذلك فممكن نقول ان الاداء واحد بالنسبه ليهم وكارت GTX 750 بيحقق على التلات منصات اداء واحد تقريبا فى لعبه BF4
المراجعه الثانيه هى لعبه Dirt Rally وهتلاحظ قد ايه معالج انتل C2Q 8300 الرباعى تسبب فى اختناق الاداء لكارت GTX 750 وتسبب فى ضياع ما يصل الى 30 اطار
لاحظ ان معالج pentium G3220 بالرغه انه ثنائى الانويه تغلب على معالج C2Q رباعى الانويه لان معالج pentium هو الاحدث وفرق التصنيع يصل الى اكثر من 6 اعوام
فما بالك لو كان المعالج معاك هو C2D E8400 وهو نظريا نصف اداء C2Q 8300 وفى هذا الوقت سيتسبب فى اختناق الاداء اكتر لكارت GTX 750
فما بالك اذا كان كارت الشاشه هو GTX 750Ti وبطبيعه الحال كلما كان كارت الشاشه اقوى كلما كانت نسبه عنق الزجاجه وهتناق الاداء اكثر وضوحا جدا مع المعالجات المركزيه الضعيفه
فى لعبه DA:Inquestion مره اخرى يحدث اختناق واضح جدا لكارت GTX 750 مع معالج انتل الرباعى C2Q 8300 فما بالك اذا كان المعالج اللى بتفكر بشرائه هو اضعف فى الاداء منه
اما فى لعبه DL يضيع منك ايضا لا يقل عن 10 الى 20 اطار اذا كنت تمتلك Q8300 فما هى نسبه الخساره اذا كان C2D E8400
اما فى لعبه GTA V فمن الواضح انك هتعتبر كارت GTX 750 معاك وكانه GT 710 بسبب عدد الاطارات الرهيب اللى هيضيع منك عن اذا كنت تمتلك معالج ثنائى حديث الانويه زى I3
وواضح جدا افضليه I3 عن pentium فقط بسبب خطان المعالجه الزياده للانويه
كل اللى انا عاوز اوصله لحضرتك نقطتين مهمين
1 - مراجعات موقع HWSecrets عالميه ويشتهر بالخبره وصدق مراجعاته بينما مراجعات YT تشتهر بالكذب والتضليل لان اغلبها يتم رفعها لاسباب محدده كمحاوله من
التجار او اصحاب الصفقات الخاصه بمنتج معين لاشهار مخزون قديم من المعالجات لديهم وتضليل الزبائن بها
تخيل مدى شكل عنق الزجاجه اللى شوفناه فى المراجعه عامل ازاى مع معالجاتlمعماريه Core 2 وراعيه الانويه : وتخيل بنفسك ما اذا كانت ثنائيه الانويه فقط
2- قم بشراء ما يناسبك فى النهايه واذا لاحظت ان اقصى الميزانيه لا تسمح حاليا مفيش مشكله ولكن اذا وجهك اختناق واضح فى الاداء وبطىء شديد داخل الالعاب فلا تظن ان كارت الشاشه هو السبب
كارت GTX 750 Ti او GTX 750 تعتبر كروت فئه اولى او اقتصاديه وبسيطه نعم فى الاداء ولكن يمكن تشغيل اغلب الالعاب عليهم بسلاسه على جودات معتدله ومتوسطه
ولكن للاسف اى منهم مع معالج C2D E8400 هيكون ادائه شبيهه باداء كارت GT 710 او حتى GT 730 فى معظم الالعاب الحديثه ولن تعلم قوه الكارت الحقيقيه لانه لا يحصل عليها
بخصوص الباور : اغلب انواع كارت GTX 750 لا يحتاج الى كابل طاقه مخصوص واغلب هذه الانواع من اسيوس او ايفجا او جيجيابايت هتلاحظ انهم مروحه واحده فقط
وبياخدوا طاقتهم من اللوحه الام ومع ذلك فشخصيا للاسف معنديش ثقه كبيره فى الباورات الاوريجنال لان المشكله احيانا لا تقتصر على منسوب الطاقه فقط بل وانتظام ومعالجه الفولتيات ايضا حين طلب زيادتها
ممكن تجرب الامر اولا والباورات الاوريجنال مهما كان مصداقيتها افضل وتصنيعها افضل من المزودات التجاريه الخيصه صاحبه سعر 20 او 50 جنيه وممكن تعتمد عليهم
وتشوف التجربه الاوليه للكارت عامل ايه وهل فى استقرار فى شكل اداء الجهاز ام تحتاج فورا الى باور سبلاى اكثر مصداقيه سواء لكارت GTX 750 او نسخه Ti
وتذكر البحث عن نسخه 2GB
فى لعبه DA:Inquestion مره اخرى يحدث اختناق واضح جدا لكارت GTX 750 مع معالج انتل الرباعى C2Q 8300 فما بالك اذا كان المعالج اللى بتفكر بشرائه هو اضعف فى الاداء منه (ملحوظه) عندي المعالج ..مش لسه هشتريه
طب لو المعالج i3 جيل تاني تردد 3 جيجا هرتز 3 كاش تقريبا ...هيقلل من اختناق النظام
... ولو قدامي c2q 2.6 vs i3 2100 اختار ايه ؟
فعلا ال fps قليل عن الاداء الحقيقي للكارت بس غالبا مش قدامي غير كدا حاليا .. هبقا اغير المنصه كلها بعدين
.انا روحت سـألت عن باور قالي فيه دولفين او ابل تقريبا 500 وات ب 180 جنيه تفتكر ده تجاري ؟
عندي استفسار تاني هوا ممكن اشغل كارت pci express 3 علي ماذر 2 ؟ انا اظن انها 2 بما انها قديمه ............
................ ايه رايك في ال r7 360 ؟ .
......... انا بفكر ف r7 360 لان فرق السعر 200 تقريبا و ال r7 360 مكسور اظن انه هيبقي اقوي .انا ممكن اجيب باور 380 ماركه محترمه ايه رايك هيكفي مع r7 360 والتجميعه الحاليه #مش بخطط لكسر السرعه ابدا#.....واشكرك جدا على الرد والاهتمام
التعديل الأخير تم بواسطة helpmeok ; 19-05-2016 الساعة 20:57
المشاركة الأصلية كتبت بواسطة helpmeok
بغض النظر عن كارت الشاشه الاقوى ولكن انت بالاساس لن تحصل قوه GTX 650 كامله ولازم حضرتك تفهم النقطه دى
كارت GTX 650 مع المعالج الحالى يضيع منه عدد من الاطارات بسبب تاخير المعالج المركزى
كارت اقوى من GTX 650 مع المعالج الحالى يضيع منه عدد اكبر من الاطارات
بخصوص الباورات فهى تجاريه بالفعل ومسمياتها ليست لها اى صله بشركه ابل وباور دولفين او جامبو او ابل جميعها لا تستحق 30 جنيه لانها من الداخل روبابيكيا وليست مزودات طاقه
عموما مفيش مانع انك تشترى R7-360 حاليا طالما هو صفقه افضل وارخص 200 جنيه وادائه تقريبا قريب من GTX 750
ولكن فى اقرب فرصه حاول ترقيه الجهاز عشان تقدر تشغل جميع الالعاب وتحس بقيمه الكارت افضل
مش تقلق بخصوص جيل سوكيت كارت الشاشه ومنصات LGA 775 كانت سوكيت PCIe 1.1 ومع ذلك فليست نقطه مفصليه
نظريا يفضل التحديث للتاكد من توافق الهاردوير ولكن عمليا الجميع يقوم بشراء اى كارت مهما اختلف السوكيت لان طريقه عملهم نفس الشىء على جميع المنصات ولم تختلف والاداء لم يختلف وانما من اجل توفير الطاقه للمنصات الحديثه
توصلوا الى جيل PCIe 3.0 وسرعه افضل فى النقل من اجل بعض الاليات الاخرى زى الهاردات الحديثه
مش تقلق من اختلاف الجيل باذن الله مفيش مشكله فيها
شكرا ليك ....انا شفت كارت gtx 480 ب 800 جنيه في المنتدي (ملقتش غيره ) ايه رايك فيه احسن من 750 ti
للاسف لا مش افضل من GTX 750Ti
خليك فى المعماريات الجديده اخى الكريم عشان الكارت يعيشك معاك فتره طويله ودرجات حرارته تكون اهدى واستهلاك طاقته اقل وتلاقى تعريفات مستقره بالنسباله اكتر
تمام .. طب انتا بتقول ان المعالجات القديمه بتعمل عنق الزجاجه.عشان كدا فكرت ... ايه رايك في g3220 هيبقا احسن من i3 2100 مع كارت 750 ti او 960
ولو pentuim g3220 ضد i5 جيل تاني في الالعاب مع نفس الكروت الاداء هيستحق ؟ وشكراااا
ضوابط المشاركة
رد مع اقتباس
المفضلات