تسلم ايدك يا معلم بجد ناس كتير هتستفيد الله ينور عليك
السلام عليكم و رحمة الله و بركاته
ازيكم يا اعضاء المنتدى الكريم
نظرا ان الاسعار بتاعت الهاردوير بقت زى النار
و ان التجار ما بيصدقوا و بيبقى فى جشع زياده عن اللزوم فى الاسعار
و يشهد كارت gtx 1060 اول ما نزل مصر نازل ب 4900 جنيه ؟؟؟؟؟!!!!
فالنهارده هحكى تجربتى مع امازون فى شراء نفس الكارت و بأقل من السعر ب 1400 جنيه
اولا لازم تتوفر على الاتى
1- فيزا انترنت و تأكد و انت بتعملها من البنك انك هتشترى بيها من على النت
ممكن تروح تعملها من اى بنك قريب منك و مش هتاخد وقت
2- تشحن الفيزا بالمبلغ المطلوب يعنى تشوف تكلفه المنتج كام و اضربه ف 9.40 و دى الى امازون بيحاسب بيها و غالبا بتنقص او تقل ممكن تلاقيها ب 9.30 مثلا
3- هتدخل مازون عادى هتعمل حساب عادى جدا
4- هتروح على Your Account هتلاقى على اليمين خالص Mange Shipping Address
لما تدخل عليها هنا هتكتب العنوان بالتفصيل جدا فى مصر و هتكتب اقرب رقم بريد ليك بس لازم يكون رقم البريد رقم حقيقى عشان يتقبل
و هتكتب رقم موبايلك عادى و اسمك بالكامل و هتعمل save و كله تمام
5- هتروح على الكارت الى انت عايز تجيبه
و فى اختيارى كان الكارت ده
https://www.amazon.com/gp/product/B0...=ATVPDKIKX0DER
هتلاقى على اليمين Add to Cart
هتضغط عليها و بعدين تروح ع السله بتاعتك هتلاقيها فوق على اليمين
طبعا هيجيلك اختيارات و انت بتعمل كده اضغط No thanks و كمل
لما تعمل كده هتضغط على Proceed to check out
هتبص تلاقى العنوان مكتوب و اسمك و رقم موبايلك و كده و مكتوب تحتها
Ship to this address
هتضغط عليها
و اختار المده الى تيجى فيها من رأى اختار ارخص حاجه و ارخص حاجه هى اطول حاجه و غالبا بيجى قبل المده المكتوبة بكتيير
هتختار و بعدين تعمل continue
و تروح تدخل الفيزا بتاعتك و هيحسبلك الحاجه و بكده زى الفل
كل المصاريف الى بتبقى موجوده بتبقى شامله كل حاجه لحد باب بيتك و شم بتدفع ولا مليم
و كان تمن الكارت ده لما جبته دفعت 3315 جنيه يعنى اقل من تمنه فى مصر بحوالى 1600 جنيه
الموضوع سهل جدا و مش محتاج اى حاجه
الصعب فيها بس هو موضوع الفيزا
بس خلى بالك ان مش كل حاجه بتتشحن الماذربورد و الباور مش بيتشحنوا تقريبا
بس انت ممكن تجيب الحجات الغاليه من هناك بس زى كروت الشاشه مثلا لان دى الى فيها اوفر هنا
و اتمنى الموضوع يعجبكم و اى اسئله انا تحت امركم
تسلم ايدك يا معلم بجد ناس كتير هتستفيد الله ينور عليك
يعني على معنى كلامك لو جبت جهاز كامل مثلا من امازون في عرض واحد من لعروض اللي بتتعمل دي ! الجمارك هتشيل من الشحنة الماذربورد و الباور سبلاي ! طب ليه كدة ايه الفكرة
فيه اجهزة في امازون في حدود 700 دولار الواحد لو جاب مكوناتها منفصلة في مصر هيدفع فيهم معدي ال12 الف مستريح حرامية بزيادة اوي تقريبا الضعف : ) خسارة والله كنت عامل حسابي اجيب جهاز كامل من على الموقع
6700k with gtx 1080
6600k with gtx 1070
المعالجين الاتنين اربعة انوية
و الكرتين الاتنين ثمانية جيجا
هل فرق الاداء الفعلي بينهم كبير للالعاب الجديدة علي دقة 4K و يستحق فرق السعر ولا لا
ارجو الافاده بعد اذنكوا
التعديل الأخير تم بواسطة never back down ; 12-08-2016 الساعة 21:57
للاسف ي اخى بس انت ممكن تجيب الماذر بورد و الباور من هنا عادى مش هيبقوا اوفر فى سعرهم اوى المهم هى كروت الشاشه لان زى ما انت شايف اوفر جدا
بس فى طريقه و هى انك ممكن تجيب الماذربورد و الباور عن طريق شركه شحن ولا حاجه وسيط بينك و بين امازون و كده بس هتتكلف فلوس كتيره فهاتهم من هنا احسن
انا ناوي اشتري التجميعة اللي في الفيديو ده انشاءالله مع تعديل بعض القطع هل لو اشتريتها اقدر اشغل الالعاب الجديدة علي دقة 2160p علي شاشة 1080p باستخدام تقنية انفيديا DSRعلي اعلي اعدادات وعلي فريمات ثابتة 60hz refresh rate ولا لا مع العلم ان استخداماتي هيفي جيمنج و براوزينج وداونلودينج ولا استني الجيل السابع من المعالجات 7700k 7600k kabylake احسن خصوصا ان فاضل 3 شهور وتنزل مع العلم ان التجميعة هاتفضل معايا علي الاقل خمس سنين
الموضوع دا طبعا مهم جدا دلوقتي وأنا متوقع إن ثقافة الشراء من بره هتنتشر في الفترة اللي جاية بس أنا عندي مشكلتين في الموضوع ده أتمنى النقاش فيهم بالتفصيل...
أولا:- موضوع فيزا الإنترنت..اللي أعرفه اللي هيه البطاقة المسبقة الدفع...ودي لما سألت قالوا موقفين استخراجها دلوقتي وبعض البنوك عاملة الحد الأقصى للسحب الشهري 100 دولار !!...فبالتالي تمن الكرت بالشحن ممكن يكون 350 دولار...مش هينفع..طب نتغلب إزاي على العقبة دي...
ثانيا:- موضوع الضمان...أي شركة مصنعة مهما كانت درجة جودة كروتها من الممكن أن يكون فيها كروت معيبة سواء Gigabyte, MSI, ASUS...فبالتالي في احتمال ( ولو ضعيف ) إن الكرت يكون في مشكلة..طب لو الشخص في أمريكا.. خلاص مفيش مشكلة ... RMA ... يرجعه وهيدوله غيره وخلصنا...إنما هنا هتضطر تشحنه تاني..أظن على حسابك...وموال...فهل الكلام ده مبالغ فيه وضمان مصر أحسن؟؟ولا الضمان هنا سيء لدرجة إن الضمان الدولي أفضل بالرغم من عناء الشحن وطول الانتظار علبال ما يبعتو غيره مع التكاليف في دا كله...خصوصا في ناس بره بتقول الكرت اشتغل تمام أربع شهور مثلا وبعد كده بدأ يخرف و باظ ...فهل الواحد يقعد على أعصابه إن ممكن تكون في مشكلة في أي لحظة؟؟...وبالنسبة لمصر...إيه موضوع التخصيم...وهل لو الكرت معيب الكرت بيتغير ببساطة ولا الموضوع محصل بعضه من الخارج أو من هنا الضمان متعب؟...
التعديل الأخير تم بواسطة amr101985 ; 27-08-2016 الساعة 13:19
اولا اخى الكريم بالبدايه حوار وقف الفيزا انترنت ده فعليا حاصل قريب و عرفتها بالصدفه من صديق و دى مشكله مصر فى الوضع الحالى بسبب قله الدولار و البنوك غالبا الايام دى مش بيرضو يشتروا او يبيعوا الحل هنا بسيط جدا
انت هنا هتلجأ لشركه شحن وسيطه و تدفع بالجنيه المصرى عند الاستلام زى شركه ادفعلى او lynks و غالبا الزياده عن الشحن المباشر من امازون هتكون حوالى و لنفترض من 200 ل 500 جنيه تقل او لا تتخطى ال حاجز ده و برضو مازل السلعه رخييييييييصه جدا بالمقارنه بالسلعه فى مصر
ثانيا الشق التانى و هو الضمان اولا لو كان فى عيب ف السلعه و حصلت و انت شحنت السلعه غالبا امازون بيتكفل بدفع مصاريف الشحن و سلعه اخرى جديده و الضمان الدولى دائما افضل من الضمان المحلى و ده شئ معظم الناس متفقين عليه و بالنسبه للمشاكل الى بتحصل فى الكروت الموضوع ده بيبقى وارد ف اول ما الكروت تظهر زى مشكله سحب الطاقه ف كارت rx 480 و ده بيحصل لان النسخه بتبقى reference فممكن لو خايف جدا تتغلب عليها و تجيب نسخه custom كويسه و عموما الاخطاء وارده هنا او هناك بس الموضوع مطمئن جدا و معظم الناس الى اعرفها و انا منهم بنتعامل بالشكل ده لو كان الاسعار هنا فى مصر مرتفعه كده جدا
بالنسبه لمصر التضخيم ده بيحصل بسبب جشع التجار او انتهاز الازمه الموجوده حاليا او ايا يكن الاسعار فعليا اسعار غريبه و مرعبه بشكل غريب فأنصحك بلاش تتجه ليها ايا كان لان كده بتقول انك راضى عن السعر ده كارت ال 1060 فى مصر بحوالى 4900 جنيه بينما يمكنك شراء كارت ال 1070 من امازون بحوالى 4200 جنيه مصرى ؟!!!!!!!! و ده شئ استغلالى جدا بالنسبه للتجار المصرين
و الضمان هنا غالبا بيغيروه لو شركه كويسه و انا اعرف بعض التجارب للناس مع بعض الشركات الى كانت بتصعب الحوار بس فى الاخر بيغيروه عادى لو حصل اى مشكله و ان شاء الله مفيش اى مشكله تحصل
و انا ف خدمه حضرتك فى اى استفسار اخر
بشكرك أخي الكريم على ردك..وموضوع الفيزا حاجة تغيظ لأن فعلا شركات الشحن ممكن تاخد 500 جنيه زيادة..رغم إن أمازون بيشحن لمصر هما مش هيشحنوه...لكن كل الحكاية إن مش معايا فيزا... يعني الكرت اللي مكلف 3300 تقريبا هيكلف 3800 وممكن أكتر...مع إن لو كان الواحد معاه فيزا كان وفر أكتر...حاجة تغيظ...
وبالنسة للضمان ...حضرتك متأكد إن أمازون بيشحن الكرت لو فيه حاجة تاني لأمريكا ويشحن كرت جديد بدلا منه مجانا؟؟؟...النقطة دي مهمة جدا لأن التكلفة بتاعت الشحن هتوصل سعر الكرت لمستوى سعره في مصر...
وبالنسبة للضمان المحلي...بيغيروه لو شركة كويسة ؟؟ زي إيه؟؟
ومتشكر لحضرتك على اهتمامك
برغم ارتفاع السعر ف الشحن عن طريق شركات اخرى فبرضو السعر مازال منخفض بالنسبه لهنا
ان شاء الله متأكد جدا لانه حصل عيب طرد كان جاى لواحد صاحبى و شحنه تانى لامريكا و كله ع حساب امازون و شحنوا ليه طرد تانى بدون عيوب بس مكنش كارت شاشه للامانه او شئ خاص بالكمبيوتر بس امازون موقع محترم و معروف من زمان و تعويضاتهم جيده جدا يعنى و ضمانهم مظبوط
اقصد بشركه كويسه المحل الى حضرتك بتشترى منه و تعامله مع الناس انت لو بتلف ف سوق الهاردوير هتلاقى محلات كتيره جدا و انا معظمهم مش بحبهم عشان سياستهم الغبيه بس لو المحل انتت واثق فيه اشترى و على خيره الله
و عفوا انا تحت امر حضرتك فى اى حاجه تانى
طيب انا ليا اسئله لو سمحت :
فيزا الانترنت هل بتحتاج اى اوراق معينه لاستخراجها؟ (يعنى اروح البنك بدون ما يكون معايا اوراق رسميه معينه؟)
انا مش فاهم النقطه دى الصراحه, هل حضرتك تقصد انى اروح على شركه وسيطه و اطلب منهم المنتج اللى انا عايز اشتريه من على امازون و هما يشتروه و يوصلوه لحد عندى وادفع بالجنيه المصرى؟ (على اساس انى فى الحاله دى مش هاحتاج للفيزا)اخى الكريم بالبدايه حوار وقف الفيزا انترنت ده فعليا حاصل قريب و عرفتها بالصدفه من صديق و دى مشكله مصر فى الوضع الحالى بسبب قله الدولار و البنوك غالبا الايام دى مش بيرضو يشتروا او يبيعوا الحل هنا بسيط جدا
انت هنا هتلجأ لشركه شحن وسيطه و تدفع بالجنيه المصرى عند الاستلام زى شركه ادفعلى او lynks و غالبا الزياده عن الشحن المباشر من امازون هتكون حوالى و لنفترض من 200 ل 500 جنيه تقل او لا تتخطى ال حاجز ده و برضو مازل السلعه رخييييييييصه جدا بالمقارنه بالسلعه فى مصر
طيب فى الحاله دى حضرتك متأكد ان الاسعار هاتزيد حاجه بسيطه فعلا؟
شكرا و اسف على الاطاله.
فيزا الانترنت لما انا استخرجتها كنت محتاج صوره البطاقه فقط و 50 جنيه لا غير
ايوة انت هتتعامل مع الشركه عن طريق النت زى شركه ادفعلى مثلا و هتطلب ان محصل يجيلك وي اخد الفلوس الى هو الدفع عند الاستلام عشان تضمن حقك برضو و اه متاكد ان شاء الله ان الفلوس هتزيد حاجه بسيطه
مع العلم انك حتى لو اشتريت من امازون بالفيزا هتتحاسب بالجنيه المصرى و سعر الصرف من مازون زى سعر الصرف ف البنك يعنى هيبقى قليل جدا ان شاء الله
و عفوا انا ف الخدمه
اولا تسلم ايدك علي الموضوع المهم جدا و خصوصا في الوقت الحالي بسبب جشع التجار
ثانيا عندي استفسارين :1- انا عندي كارت فيزا انترنت لازم يبقي الحساب فيها بالجنيه المصري ولا بالدولار عشان اقدر اشتري من امازون و هل فيه حد اقصي للشراء كل شهر؟
2- اجيب رقم البريد منين هل من مكتب باريد عادي جمب بيتي ولا ازاي و هل الشحن بيوصل لمكتب البريد و انا استلمه منه ؟ و اكتب عنوان بالانجلش بامزاون؟
شكرا و اسف علي الاطاله
المفضلات