سؤال ضروري عن شركات الانترنت في مصر

[ironfighter]

سؤال للاخوة الافاضل هل شركة تي داتا اصبحت افضل بعد العروض الجديدة التي هي سرعة التحميل تصل الي 16 ميجا وبعد انتهاء حيز التحميل تصل السرعة الي 1 ميجا الي 4 ميجا والجوده اصبحت ممتازه ام الموضوع نصب انا حاليا مشترك في dsl اتصالات بس المشكلة ان سرعة 2 ميجا بحيز تحميل 150 جيجا بالنسبة لي قليلة بعض الشيء فها انتقل الي تي داتا ام ابقي في اتصالات وهل سيوجد عروض جديده بالنسبة للانترنت الثابت لشركة اتصالات مصر علي اعتبار ان الشركة الام المصرية للاتصالات قدمت عروض جديده الان في القريب العاجل
ولكم جزيل الشكر

[ironfighter]

هل من رد ؟؟؟؟؟؟؟؟؟؟؟؟؟؟؟؟

[Black foxer]

ابعد عن تي ايه داتا تماما

بالنسبة لموضوع Mega Plus فده زي نصباية لان السرعة مش بتوصلك 16 ميجا كاملة ونادرا الي الي بيوصلهم السرعة كاملة

تي ايه داتا قفلت بروتوكلات مهمة عندها دلوقتي بعض برامج الشات اتوقفت و الكثير من الالعاب الاونلاين وقريب اوي مش بعيد يفصلوا النت خالص علينا ويسيبولنا موقع تي ايه داتا بس هو الي يفتح

اتصالات كويسة الى حد ما ومفيش فيها مشاكل تي ايه داتا خليك معاها افضل وممكن تعرف اكتر عن مشاكل تي ايه داتا من الاعضاء هنا

[ayoub_bob]

أنا مشترك تى أية داتا
نظام ميجا بلاس
16 ميجا
لى 200 جيجا تحميل شهريا
اما من ناحية ان تشاهد سرعة ال16 ميجا للأسف فعلا
كما قال اخى وحبيبى محمد
أعلى شيىء وصلت لة معهم 12 ميجا اما اعلى سرعة تحميل 1.400 /
وساعات ميجا و 200 كيلو
وساعات سرعة التحميل تصل ل ميجا و 300 كيلو
اما اقل سرعة تحميل وصلت لى هي 1 ميجا
هذه هي تجربتى مع تى أية داتا
وهذة عينة من سرعة التحميل



تحياتى لكم جميعا

[omar9084]

اشترك لو خطك كويس ويشيل 16
انا اشتركت فى الباقة 100 جيجا والسرعة 13 ميجا وعملت شكوي وهيبعتوا فني يفحص الخط فى السنترال عشان السرعة موصلتش 16
انت وحظك بقي موضوع السرعة هتوصلك كام !

[Yasser]

انا شايف انه خطوه كويسه نظريا بحيث ان الاسعار تبدأتتغير او ناخد بيها مزايا اكبر .....وطبعا يظل مستوى الخدمه من جميع الشركات لا يخضع لاى معايير جوده محترمه وغير مراقب .....لكن أفلح ان صدق .......وياريت لو فى خطوه مماثله من link dot net ياجماعه تشاركونا بيها احسن احنا تعبنا !


- سرعة 1 ميجا / تحميل 100 جيجا / 100 جنية شهريا

- سرعة تصل الى 16 ميجا / تحميل 100 جيجا / شاهد بلس / 160 جنية شهريا
- سرعة تصل 16 مجيا / تحميل 200 جيجا / شاهد بلس / 260 جنية شهريا
- سرعة تصل 16 ميجا / تحميل 300 جيجا / شاهد بلس / 360 جنية شهريا
- سرعة تصل 16 ميجا - تحميل 500 جيجا - شاهد بلس / 500 جنية شهريا

[abdalhaliem]

كل الشركات سواء

والعروض تكاد تكون متشابهه بكل الشركات

المحصله النهائيه

أننا أصبحنا متخلفون جداا بالنسبه

لجوده وسرعه الأنترنت بمصر كصوره عامه

فائق تحياتى

[jetlin]

السلام عليكم
أخواني
انا مشترك بتي اي داتا
ميجا بلس
160
والسرعه
وصلاني 16
طبعا الموضوع مش سهل كده توصل 16
بعد متابعه دامت اكثر من شهر حتي اصل لهذه السرعه
اول اسبوع وصلت 9
وبعدها كل يوم يضيفوا 1
وتوقفت عند 13
ولكن كنت كل لما اتصل يكملوا ويضيفوا 1
حتي وصلت 16
طبعا سرعه بالنسبه لمصر خياليه
ولا انكر انها مسأله حظ فقط
لانني شاهدت علي الفيس بوك الخاص بالشركه ناس كتير بتصرخ
بكل الاحوال جرب شهر
مع مراعا انني لدي الكبلات فايبر
وهذا اعتقد هام للغايه
واذا اردت اي استفسار انا تحت امرك

بجانب الاستمتاع بشاهد بلس

[ironfighter]

يعني يا جماعة انتو من رايكم اسيب اتصالات واتجه الي تي داتاولا احول الي فودافون او لينك دوت نت انا اهم حاجة عندي سعت التحميل وخصوصا ان اسعار الانترنت بتنخفض دلوقت في الشركة الام انا مش عارف ليه شغل السرقة ده من شركات الانترنت في مصر حسبي الله ونعمي الوكيل

[Hamnny]

السلام عليكم
ممكن سؤال انا حاسس انه سؤال غبي شويه
بس مكتوب علي موقع المصريه للاتصالات بس بالانجليزي بما معناه ان شاهد بلس مبتستهلكش من الباقه ده حقيقي
MEGA PLUS will let you watch all the movies and TV shows on SHAHID PLUS with Up to 16M internet speed without thinking about going over your usage limit again.

[Yasser]

السلام عليكم
ممكن سؤال انا حاسس انه سؤال غبي شويه
بس مكتوب علي موقع المصريه للاتصالات بس بالانجليزي بما معناه ان شاهد بلس مبتستهلكش من الباقه ده حقيقي
MEGA PLUS will let you watch all the movies and TV shows on SHAHID PLUS with Up to 16M internet speed without thinking about going over your usage limit again.

بيتكلم هنا اعتقد عن خدمه اسمها ميجا بلس مع شاهد بلس بتدى الميزه دى واحيانا كثيره بتكون العباره السابقه فى العروض المشابهه تعنى ان الاستهلاك والمشاهده من مواقع معينه ومحدده هو المقصود , على العموم اكيد الموقع من الاعلى به خيار لعرضه بواجهه لغه عربيه لمزيد من التوضيح .