i5 جيل تانى افضل
معالج i7جيل اول
ام معالجهi5 جيل تانى
ام معالج i3جيل تالت
ملحوظه للوحه عندى جيابيت h61
i5 جيل تانى افضل
شكرااا لك
انا عارف حضرتك عاوز توصل لايه هل الاحدث افضل ؟
بص فرق الاداء بين الجيل و الجيل 5% فقط و ده بينطبق على كل معالج و المعالج الذي أتى بنفس سعره بالجيل الأحدث
يعني I5-3550 أفضل من I5-2500 بفرق 5% فقط
لكن I7-3770 أفضل من I7-2600 بفرق 5% فقط
بصراحه مش متذكر فرق النسبه المؤيه بالضبط و لكن بما أن معالج I5 ضعف معالج I3 بعدد الأنويه و الكاش ميجا لكن متساوى في عدد خيوط المعالجه و يحرم من تقنية HT إذن فلنفترض أنه أفضل و ليكن 50%
إذن سيكون معالج I5 الجيل السابق أفضل من معالج I3 الجيل التالي بعده بفرق و ليكن من 40% الى 45% أيضاً
و ينبغي أن يكون أفضل من I3 الجيل الذي يليه بفرق 35% إلى 40% و هكذا إلى أن يصل إلى الجيل السابع مثلاً فربما قل ا لفرق تماماً
و لكن بالتأكيد هناك بعض الإستثناءات في عملية برمجة التطبيق لانها ممكن تلاقي أداء أفضل على معالج زي I5-2500 حتى أفضل من I3-6100 بسبب إعتمادها بشكل جيد على تعدد الانويه
لكن I7 الجيل الأول خارج الحسبان تماماً لان المعالجه المركزيه شهدت قفزه لحوظه في الأداء بداية من معالج الجيل الثاني بالضبط لدقة تصنيع 32nm
وظائف و هاردوير مهمه جده انتقلت من الشيبايه لداخل وحدة المعالجه المركزيه نفسها زي متحكم الذواكر و متحكمات العرض و وصلات PCIe المتصه بالبطاقات الرسوميه ( جميعها سهلت المهمه و رفعت من اداء المعالجات
المركزيه لانتل بشكل ملحوظ )
الاجابه المخترصه هي اجابة الاخ ياسر بكل وضوخ
اضيف لاجابتك المفصله اخى ابراهيم ان الاخ ابو معتز مهتم بالالعاب مثلنا كما ظهر من سابق مشاركاته واكيد سؤاله عن الاداء بالنسبه للالعاب وكرته الجديد تحديدا .....ف(الافضل )اكيد معالج رباعى النواه زى الi5
انا مش عارف اشكرك ازى بس بصراحه انت جبت الى فى تفكيرى على طول
وانا محتار وبقيت مبعرفش اخاد خطوة ال استشير حضرتكم الاول
انا الى فهمتو انا كور i3 با اتبن نوة لا كن i5 ب4نوة يعنى يفرق حولى 50 فى الميه عنi3
ودة كدة كويس علشان العاب فى الحجم المتوسط
با النسبه لكرت الشاه استاذى الفاضل yassernageb62
تم بيعه لحين تطوير المعالج والرمات لان دول اهم شى فى الجهاز
يعنى انا دلوقتى غيرت الباور وزودت الرمات باقى المعالج ان شاء الله
بعد كدة هتجه لشرا كرت شاشه ان شاء الله
شكرااا لك اخى الكريم اسال الله العظيم ان يرزقك الجنه انت وجميع المسلمينالمشاركة الأصلية كتبت بواسطة Phenomenon
افدتنى كتير
ملحوظه كم سعر معالجi5
سعرة جيل 2 مستعمل وجديد
وجيل 3مستعمل وجديد
ان شاء الله هشترى مستعمل بس الجديد لو سعر فى المعقول هتكل على الله
مافيش جيل تانى وتالت جديد والمستعمل حاليا التانى فى حدود 1000 والتالت فى حدود 1400 ولو عرفت تشترى اقل يكون كويس
دة جيل كام ويركب على h61ول لا
ده جيل اول ومش بيركب على 61
شكراا على تعبك معاى
تم شراء i5جيل تالت بفضل الله ومساعدتكم بفرق 750على i3جيل تانى
شكر للكم
جزكم الله كل خير
أخي العزيز إبراهيم...أنا عندي معالج جيل أول ( i7 920 ) منذ 7 سنوات واستخدامي له في الألعاب..ومحسيتش أبدا بإن عندي تأخير في الأداء بسبب المعالج...لما كنت بحس بتأخير كان بيبقى كرت الشاشة ضعف ولما كنت بغيره كنت بحصل على النتائج المعروفة والمتوقعة من هذا الكرت الفلاني....ودا على مدى السنوات اللي فاتت مع 3 كروت متتالية من أول hd 5850 مرورا ب r9 285 وحتى gtx 1060.....وطالما سألت نفسي ...هل هناك أي حاجة حقيقية ( عندي ) لتحديث المعالج...وكنت أرد على نفسي أنني لا أحتاج لذلك...فما رأيك؟؟؟ وماذا تقصد بأنه خارج الحسبان ؟؟ هل بالنسبة لبرامج أخرى مثلا غير الألعاب؟؟ وهل يفضل في هذه المرحلة التي وصلت فيها انتل للجيل السابع أن أفكر في التحديث؟؟؟ أنا مقتنع ان أموري كويسة ومش محتاج غير تحديث الكرت كل سنتين أو تلاتة...هل في حاجة مش واخد بالي منها؟؟
أعتذر لك على تاخير الرد انا حاولت ارد بمجرد رؤية الموضوع لكن النت فصل
تمام يا أخ عمرو تفكير عملي و منطقي و لكن للأسف عنق الزجاجه ليها خفايا و محتاجه انك تفكر فيها أو على الأقل تعيشها بأكتر من شكل عشان تاخد بالك منها
و تعرف أمتى تجديداً ممكن تأثر عليك و ليها عوامل سلبيه و أيه اللي انت خسرانه دلوقتي مع I7-920
شوف استاذ عمرو حضرتك رايح بكره امتحان و ليكن مادة اللغه العربيه و لكن لانك كنت مرهق جدا من المذاكره قبلها مقدرتش تظبط امورك و تجهز حاجتك
و تاني يوم كنت مستعجل و أثناء تأدية الإمتحان قسمت 4 أسئله و كل سؤال هيستقطع 30 دقيقه منك و مشيت على هذا الروتين لتخرج بعد ساعتين
مع صديقك على يمينك هو I7-4770 و على يسارك زميل اخر I5-4460
و لكن بعد ساعة زمن بالظبط ينفذ قلمك الحبر منك تماماً ( إذن ستتوقف مباشرةً )
ماذا تفعل ؟ بإختصار ستحاول طلب المساعده من المراقب لتوفير قلم جاف زياده تكمل بيه امتحانك و لكن اتضح ان المراقب متشدد جداً و مرضاش يشغل أي
من الطلاب بسؤالهم عن قلم زياده فخرج لغرفة المدير جابلك القلم و كملت امتحانك
ايه اللي حصلك دلوقتي ؟ أكيد فترة تأخير زمني و فشل الروتين النموذجي اللي انت ظبطته لإجابة أسئلة الامتحان بأفضل شكل
تسببت لك في ؟ إنهاء الإمتحان في فتره زمنيه متأخره جداً تكاد تكون 3 ساعات بالضبط لكنك انهيته
لما خرجت سألوك أصدقائك خلصت الإمتحان ؟ فردك عليهم كان " الحمد لله بالكاد انهيته تماماً كما تمنيته " و هذا يعني نجاح جميعكم بالإختبار
انتوا الثلاثه قدرتوا تخلصوا امتحان اللغه العربيه في فترات زمنيه مختلفه و لكن لأن ثلاثتكم مفعل خاصية Vsync لضبط مستويات الأداء عند 60 اطار
لم يشعر أي منكم بالإرهاق و لكن سرعة الإجابه هذه إذا تطلبت من صديقك I7-4770 الإجابه و ليكن كتابة 300 كلمه في نصف ساعه لإجابة كل سؤال
ستتطلب من I5-4460 كتابة و ليكن 400 كلمه و ستتطلب منك كتابة و ليكن 1000 كلمه
الإمتحان ده كان و ليكن لعبة BF1
إذن أنت الأكثر إرهاقا و الأعلى بدرجات الحراره لكنك بطريقةً ما قادر تحافظ على سرعتك و مستحمل الضغط
__________________________________________________ __________________________________
اليوم التالي إمتحان مادة التاريخ و ما ادراك ما التاريخ ( يتطلب اجابته من جلدة الكراسه للجلده الأخرى )
صديقك I7-4770 كان يكتب بسرعة 600 كلمه في كل 30 دقيقه و إستطاع الإنتهاء من الإمتحان بإجابة 4 أسئله و سؤال الإختياري الإضافي و خرج بعد ساعتين و نصف
صديقك I5-4460 كان يكتب بسرعة 1000 كلمه في 30 دقيقه وإستطاع الإنتهاء في ثلاثة ساعات و إجابة السؤال الإختياري
أما بالنسبالك كنت تكتب بسرعة 2000 كلمه في كل 30 دقيقه و أنهيت الإمتحان في 3 ساعات و لكن لم يسع الوقت لإجابة السؤال الإختياري الإضافي
إذن ماذا حدث لك ؟ تنازلت عن إجابة سؤال إختياري ربما كان سيسمح لك بدرجه أفضل من السؤال اللي جاوبيته
في الواقع هذا السؤال الذي تنازلت عنه هو تنازلك عن خواص جرافيكيه في لعبه و ليكن Crysis3 / Tomb Raider و ضبطت المنصه نفسها على التخلص
من هذه الخواص أو تقليلها بسبب خصائص الحاسب في المعالجه المركزيه ووجود معالج I7-920 بالرغم أن أصدقائك في نفس مستوى زكائك و لديهم
عقل واحد GTX 1060 و لكن للاسف هم يمتازوا بالسرعه في كتابة الإجابات عنك و حتى دون الشعور بنفس إرهاقك
الفتره الزمنيه المتاخره بالنسبالك تسمح ليهم يخلصوا قبلك و يخرجوا يراجعوا سوياً وهما بيفطروا وانت لسى بتناحي بس لأنك ذكي GTX 1060 برضوا هتنجح
لكن تنازلت عن سؤال ( خواص رسوميه ) لا يتنازل عنه الأذكياء مثلك ( GTX 1060 )
__________________________________________________ __________________________________________________ ______________________
ماذا يحدث لو كان ثلاثتكم أمام إمتحان مادة الفيزياء ؟
ماذا يحدث لو كانت الشاشه 144hz أو 200hz و لديك عقل ذكي قادر على الإنتاج على هذه السرعه و لكن على جودة Medium / High
ثق أنك راسب و ثق أن معالج I5-4460 إذا نجح فبفضل دعاء الوالدين فقط
ما كان يحدث لإنتاج 60 اطار من ثلاثتكم كان في الحقيقه يتطلب تقريباً و ليكن 60 % من كامل جهد I7-4770K و يتطلب 90% من كامل جهد I5-4460
أما بالنسبالك فهو بمثابة 100%100 CPU Usage و إختناق تام وإرهاق و إرتفاع درجات الحراره و في النهايه ستواجهه لااااااااج و عرقله واضحه بالأداء
كلما هبطت النتائج عن 144 اطار بالرغم أن ثلاثتكم عقل ذكي قادر على اللعب على جودة Medium و تحقيق 1440 اطر او اكثر
لكن يتطلب يد سريعه في الكتابه كي يبداً هذا العقل في التفكير على إجابة السؤال الثاني بسرعه أكبر و لكن اليد البطيئه ترهقه و تبطىء عمله
__________________________________________________ __________________________________
بالعوده إلى إمتحان مادة التاريخ الذي تنازلت معه عن السؤال الإختياري ( تنازلت عن بعض الخواص الرسوميه لتتأكد من تحقيق 60 اطار مع بطاقة GTX 1060 )
زملائك الاسرع بالكتابه لم يتنازلوا عنه و كانوا قادرين على تنشيط هذه الخواص و تحقيق 60 اطار ايضاً و لكن عندما حاولت أنت على المخاطره و البدأ بتنشيط
هذه الخواص انت الأخر لم تستطسيع تحصيل 60 اطار بالرغم انك مره ثانيه لديك عقلك ذكي و قادر و لكنك بطىء جدا بالإجابه
المراقب مش هيستني عليك - بالضبط نفس اللعبه و المعالج الرسومي محتاج المعالج المركزي ميتأخرشي عليه و إلا هيبان على شكل الأداء المنخفضل
________________________________________________
عشان كده احنا ممكن ناخطر وننصح بعض الاعضاء او انفسنا بشراء بطاقه رسوميه قويه بالرغم ان المعالج المركزي متوسط فقط
انا واثق اني هتنازل عن بعض الخواص الجرافيكيه اللي ممكن كنت اقدر انشطها مع GTX 1050 Ti و لكن اوقات كتير وانا داخل اللعبه بلاحظ
ان المعالج الرسومي دئما 70% D3D Render فقط و هذا يعني انه حاطط ايديه على خده طول الوقت و دائما في انتظار
و بمجرد ان انظر الى معالج I3 ألاحظ أنه أعلى من 90% من التحميل
بالرغم اني داخل لعبه و مفترض ان المعالجه الرسوميه تكون هي الأكثر تحميلاً فترات زمنيه أطول
___________________________________
فهي نسبه و تناسب و ممكن بذكائك تهرب منها زي مانت قدرت دلوقتي تهرب منها بالرغم ان لديك GTX 1060 - صحيح هتتنازل عن بعض الخواص
لكن مستمتع بجوده ممتازه
لكن في بعض الحالات الاخرى و عند إمتلاء خيوط المعالج جميعها بالبيانات 100%100 سيظهر عنق زجاجه واضح جدا و ستتنازل عن كم اكبر من
الرسوميات بالرغم ان المعالج الرسومي قادر على معالجتها في فتره زمنيه سريعه و لكن التاخر بسبب المعالجه المركزيه نفسها
وبتظهر بشكل ملحوظ كلما كانت البطاقه الرسوميه أقوى بفرق شاسع عن العالج المركزي
يمكن تحقق نتيجه Average Fraps Scors معقول و قريب من المعالجات الحديثه
لكن هتلاحظ ان معدلات Minimum واطيه جدا عن المعالج الحديث و ده معناه انك بتعاني من دروب فريم اوقات كتيره جدا و تبقى ماشي كويس بسرعة
60 اطار و انسيابيه جيده في الاداء لكن فجاه lag و دروب ل 40 و فجاه لاج دروب 38 و في اللحظات دي بيحصل تاخير واضح في الاداء
بالرغم من انسيابية الاداء مع نفس البطاقه الرسوميه مع معالجات مركزيه احدث
_________________________________________
المعالج الرسومي قادر على معالجة ما يعالجه المعالج المركزي الافات المرات لدرجة ان هناك تساؤلات لماذا لا نعتمد فقط عليها و لكن السبب هو تعدد لغات
برمجيات التطبيقات التي تفرض وجود كلاهما و إذا كانت هذه البرامج تحتوي على عمليات حسابيه و معالجه تعتمد على المعالجه المركزيه بشكل مكثف داخل
الألعاب لدرجه تتسبب له بالإختناق ستلاحظ بوضوح راحه كبيره في طريقة عمل المعالج الرسومي
عنق الزجاجه ليها اكتر من شكل و منها الكئيب و منها الطبيعي
بالنسبالك طبيعيه لان اللعبه بتفرض بعض التضحيات على حساب الخصائص الحرافيكيه من اجل تحسين مستويات الاداء
وربما تستطيع اللعب بدون تقنية V-Sync وهذه الحاله أفضل لانها لا تفرض الوصول إلى المعالجه بسرعة 60 اطار في الثانيه
و في الحاله دي كلما كانت النتائج من 30 الى 40 اطار الانسان بطبيعة الحال بيقدر يلعب بالسرعه دي و مش يلاحظ تأخير في الأداء او حركة الرسوم
دائما الأحدث أفضل و لكن هذا لا يعني اننا دايما مفروض علينا الجري وراء الأحدث كمهاوييس الاليكترونيات و لكن فقط نحاول الاستفاده بما لدينا
بالنسبالك يا اخ عمرو لديك تجربه عمليه لتحكم بنفسك
هل فترات تحميل المعالج الرسومي 99%+ دائما هي الأكبر أم 70% او 60% فقط ؟
إذا كانت الأولى إذن انت في السليم
لكن في التانيه و التالته في الحاله دي بنقول عنق زجاجه و الإعدادات والأداء اللي ان تبتحصله دلوقتي كنت ممكن تخصل نفسه بالضبط مع GTX 1050Ti
_________________________
عنق الزجاجه الكئيب تماماً أو الوقت الذي ينبغي علينا فيه إعتباره كئيب هو عدم الوصول إلى سرعة المعالجه التي أتطلبها على مواصفات الحاسب لدي و جودة
الإعدادات الرسوميه
لو بحب العب على جودة هاي و تفعيل V-Sync لمعالجة مشاكل تمزيق الصوره و معايا بطاقه رسوميه قادره على ذلك بسرعة 60 اطار و اللعبه معروف عنها
انها لا تعاني من مشاكل بالاداء و لكن لا استطيع تحصيل هذه النتيجه ( في النهايه نقول عنق زجاجه كئيب ولابد التغيير )
اما اذا كان الاداء مقبول او اللاج بيظهر لحظات قليله جدا مش تأثر على الاداء فهنقزل نسبة عنق زجاجه بسيطه مقبوله
لو بحب العب اي شيء على جودة هاي و لكن مش يشترط تفعيل خواص المزامنه و بقدر احصل 30 الى 40 اطار ايضا هنقزل مفيش عنق زجاجه كئيب
صحيح في عنق زجاجه لكن طالما مش ماثر على الحاله المزاجيه و اللعبه مش عايشه في كابوس و مفيش تاخير ملحوظ اثناء تنفيذ الاوامر بمجرد اعطائها على
لوحة الكيبورد اذن هنقول الامر كويس
لكن اول ما تلاحظ عنق زجاجه و دروب بيحصل تاكد انك مع معالج مركزي اعلى قادر على الهروب من هذه الحاله و لكن طالما مالهاش تاثير على الجيم بلاي
و نتائج الاداء طبيعيه اذن الامر طبيعي و لا داعي للقلق
________________________________________
إذن هل I7-920 يتسبب لعنق زجاجه لبطاقه زي GTX 1060 ؟
بالتأكيد بل وأقل منها أيضاً و لكن بسبب قوة بطاقة GTX 1060 في قدرتها على تحصيل عدد إطارات جيد و تمكين اللعب بأداء معقول و الوصول إلى 60 اطار حتى إذا
إختنق و هبطت سرعته في المعالجه إلى 70% فقط و لذلك انت لا تلاحظ عنق زجاجه
و لكن إذا حاولت رفع الإعدادات الجرافيكيه و الضغط على المعالج الرسومي بحيث يتطلب عمله بقدرة 100%100 بالكامل
و بحيث أن بطاقة GTX 1060 بالكاد لديها القدره على تحصيل و ليكن 60 اطار سيبدأ معالج I7-920 في تأخير الأداء تماماً و يظهر إختناق رهيب في المنصه
التعديل الأخير تم بواسطة phenomenon ; 20-02-2017 الساعة 10:37
ضوابط المشاركة
المفضلات